[المرابطة]

كلام مكتوب من طفل يتيم إلى والده المتوفى


أعجبني وأردت أن تقرؤه معي

،،،، الله يحفظلكم والديكم ومن تحبون





يبه شلونك...ملل هالــكــون من دونك ..

يبه شلونك ؟؟وتمضي رحلة الدنيا..

بليا طلة عيونك..؟؟!!

يبه شلونك ؟؟وشلون المرض وياك ؟؟

بعد ماهدك بدنياك..عساها تغمض جفونك ؟؟

تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟

.. يبه امي تخيلك دوم...تغني لك مع القمرا..

يبه واللي خذاك بيوم....خذا بنيتك بكرا..

خذا.. وياماخذا.. وياما..خذا ناس يحبونك

يبه حنا صرنا كبار..توفقنا وتخرجنا..

يبه ماعاد فيه صغار..يموج بهالزمن كل شي..

وحنا ماتموجنا..على ذاك العهد نسري..

نبيع العمر والدنيا..ولا تخلف بنا ظنونك ....




يبه شلونك ؟؟تبي تدري عن اخباري ؟؟

عن افكاري وتذكاري ؟؟


اشيلك بداخلي جمره ..وبعيون الحزن عبره..تغرقني .. وتحرقني..

اشوفك نجمة تجبر..مراعيها .. يراعيها..

واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !!

يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يايبــه ..
ملــــــــــــــل هالكون من دونك



يبه وينك ؟؟ .... ولهت لنظره من عينك ....
يبه وينك ؟؟
اشوفه طوّل غيابك !! ... و من ودّاك .... ما جابك !!
قالوا ما يدوم الزين !! ... و انا عندي امل للحين ..
و لكني اعرفك وين !!
يبه وينك ؟؟


عسى الداعي يبه بس خير ؟!! عساك بخير .... مداين تكرم لعينك ...
بس ارجوك علمني ...
علمني .. يبه وينك ؟؟
سألت امي عن رجوعك ... ولا كني اعرفك وين !!
و قالت .. ما يدوم الزين !! ... و انا .. عندي امل للحين ..
في رجوعك !! .... يبه بس تكفى علمني ....
متى رجوعك ؟؟ .... يبه بس تكفى علمني .
وش احلى من طلوع اثنين ؟؟
طلوع الشمس .... و طلوعك
يبه وينك ؟؟


سألت امي ...... غيابك طال ؟؟
ولا كنّي اعرفك وين !!
و قالت مثل ما قالت .. حسافه ...
ما يدوم الزين ... مع كل هذا صدقني .. انا عندي امل للحين !!
سؤالي عنك يالوالد .. صار كما الموال
و اشوفه طال ... والله طال ..
حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..
يبه ..
ارجوك علمني ...
تشوف اللي انا اشوفه ؟؟


انا اشوفك نهار و ليل ...
في وسط المجلس تصلي .. و تدعي الرب ييسر لي ..
يبه ..
ما عاد بي من حيل .. وين الحيل ؟؟
و انا اشوفك نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!


يبه .... وينك ؟؟
و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..
و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم ... و لكن البلا من جرح ..
نزف فرقاك ... بليّا دم !! ...
و هذا الفرق في جرحي ... عجز يلقا الدوا دكتور .. انا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما
تـلتم ..
بس عندي امل للحين !! ... و لا كنّي اعرفك وين !!

يبه .. ذكراك تفرحني ....
في نفس الوقت تجرحني !! ... لا من جبت في طاريك ... دموعي غصب تفضحني ....

يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس .. كل ٍ كان في بيتك ضيف ..
الا يا حيف .... الا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!

يبه وينك ؟؟
تعال و شوف ...
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..

يبه وينك ؟؟
تعال و شوف .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!



يبه سامحني بترخّص ... قبل ينشف حبر الأقلام .. كلامي بعده ما خلّص ..
و لكن موعد الأحلام .. حان ..
ولازم اوفي له.. بعد ما ضاعت الحيله .. اشوفك والوعد باكر !!
اذا فكّر يجي باكر ..!! .. و برجع اسألك وينك !!

بس لازم تجاوبني .. ترى عندي امل للحين !! .. و لا كني اعرفك وين ..!!





يبه شلونك ؟

ملل هالكون من دونك
يبه شلونك ؟
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يايبه..

ملل هالكون من دونك..



تخيلتها على لسان يتيم أعرفه

ولدته أمه ووالده في العناية المركزة

وتوفى الوالد دون أن يراه

ولم ينطق هذا الطفل كلمة بابا

لأنه لم يجده أمامه



أتمنى تعجبكم

[إيماض البرق]

يا أيتها المرابطه

مواضيعك جميله واختياراتك رائعه

واتوقع لو تتوجهين إلى الاهتمام بالفصحى أكثر

فإن مواضيعك سوف تكون جباره ومثيره وأكثر مما أتصور

لك تقديري

[المرابطة]

المشاركة الأصلية كتبت بواسطة أحمد الودعاني يا أيتها المرابطه مواضيعك جميله واختياراتك رائعه واتوقع لو تتوجهين إلى الاهتمام بالفصحى أكثر فإن مواضيعك سوف تكون جباره ومثيره وأكثر مما أتصور لك تقديري

مرورك كجمال الأصداف

تقبع على الشواطيئ

ومن يفتحها

يجد بداخلها اللؤلؤ

الثمين

تعودت على مرورك المميز


فشكرآ لك


وأما عن إستخدامي للفصحى

فإستخدامي له غالبآ يكون على الورق

ولي في منتدى المحاولات الشعرية

أبيات كتبتها لدكتورتي في الكلية

بالفصحى


يشرفني مرورك عليها

وتعليقك إن أمكن ذلك


أكرر شكري وإمتناني لمتابعتك لي

[ربي أسألك العفو والعافية]

يبه وينك ؟؟ .... ولهت لنظره من عينك ....

يبه وينك ؟؟

اشوفه طوّل غيابك !! ... و من ودّاك .... ما جابك !!

قالوا ما يدوم الزين !! ... و انا عندي امل للحين ..

و لكني اعرفك وين !!

يبه وينك ؟؟

يبه .. ذكراك تفرحني ....

في نفس الوقت تجرحني !! ... لا من جبت في طاريك ... دموعي غصب تفضحني ...


********************************
ماذا فعلتِ بي يالمرابطة
سامحك اللَّه
أثرت بي كثيراً
لكِ شكري عزيزتي

[زود الغلا]

روووووعه يعطيك العافيه

[المرابطة]

المشاركة الأصلية كتبت بواسطة ربي أسألك العفو والعافية يبه وينك ؟؟ .... ولهت لنظره من عينك .... يبه وينك ؟؟ اشوفه طوّل غيابك !! ... و من ودّاك .... ما جابك !! قالوا ما يدوم الزين !! ... و انا عندي امل للحين .. و لكني اعرفك وين !! يبه وينك ؟؟ يبه .. ذكراك تفرحني .... في نفس الوقت تجرحني !! ... لا من جبت في طاريك ... دموعي غصب تفضحني ... ******************************** ماذا فعلتِ بي يالمرابطة سامحك اللَّه أثرت بي كثيراً لكِ شكري عزيزتي

الكلمات قد تفعل الأعاجيب

خصوصا إن لا مست قلوبآ

رقيقة شفافة

وهذه هي روحك الطاهرة

تؤثر بها الكلمات النقية


مرورك يشرفني

[المرابطة]

المشاركة الأصلية كتبت بواسطة زود الغلا روووووعه يعطيك العافيه

مرورك هو الأروع

وفقك الله