[حامد نوار]

السلام عليكم ورحمة الله وبركاته

ثــلاث مـاني مخــليلـها وخـــلتنــي

الشـوق والســمع والبنـدق وبـدتها

وثــلاث مــا عفتهــا لاكـن عـافتنـي

البنــت والنجــــر والدلــــه وصـبتها

وقــت مضـى اطيـعها وهي مطـــيعتني

اخـذت المكتـوب منها يـوم شـــرتها

دنيــا تقـــافت ومــرتني وجـــرتني

جــرت حبــال الســواني مـع مجــــرتها

ما قلـت ما قلـت فيها ليـن هـزتني

وشــفت اختلاف التـوازن عقب هــزتها

صــارت بـلاوي لاكنها مـا تمـوتنـي

ما يقتـل النـفس غير انهـاي طـعمتها

النيـه اني قصـبت رشـاي على متنـي

ولالي حســايف على الـدنيـا وغــورتها

واخيـر منها ثـلاث ان كـان خـاوتني

الديـن والصبـر والتوحيــد بلغـتها

وثـلاث ما مثلها ان كـان كتبــت لـي

الحـور والأبكـار والجنــة وراحـتها

ارجـي من الله الى مـن انقضـى حتنـي

العفــو والمغفـــره نهــار عــازتها

نهـار ما فيـه لامخفـي ولا مكنـي

ســـيه وحســــنه تقـــدر بقيــمتها

ما ودي افـوتها وان كـان فاتتنــي

ما همـني شـيء اقـوى من تفـاوتها

وان كـان ما هي بقـدمي ما تقفتنـي

نهـار نشـر الصحـايف عقـب وزنتها

ما فيـه مثقـال ذره غيـر وزنـت لـي

الله ذكــرها وانا قــريت ســـورتها

ارجـي من الله على الســنه يثبتنــي

يـارب نفســي على الســنه تثبتــها

خـايف وارجــي وســياتي مهمتــني

واخـاف تحميـل نفســي غير طـــاقتها

ياربـي العفـو قبـل الأجـل يبغتنـي

عفـوك ورحمتــك اكــررها وارددهــا

عمار بن هـلال الشـلاحي



منقول

[عبد الله الصالح ,,]

قصيدة جزلة بمعاني ومفردات رائعة ..
صح لسان الشاعر ,,
وتسلم يمين الناقل أخي الفاضل / حامد نوار ..

[غيوم ممطره]

حملت لنا قصيدة,,
جميلة ورفيعة بشأنها,,
سلمت لنا ذائقتك,,
وفي انتظار ماتثريه من مواضيع أخي الكريم.

[همس الوعد]

ابيات قويه واختيار جميل
حامد نوار الف شكر لك
بانتظار اختياراتك الرائعه