[امــيــرالــحــزن]

بسم الله الرحمن الرحيم


السلام عليكم ورحمة الله وبركاته


بعد السلام.. هذي اولى مشاركتي في ها الصرح الجميل والمميز..

وبكل صراحه انا عرفت عن المنتدى من خلال المقابله اللي حصلت اليوم مع الشيخ فهد العصيمي حفظه لله..
وبعد ماشفت المقابله حسيت في الشيخ فهد انه انسان كثير واضح وكثير راقي في الكلام .. مع ان المذيع حاول
استفزازه اكثر من مره .. لكن كانت ردود الشيخ بقمه الاخلاق والادب ... الله يطول بعمرك ياشيخ ويحفظك من كل مكروه


ابصراحه بعد ماقدمت لكم نبذه بسيطه عن كيفيه معرفتي في المنتدى .. ودي اتكلم وياكم بكل وضوح وبكل بساطه
انا شاب سعودي عمري 27 سنه تخرجت من الثانويه العامه وكلمت دراستي وانا من عائله معروفه ..
ولكن انا شخص مرت علي اشياء غريبه في حياتي اولا لايوجد لي اصدقاء والسبب بعدهم عني بسبب
حزني الشديد دايم كأيب دايم احس ان الناس يكرهوني دايم احس اني احسن منهم في كل شي
والله العظيم اني شخص اخاف الله في كل شي .. لكن انا مقصر في طاعته سبحانه وهذا اعتراف مني
كل شي فيني زين الا اني ما اواظب على الصلاه .. اه اه حزن في حزن ودي اطلع من الحاله اللي انا فيها
عندي اشياء كثيره ابي اقولها لكن يخوني التعبير انا مدري الحاله اللي امر فيها هل هي غضب من الله عزوجل
ودي اكون مثل اخواني الملتزمين اكون شخص اصلي واحرص على العبادات واطيع ابوي وامي ..
تصدقون انا دايم اعتبر الانترنت هو صديقي الوحيد .. احس هو اللي يفهمني وافهمه ..

ابصراحه فيه كثير كلام ودي اقوله لكم...

يمكن بعدين ارسل لكم موضوع ثاني الله يخليكم عطوني نصايح ابي ارتاح من الهم اللي انا فيه




اخوكم
امير الحزن