[وردة الانس بالله]

ابيك تعرف ان لك صاحب بكل مافيه
يغليك .....
بكل ماعطاه ربي من احاسيس
يحتويك .....
روحه حياته حتى جروحه
تفتديك....
لاتظن انه في يوم يقدر
ينتسيك .....
يبيك تذكره لاصارت الليالي
تجتفيك .....
وتدعيله:
" عسى الله له يخليك "

***************************

فديت وقتن حط في دربي رفيق
واحدن يضحك معي واضحك معه
واحدن لا صار وسط القلب ضيق
بالسوالف والمزايح وسعه
وان حكى باسلوبه العذب الرقيق
يسرق من الجوف قلبن يسمعه

**************************

انا صديقك لا قسى الوقت واكفيك
ولاني من اللي وقت المصالح يجونك
اعزك يا صاحبي بكل مافيك
ومن كثر مااعزك صرت اعز اللي يعزونك
افتخر لاقالوا اني مخاويك
يامنبع الطيب قلبك والصفا في عيونك

*****************************
قلبي اصيل وماضي الحب ماانساه
والصاحب الغالي تشيله عيوني
اشتاق له واشفق لصوته وطرياه
واقول هو دنياي وشموع كوني
رفيق دربي ماتناسيت ذكراه
لو العرب في رفقته يعذلوني

*************************
تعبت ادور بين الاجواد صاحب
وعندي مفاهيم الصداقة عظيمة
وادري الصديق بكل الاحوال ساحب
واحذر صديق السوء حكمة قديمة
احب راعي الطيب والجود والواجب
ناس مثلك تحشم وتستحق الحشيمة

****************************

من نسى في زحمة الدنيا رفيقة
قلت له عندي رفيق مانساني
لو يطول الوقت ويطول طريقه
ادري انه لو يطول البعد جاني
بيني وبينه على العشرة وثيقة
ان بديته بالغلا والا بداني
صرت عنده بالغلا حسبت شقيقه
هو بعد غالي ومن حسبت اخواني

****************************

جالس في وسطهم
قاعد ولاأسمع حكيهم
لاتحسب اني عندهم
انا معك بس جنبهم
متحمسين بحكيهم
ماغير أشوف عيونهم
وأتخيلك وسطهم
سألني واحد بينهم
وش رايك بكلامهم
احرجني والله قدامهم!!
قلت الـــعفو ياقلبهم
ناقص رفيع الشان بينهم

*****************************

اشتقت لك يا صاحبي وين الاقيك؟
محتاج لك بالحيل ودي اشوفك..
اشتقت اسولف معك واسمع حكاويك
واللمه الحلوه وباقي مزوحك
ياصاحبي من كثر ما اطريك واغليك..
صرت اتحلم فيك واصحى واشوفك!

****************************** ***
شخص إلا منه مضى لي معه
يوم
أندم على ايام مضت قبل
ما القاه
احتاج له لا صار في صدري
هموم
ولو ينكسر ساقي تسندني
يمناه
جعل المعزة بيننا دايم
الدوم
هذا الرفيق اللي من الصعب
تنساه

****************************

والله ماأنسى صاحب مانساني
لو طالت الغيبه وضاعت نواحيه
يبقى معي مابين قلبي وعيني
والنفس من بد المخاليق تغليه
وأنشد عن أحواله بعاصف سنيني
وأرتاح لازانت وطابت لياليه
********************

تسمع إذا قالوا:
رفيق دربي..أخودنياي..أغلى ناسي!!

إنت ولاواحد منهم...!!!!!

أنت اللي أعجز أسميك إذا سألوني من تكون.؟!!
احتار كيف أشرح؟؟
بسمتك !!!كلامك!!!!وقلبك الحنون
ودي بس وشلون يفهمون؟؟

(إنك أغلااااا من غلا هالكـــــــــون)
***********************
صديقي الطيب..بروحي فديته
وعدونا يخذل ويقهر وينضام
بامشي معك في كل درب مشيته
سوا..سوا
لاقلت قدام..قــــداااااااااااام
****************
الحب في الله "
مساحة كبيرة
وأرض فسيحة
نباتها الصدق والاخلاص
وماءها التواصي بالحق
ونسيمها حسن الخلق
وحارسها الدعاء
فأهنئ نفسي أني أحبك في الله
وأشهده على حبك فيه
ونسأله أن يجمعنا في جنات النعيم
******************