[نجمة سهيل]

السلام عليكم ورحمة الله وبركاته
اولا اسمحو لي بالحديث بموضوعي هذا بالذات اني اتكلم بالعامية البحتة مع علمي بان استاذنا الفاضل فهد استاذ باللغة العربية ..........ويمكن ينتقدنا بس لان الموضوع طريف .. أغديه يسامحنا :)

يقال وحطو خمس طعش خط تحت يقال ...................
ان فيه واحد راح يزور أحد أقاربه المرضى في المستشفى .. طبعا طريقة غرف المستشفى انه يكون كذا سرير بالغرفه الواحده .......المهم وهو جالس عند قريبه......لاحظ ان كل من طلع من الستار المحيط بالمريض اللي بجنب قريبه يطلع وهو ميت ضحك أو انه كاتم الضحكة الين يطلع..........فطبعا من باب الفضول واللقافة حب انه يعرف السبب ليه كل من طلع من المريض يضحك؟ :D
الرجال طبعا نسى الضعيف قريبه وبلش باللي جنبه
راح واستأذن على المريض الللي بجنب قريبه وواق من خلف الستار (واق= طل )وش يشوووووووووووف
رجال مدد على السرير كله ملفوف بالشاش الابيض مابين الا عيونه
وارتاع .........عاد مايمديه يتراجع فقال له سلامات يالاخو عسى ماشر ؟
قال الشر مايجيك المهم سلام وكلام وقال له بصراحه انا مستغرب من اللي يطلعون من عندك كلهم يطلعون وهم يضحكون؟؟؟؟؟؟؟؟؟؟؟؟؟؟؟؟ لييييييييييييه
قال لان سالفتي سالفة قال هاته ...قال
انا كنت نايم بغرفتي وسريري بجنب الشباك المهم حلمت اني امشي ويمر من عندي بااص وتقل سمعت احد يقول ترى هالباص يودي للجنة مييييير اقمز واركب الباص طمعا بالجنة .......يقول يوم تواسيت بالجلسه وميير اسمع احد يقول اوف مو هذا الباص اللي يودي للجنة هذا يودي للنار ...ويقول ما حسيت بنفسي الا يوم قمت بالمستشفى
اثري يوم بغيت انط من الباص نطيت من شباك غرفتي بالدور الثاني ..............................لحوشنا <=====الرجال كان يحلم

الله ينجينا وياكم من حر جهنم ويحرم لحومنا وجلودنا على النار ووالدينا وذرياتناوالمسلمين اجمعين

ملاحظة : يقال ان السالفة صزية ووقعت باحد مناطق نجد والله اعلم

[أمل حزين]

السلام عليكم
حقيقه قصه طريفه ومؤلمه بنفس الوقت
الحمد لله الذى نجا اخانا من الموت المحقق
ولعل الله ينجيه من نار الاخره
وايانا وواالدينا ومن في المنتدى
والمسلمين

[جيهان]

حلو والله ...............................الله يشافيه

[مها]

حلووووه الله ينجينا من النار بس سبق عرض هذه القصه في المنتدى قبل فتره بسيطه من احدى الا خوات ...

اشكرك اختي نجمه على ا الموضوع ...

اختكم في الله ..

مـــهـــا..

[تجلي]

سلام عليكم
اتذكر واحد من اخواني الصغار كان يتحرك وهو نايم بدون وعي منه ..
وبصراحة من جد كنا نخاف عليه يطلع بره او يأذي نفسه ..
هذي حالة نفسية على ماأعتقد والحمد لله عداها ..

شكرا لكِ ..