[ام ساري]

هذه من القصائد الجميلة والرائعة التي قرأتها ورغبت نقلها لكم وان شاء الله تعجبكم:


يا بنت أرجوك أنا ما أقدر كفانـي ماضـي الغلطـات
أخــاف الله يعذبـنـي وأنــا خــــــــــــــواف يا بنـيـه


وأخـاف بساعـة اللـذة يجينـا هــــــــــــادم الـلـذات
ويأخذ مـن حشـى جوفـي بقايـا روحــــــــي الحيـه


أنا ليّه ثمان اسنيـن وأنـا مدمـن علـى الشــهـوات
ديـار الفسـق حاستهـا مواطـي تحـــــــت رجلـيـه


عيوني مـن كبـر همـي تخلـط الـدم والعـــبـرات
مِسيـل الدمـع مـن عينـي حفـر بالخـد ماريــــــه


صحيح إنك جميله بـس تبنـا مـن هـوى الزينـات
تركنـا الحـب غصـب وطـوع للعيـن الشقاويـــه


يابنت أنتي على بالـك ابأخـذ مـن بنـات الشـات
أجـل مجنـون أنـا يابنـت أشيـل العقـل بيديّـه !!!


ترى أكبر شيء يربطني مِعك جوال ابو شاشـات
وهاتـف ينقـل أشواقـي علـى نبـرات سلكــــــيـه


وترى كل العلـوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبـيــــــه


هـذاك اليـوم ماهلـت عيونـي لجلـك الدمعــــات
لأن الدمـع ماينـثـر بقـصـه حــب وهمـيـــــــــه


أنا أضحك مِعك واضحك منك وعليك أكثّر الضحكات
كأنـي بالـهـوى جـنـي يعـبــــــي راس جنـيــــه


وأنا مانـي بخكـري يلبـس القمصـان والشرتـات
ويفـرح قلبـه المسكـيـن إذا حــب الدوينّــــــيـه


أنـا مـن لابـةٍ أروت ضمايـا سيوفهـا الغـزوات
خلاياجسمـنـا عـاشـت عـلــى دم القبيـلـيــــــــه


ودهنتي شعـرك الاسـود بألـوانٍ مـن الصبغـات
وعيـت تقبـل الصبـغـه ملامـحـك الخليجـيـه !!!


عشاني ميـتٍ فـي ثغـرك الأحمـر أبـو لمعـــات
تحسبينـي أبرضـخ لـك لأن إشـفـاك ورديــــــه


ورب الكون مأرضى فيك لو إنك شيخـة الحلـوات
وإذا صمـل علـيّ العلـم أكـب ارض السعوديـــه


يابنت الناس عـزك فـي سـوادٍ يستـر العـــورات
وعزي في شماغ أحمـر وثـوب أبيـض وطـاقيـه


سعودييـن نفخـر فــي عبـايـات السعـوديــــــات
نغـض الطـرف إجـلالً إذا شفـنـا السعـوديـــــه

[سيدة الذوق]

أم ساي قصيده رااااائعه .... شكراً لك

[ام ساري]

سيد الذوق

اسعدني مرورك

شــــــــكرا لك

[سحرالفجر]

سعودييـن نفخـر فــي عبـايـات السعـوديــــــات
نغـض الطـرف إجـلالً إذا شفـنـا السعـوديـــــه



أم ســـــــــاري صح لســــــانك ..ولاعدمنــــــــــاااك ..

[ام ساري]

سحر الفجر

هلااااا فيك ياقلبي

[ام طيف 11]

قصيده
ممتازه

[ام ساري]

ام طيف 11

شاكرة مرورك

[ميهاااف]

مشكورة أختي على القصيدة
الله يعطيك العافية
قصيدة جداً رائعه