[الأمل بالله]

a7
اخواني راح اختصر الموضوع ابوية من النوع العنيد وما يقتنع بسرعة ساعدوني بطريقة اقدر اقنعة فيها وعلاج مثل حالات العناد لأني الأن نبغى احنا واخواني نقنعة بموضوع شرا بيت وهو مقتدر الحمدلله بحي احنا نبغاه بس هوه مو راضي كيف اقنعة مع قدرته على شرائة ونحنى متمسكين بالراي بس نبغى نجيبة بطريقة نقنعة فيها والحي ومميزاته كثيرة وحلوة ومن اقوى مميزاته ان عمي ساكن فيه ..علموني كيف اقنع ابوي وباي خطوات ابدا فيها..
ياليت تردوا عليه بسرعة واكون لكم شاكرة

[الشــاهينة الأزديــة]

المشاركة الأصلية كتبت بواسطة الأمل بالله a7 اخواني راح اختصر الموضوع ابوية من النوع العنيد وما يقتنع بسرعة ساعدوني بطريقة اقدر اقنعة فيها وعلاج مثل حالات العناد لأني الأن نبغى احنا واخواني نقنعة بموضوع شرا بيت وهو مقتدر الحمدلله بحي احنا نبغاه بس هوه مو راضي كيف اقنعة مع قدرته على شرائة ونحنى متمسكين بالراي بس نبغى نجيبة بطريقة نقنعة فيها والحي ومميزاته كثيرة وحلوة ومن اقوى مميزاته ان عمي ساكن فيه ..علموني كيف اقنع ابوي وباي خطوات ابدا فيها.. ياليت تردوا عليه بسرعة واكون لكم شاكرة

هلا فيك .. وحتى نساعدك يا أختي ..

فـ لازم إن حنا نقتنع بعد بالفكرة وهي رغبتكم بتغيير البيت , إلا إذا كان لكم مبرراتكم من حيث سلبيات البيت اللي أنتم ساكنين فيه الحين .. وخاصة إن كنتوا ساكنين فيه من سنين وبنين وهذه أكيد إنه من الصعب على الوالد إنه يقدر أساسا يقتنع بالفكره ..

والحل ..

تجونه بالسياسه والإقناع الغير مباشر وطبعاً من طرق عديدة .. ومايكون هدفكم واضح له , لأن النتيجة معروفة وهي الرفض لمجرد الرفض وخاصة إن كان عنيد مثل ماقلتِ .. وهذا الشيء يعتمد على شخصيته هو وكيفية التعامل معاه ..

والحقيقة إنها صعبه علي إني أقدر اعرف السبيل اللي منه تدخلون عليه بها في الإقناع ..
فالأسباب اللي عندكم الحين وإن كانت مقنعه وضحوووها له بصورة ثانيه اهو يكتشفها بنفسه ومن غير ماتظهرونها مباشرة بحيث تكون الرغبة صادرة منه شخصياً بالتغيير ...

أنا أدري إني ماعطيتك لا حق ولا باطل .. بس أهم شي إنكم ماتحدّونه على اقصاه ! ...
ولازم ماتجبرونه على شي هو مايبيه الله يرضى عليك ... وإن شاء الله راح يرضى ... بس اعرفوا الطريقه اللي تناسب شخصيته وأنت أدرى بها ..

وحياك الله ...

[الأمل بالله]

اشكرك من زمرة المتقين على تجاوبك معي لكن احنا قمنا بإقناعة بطرق العقلية وحشا لله نلجأ لطرق سيئة
و مازلنا نحاول مثلا...
قلناله احنا ماراح نبيع بيتنا الأساسي لكن من الضروري نشتري بيت او ارض بهذاك الحي
لكنه رافض وفي نفس الوقت متردد والظاهر السالفة بتطول علينا بس الله يعين وشكرا على حلولك
وانتظر من اخواني البحث عن حلول اخرى نقنعه فيها...وتسلمون

[ورد الريـاض]

السلام عليكم

هلا وغلا بالامل بالله

عندك طريقتين جربيها كلها

اولاً

مايفل الحديد الا الحديد

ممكن تكلمون احد كبير له مكانه عند الوالد ابوه او اخوه مثلا وانتِ اخبر وهو بدوره يقدر يقنعه
بعد الوالده اكيد لها مكانه وغلا خاص خليها تقنعه باسلوبها وان شاء الله بيوافق

ثانياً

كثر الطرق يفل الحديد

ادعي الله يسخر ابوك لكم وينفذ طلباتكم
ثم فاتحوه في الموضوع وقت روقانه عشان يوافق
وانتبهي من انكم تطلبون منه هالموضوع وهو متنرفز او مرهق ترى بيقول لا يعني لا وبيقفل علي الموضوع للابد اعرف الناس العنيده يبيلها تعامل خاص

الله يعينكم ويعينه ويسخره لكم .. آمين

[الطوفان]

السلام عليكم

بعد طول انقطاع رأيت موضوعك وشدني

لكن أعرض عليك فكرتين وهي ما تخفى عليكم لكن للتذكير

الأولى (باختصار شيدي

الوالد ما يفل راسه الا الام :) هي الي تقدر تقنع الزوج بما تريد بعد تيسيرالله

وما ودي أتكلم عن هذه النقطه لإن الأعمار بيد الله أسأل الله أن يغفر لأموات المسلمين )

الثانية

لا تكونون ضد الوالد أبد في حياتكم العامه .. وأروه من أنفسكم خير .. تعالوا له بحنيه وكلام جميل :) وبإذن الله يوافق

وبيصير اذا شرا البيت يشتريه وهو مستانس فرحان يقول في نفسه .. والله عيالي يستاهلون

ولا تخلونه يشتري البيت وهو مغبون والله بيضيق صدره وبتحز في خاطر الاب الحنون

وإن شاء الله تبشرين أهل المنتدى بالبيت الجديد :)

الله يرزقنا واياكم بر والدينا

تحياتي للجميع