[doctornouna]

تلألأتْ...فى بحر عينى لحظةً...وتردَََّدَتْ...هاجت...ثم تألـّمَـتْ...خارتْ قواها...فاستسلَمَتْ...وانطلَقَتْ...عبر منحنى العَبَرات فى خِلسةٍ...نحو البراح الدافئ...إلى الوجنة الوردية...فتلاقتْ قطرة الندى المتألـّمة...مع صفحةٍ زهريةٍ ناعمة...فانزَلَقــَتْ...ثم سَقـَطَتْ...وحيدةً...لا...لم تكْ وحيدة...بل حمَلَت معها آلامى وآهاتى...وَقَعَتْ...مُفتَرِشـَةً ظَهرَ الثيابِ...حزينةً...ماتتْ...فتَشـَـتــَّـتْ...ثم جَفـَّتْ...واختـَفـَتْ...بلا أثرٍ واقعٍ...وإنما...ذكرى.

راحت همومى...ودَمْعَتى...حَمَلَتْ همومى...عَبْرَتى...فتحياتى لكِ...ومحبّـتى...يا دمعتـــــــــــى

[الهديل]

نونا
ايه ده
مش ممكن
كلماتك فظيعة
حلوة قوى

بل رائعة
اصفق لك عاليا
والله ما مجاملة
بجد روعة وهاحفظها عندى علىالجهاز

بس عايزة اعرف مالك وفيه ايه مزعلك 00هاكلمك اطمن عليكى000
بس بجد روعة

شكرا للدمعة التى اخرجت هذه الروعة

[doctornouna]

شكرا هديل حبيبتى...


جزاك الله تعالى خيرا..


واطمئنى يا قمر..أنا بخير والحمد لله..

هذا الموضوع كنت عايزة أكتبه من فترة بس ماكنتش فاضية..ولكن الحمد لله..كتبته اليوم وأنا بالجامعة..وبعثته للمنتدى..(الناس بتروح الكلية تتعلم وأنا بروح أكتب شعر ونثر..!!!)


شكرا على مرورك وتشريفك للموضوع يا هديل..


فى انتظار اتصالك.........





























آلو..!!!

[الهديل]

نونا مش قادرة اطلع
انا قريتها تانى
بجد فظيعة
برافو عليكى
انا هاعتزل الكتابة
ده اللى انا باكتبه اسمه هبل بالنسبة للى انت كاتباه
برافو عليكى

[doctornouna]

يا بنتى ماتقوليش كده... أنا مش عايزة أقول إنى مابدأتش أكتب إلا لما قرأت كتاباتك...مش عايزة أقول انك أستاذتى لحسن أكبـّـرك فى السن وانت لسه صغيره..


إذا كانت عجبتك فده بس من ذوقك يا قمر.. :)

[الهديل]

مش ذوق
ديه حقيقة
لو معجبتنيش مكنتش شكرت فيها كده

[*ابو عبدالعزيز*]

شكرا اخي وبارك الله فيك
اخوك
ابو عبدالعزيز

[doctornouna]

شكرا أخى أبو عبد العزيز..جزاك الله خيرا على مرورك وتشريفك لصفحتى.

كل عام وأنت بخير وإلى الله تعالى أقرب.

تقبل تحياتى،،،

أختك : نونا