[قصيـ100]

السلام عليكم ورحمة الله وبركاته

ان شاء الله يعجبكم هالحلا لان مافي احد ذاقه عندي الا وسألني وش مقاديره سهل وطعمه يهبل

نبدأ بسم الله:

المقادير:
1 ) اصبع ونص زبده + بكت بسكوت 100 غرام مطحون ناعم

2 ) 6 حبات كيري + حليب جاموس نستله كبير(أو 4 حبات صغيره) + بياله الا ربع ماء + شوي سكر <<وممكن تستغنين عنه اذا عندكم احد فيه سكر

3 ) كريم كراميل + 2 حليب سعوديه صغير او كاستين حليب (كاس جبن بوك) + 1 ونص ملعقه(مسحوق الكاكاو المر) كاكاو هيتنز<<ماادري اسمه صح والا لا ^_^

الطريقه:

تعجن مقادير ( 1 ) مع بعض وترص بصينيه بايركس وسط
تخلط مقادير ( 2 ) بالخلاط ثم تصب فوق البسكوت بالصينيه وتدخل الفرن بس من فوق وتكوني جنب الفرن لانها بسرعه بتتحمر بس عشان تجمد شوي.. بعد كذا طلعيها وخليها تبرد

بعد ماتبرد خطي الحليب اللي في ( 3 ) في قدر وخليه لين مايقرب للغليان حطي عليه الكريم كراميل والشوكلاته اخلطيه زين بعد مايغلي صكيه وتركيه شوي

وصبي هالخلطه بحذر على الصينيه فوق الجبن(عشان ماتخرق اللي تحتها الطبقه) وبعد كذا دخليه الثلاجه 5 دقايق وطلعيها قطعيه مكعبات صغيره ورجعيها لحين الاستخدام

وبالعافيه على قلوبكم

هذي اول مشاركه لي بهالمنتدى اتمنى الاقي قبول لي بينكم
وسامحوني على العاميه المتناهيه بطريقتي بالكتابه بس متحمسه وانا اكتب ههههههههههههه

تقبلو تحياتي..
اختكم قصيميه

[جاكليين]

ممم تسلم يدك
بس عندي سؤال ...
ايش حليب جاموس؟؟

[قصيـ100]

حليب جاموس اللي يجيك ثقيل
هههههههههههههه
<<قاعده توصف بيدها تقول اللي يجيك كذا هههههههههههههه

اللي فيه صورة ولد يصب الحليب على فمه من بعيد هههههههههههههههه

فهمتي شيء

[جاكليين]

انت من اول ما قلتي اللي يجيكي كذا عرفته ههههههههههه
تسلمي يا قصيميه و ان شاء الله أجربه و أقول لك كيف طلع معي

[رؤى النسمات]

بصراحة المقادير تشهي وتحمس انو الواحد يطبقها ان شاء الله احاول اطبقها واعطي رأيي فيها

يعطيك العافية ربي...

[المميزه]

مشكوره على الوصفه

[قصيـ100]

رؤى النسمات vbmenu_register("postmenu_399059", true); <<مشكوره على المرور وانا متأكده انها راح تعجبك اليوم انا مسويته ^_*

المميزه vbmenu_register("postmenu_399179", true); << مشكوره على المرور

وان شاء الله تعجبكم

[قصيـ100]

^_^ موب انا اللي سويت الرد كذا (هو طلع حركه )هههههههههههههههههههه
ان شاء الله تعجبكم الحركه هههههههههههههههههه

[meme1234]

الله يعطيك العافية

[قصيـ100]

مغسي على ممرورك ميمو