[المرابطة]

مـا كـل ضحكـه تهـزّ القلـب يشبعهـا
ومـا كـل دمعـه تمـرّ العـيـن تبكيـهـا

من شاف ضحكة زمانـي قـال : " بايعهـا "
ما يـدري انـي فقيـرٍ مـا اقـدر اشريهـا

يـا اللـي نثرتـي سنيـنٍ كنـت اجمّعهـا
تكفيـن هـذي حـصـاد العـمـر لمّيـهـا

كـم كنـت اهـدّد بـك الدنيـا والوّعـهـا
كـل مـا اذكرتني .. واذكّـرهـا وانسّيـهـا

بيدينـك اللـي احـس وكــن اصابعـهـا
تقول : " بـدري علـى الضيقـه وطاريهـا "

بعيونـك اللـي اناديـهـا وانــا معـهـا
اللّـه يـاكـم زعلـتـي يــوم اناديـهـا

كنتـي تحسبينـي اسـرح عـن مدامعـهـا
وانـا مـا غيـر اتهجّـى رحلتـي فيـهـا

اي واللّـه اذكـر عيونـك يـوم اطالعـهـا
اقــرا بـهـا انـشـودةٍ كـنّـا نغنيـهـا

كانـت تـروح وتهـجّ الـبـال واتبعـهـا
تاخـذ عيونـي مـن الـحـزن وتودّيـهـا

لايـام كنـت ارمـي بدنيـاي واجدعـهـا
أيـام مـا كنـت اكحّلهـا .. ولا اعميـهـا

طفـلٍ سلاحـه دموعـه يـوم يزرعـهـا
مـن فـوق خـدّه وكـفّ ابـوه يرضيهـا

اكبـر همومـه مــن دروسٍ يراجعـهـا
واقصـى طموحـه متـى ينجـح ويرميهـا

طفـلٍ وكـل امنيـاتـه كــان مطمعـهـا
يكبـر وتكبـر هنـوفٍ كــان يرجيـهـا

كبَرْت .. ولا كبْرَت .. وضعت .. وخفت اضيّعها
خلّيـت همّـي رضاهـا يــوم اداريـهـا

كـل مـا طعنّـي زمانـي رحـت ادلّعهـا
يوم الزمـن مـا تـرك لـي غيـر اياديهـا

ما كنت افكّـر تجـي فـي يـوم واسمعهـا
تقلـب حياتـي مـن اعـلاهـا لواطيـهـا

حتـى اقبلـت تبكـي الدمعـه وتردعـهـا
ثـم قالت .. وكـن موتـي بيـن اشافيـهـا

" جيتـك أحلّـف عيونـك قـبـل اودّعـهـا
مـا اشـوف دمعـة عتبهـا ليـن اخلّيهـا "

تبغـى تــروح وتخليـنـي واطاوعـهـا
تبغاني اسكـت واقـول : " اللّـه يهْديهـا !! "

يــا أول احــلام روحٍ كــان دافعـهـا
انـك سنـدهـا وحاضـرهـا وماضيـهـا

يا سنينـي اللـي قضيـت العمـر اجمّعهـا
يـا ذكريـاتـي مــن اولـهـا لتاليـهـا

لا تتركيـنـي اعـيـش العـمـر بايعـهـا
ضحكة زماني بدونـك مـا اقـدر اشريهـا

[شـفاء]

بيدينـك اللـي احـس وكــن اصابعـهـا
تقول : " بـدري علـى الضيقـه وطاريهـا "

بعيونـك اللـي اناديـهـا وانــا معـهـا
اللّـه يـاكـم زعلـتـي يــوم اناديـهـا

ســـــــــــلمت يــــــــداك هـــــكــذا هم المبــــــــــدعون دائـــما ...
وفـقــــــــــــــــــك اللــــــــه....

[المرابطة]

المشاركة الأصلية كتبت بواسطة شيفاء بيدينـك اللـي احـس وكــن اصابعـهـا تقول : " بـدري علـى الضيقـه وطاريهـا " بعيونـك اللـي اناديـهـا وانــا معـهـا اللّـه يـاكـم زعلـتـي يــوم اناديـهـا ســـــــــــلمت يــــــــداك هـــــكــذا هم المبــــــــــدعون دائـــما ... وفـقــــــــــــــــــك اللــــــــه....

فديتك يالغلا

أنتي المبدعة بإنتقاء الأبيات المعبرة والقوية اللهجة

وفقك الله

مرورك مميز