[لميس ...]

يقولون الصدف دايم تجي أبرك من الميعاد
واقول الصدفه اللي جابتك خلتني آعاني

ترفق لا تعذبني ترى تو الجروح جداد
ترى لازالت أحزاني على خبرك هي أحزاني

تحملتك عسى يوم ٍ رفك فيه ماينعاد
تفننت بعذابي وإبتدت بي غربة أزماني

صبرت وقلت تتعدل ولكن الصبر مافاد
على شانك تأكد صابر ٍ ماهو على شاني

هقيت إنك تبادلني غلاي وفي شعورك جاد
واثاريك إتّسلا والغلا حق واحد ٍ ثاني

عظيمه كانت الصدمه على ماقيل جبت اعياد
لعبت بحسبة أشواقي واحاسيسي ووجداني

على هذا أنا قررت تركك يوم حملي زاد
وأنا شاللي مصبرني على همي وحرماني

تركتك ليش؟ ماتدري .؟؟ سؤالك فيه لعب أولاد
لأني أرفضك لما تجاهلني وتنساني

أنا بالطيب تملكني ولكن لا تجي بعناد
تحداني .؟؟ ترى مافاز قبلك من تحداني

يقولون الصدف حلوه عسى يوم الصدف لاعاد
لأني يوم صادفتك .. ب صدري ثار بركاني..


عجبتني فنقلتها لكم .


اختكم