[عبدالرحمن الحربي]

قصيدة أعجبتني كثيراً وأحببت أن تشاركوني


شفتها ياسعود صدفه بعد ما مرت سنين!!!!!!

شفتها



شفتها ياسعود صدفه بعد ما مرت سنين!!!!!!

.............. عند قسم المختبـر وسط مشفى الجامعـه

جيتها ثم قلت ممكن في سؤالي تسمحيـن

... .............ناظـرت فينـي بدهشه نظره متواضعـه

قالت انت تـحسبني من بنات صايعيـن

......تـحسبني في زماني عن طريقي ضايعـه

قلت أنا ماراح أطول كل أبوها كلمتيـن

... ..........وأبعدت عني شوية ثم جتنـي راجعـه

قالت اسأل واضح إنك من رجال طيبيـن

... .........بس هرجك يالسنـافي كان وشهو دافعـه

قلت أنا حبيت وحده يـوم كنا صغيـرين

.........ومن ثمان اسنيـن راحت للمواصل قاطعـه

عقبهـا ماذقـت نـوم يهتنيـه النايميـن

........ساهر في طول ليلي لين شـمسي طالعـه

اذكر انه فيه حبه فـوق ثغـره من يميـن

.................واذكر انه لاجـرينا كـن شعـره تابعـه

واذكر انـه عاشـق فـالورود الياسميـن

..............صار قلبي بالـورود اللي عشقهـا زارعـه

طابعا اسـمه بقلبي فيه سيـن وفيه عيـن

................وفيه الف وفيه دال وسط قلبـي طابعـه

قاطعتنـي بقولها سبحـان رب العالميـن

..................ومـرتيـن كـررتـها وبعد مـره ورابعـه

قلت وشفيك وشبـلاك يابنيه ترجفيـن

... ............ليش عينك يابنيـه من كلامـي دامعـه

قالت الموقف وقلبـي والمحبـه والحنيـن

.................كيف اشوفك بعد ماكنـت عنك قانعـه

قلت انا بسألك إنكا نك أنتي تذكـرين

............عن مواثيـق ثـمنها من حياتـي دافعـه

قالت ظروف الزمان ماتطيـع العاشقيـن

... .........بيعونـي غصب حبك لو هو ماني بايعـه

انا في دنياي حالي كنهـا حال السجيـن

... .........حتـى لو فكـوا سراحه فيه شي مانعـه

زوجوني غصب واحد وحرموني حاجتيـن

... ............السعاده فـي زمانـي والحيـاه الرائعـه

والحين أنا أم لثلاثة عندي ريـم وياسميـن

.............والولد اسمه على اسمك والمشاعـر جايعـه



وسلامتكم


القصيدة ليست لي بل ملطوشة كالعادة

[غيرالناس]

روووووووووووووووووووووووعــــــــــــــــــــــه
صح لسانك أخوي عبدالرحمن

[رذاذالمطر]

صح لسسسانك ,,,,,,,أخوي عبد الرحمن,,

القصيدة ,,,,,,,,,شششششششي,,,,,,

[sasa_ghost00]

اللهم ارحمنا وتب علينا ياالله

[نبض الحرف]

صح لسسسانك ,,,,,,,أخوي

[ســـــامي العتيبي]

تسلم يدك على اللطشه :)

[عبدالرحمن الحربي]

المشاركة الأصلية كتبت بواسطة غيرالناس روووووووووووووووووووووووعــــــــــــــــــــــه صح لسانك أخوي عبدالرحمن

الروعة مروركم


شكراً على المرور الراااااااااائع

[عبدالرحمن الحربي]

المشاركة الأصلية كتبت بواسطة رذاذالمطر صح لسسسانك ,,,,,,,أخوي عبد الرحمن,, القصيدة ,,,,,,,,,شششششششي,,,,,,

شاكر لكم مروركم الرااااااااااائع

[عبدالرحمن الحربي]

المشاركة الأصلية كتبت بواسطة sasa_ghost00 اللهم ارحمنا وتب علينا ياالله

اللهم أمين

[أم نور الهدى]

قصيدة جميلة وحزينة

تسلم لطشاتك