[خلووووود الخالد]

ســووا لي الكيف وارهوا لي من الدله = البن الاشــقـر يداوي الراس فنجاله !
كيف/ن لنا نحرقه بالنار ونزله = واليا انقطع لو ورى صنعا عنينا له !

بسم الله الرحمن الرحيم
صباحكم / مسائكم بنكهة الهيل والزعفران
حبيت اشارككم بطريقتنا او قهوتنا وهي طريقة اعتمدها في القهوة لتكون قهوة عربية مميزة وكايفة .
من المهم اولا اختيار نوعية ( بن ) جيدة لأن نوع البن مهم جدا في طعم ونكهة القهوة وهي ســر جودتها .
اختار البن الهرري درجة اولى
واحمس معه ( خطوة اساسية ) لا استغني عنها : احمس معه مقدار من الشيبة والمستكة .
واذا كانت القهوة جاهزة فتطلبي من المطحنة اضافة مقدار من الشيبة وقليل من المستكة مع البن .
ويفضل ان لايتم طحن مقدار كبير من القهوة حتى لا تذهب نكهته في التخزين . ومن المهم ان يكون لون البن سواء مطحون جاهز او محموس وسط بين الفاتح والغامق

نأتي لطريقة عمل القهوة :

نقوم بغلي الماء في ( الغلاية او البراد ) الخاص بالقهوة
مقدار الماء مثلا نفس مقدار مايملأ الدله
وبعد غليان الماء نضيف له فنجال وربع ممتليء ( قهوتنا المخلوطة مسبقا بالشيبة والمستكة )
تترك لتغلي لمدة ثلث ساعةوقبل اطفائها اضيف قليل جدا من الحليب
ثم تطفيء النار وتترك دون تحريك دقيقتين حتى تزل القهوة في القاع وبعدها نحضر الترمس ( الزمزمية )
ونكون قد وضعنا بها
- ربع او نص ملعقة صغيرة عويدي
- ثلاث م صغيرة هيل ( مهم عندي تطلع نكهة الهيل )
- زعفران
- وقليل من ( خلطة القصيم ) حسب الرغبة .

وتمتعي بأطيب قهوة مهيلة .

[قهوة]

تسلم لي هالقهوة الكايـــفة ..

ياعيني عليك ياخلووووود .. والله عندك حركتاااااااااااااات

طيب متى بتجهز عشان نجي نتقهوى

[خلووووود الخالد]

المشاركة الأصلية كتبت بواسطة قهوة تسلم لي هالقهوة الكايـــفة .. ياعيني عليك ياخلووووود .. والله عندك حركتاااااااااااااات طيب متى بتجهز عشان نجي نتقهوى

هههه شفتي اشلووون ! يطلع مني شي ! فيني رجا يعني
لا مايهمك في اصول الضيافة والذوق والحركتات ( الخنفشارية ) اعجبك
وابشري اعمل لك قهوة خاصة فيك كم قهوة عندنا بالمنتدى

[رذاذالمطر]

وااااااااااااااااو
وش ذا خلودد الخالد
عندنا هنا حي الله الغوااالي .....اسفرت وأنورت
حي الله الطله البهيه
وماشاء الله قهوة ريحتها واااصصله الين عندي....والاكيد ان الطعم احلا ويقعد الرااااس

شكرا من كل قلبي للتواجدك الجميل هناااااا...^_^

[حلم متجدد]

وااااااو على قولة رذوذ
قهووووة ووفيها خلطة القصيم...ياسلاااااااااااااااااام
باين قهوتك تعدل الراس..شهيتين للقهوه مير متعيجزة اقوم اصلح

يسلمو على هيك ابداااااااااع وبانتظاااار ابداعاتك المطبخية

[خلووووود الخالد]

المشاركة الأصلية كتبت بواسطة رذاذالمطر وااااااااااااااااو وش ذا خلودد الخالد عندنا هنا حي الله الغوااالي .....اسفرت وأنورت حي الله الطله البهيه وماشاء الله قهوة ريحتها واااصصله الين عندي....والاكيد ان الطعم احلا ويقعد الرااااس شكرا من كل قلبي للتواجدك الجميل هناااااا...^_^

يؤ يؤ اخجلتم تواضعنا
لو اني دارية اني بلاقي كل هالترحيب كان كل مواضيعي بهالقسم :

وابي اقدم اجازة من منتدى الشعر ( ضيعت عمري به ) والله فيه اقسام بالمنتدى هنا ما اعرفها

انتظروني قريب .

[خلووووود الخالد]

المشاركة الأصلية كتبت بواسطة حلم متجدد وااااااو على قولة رذوذ قهووووة ووفيها خلطة القصيم...ياسلاااااااااااااااااام باين قهوتك تعدل الراس..شهيتين للقهوه مير متعيجزة اقوم اصلح يسلمو على هيك ابداااااااااع وبانتظاااار ابداعاتك المطبخية

تسلمين حلم متجدد تشجيعك يعطيني طاقة جميلة 🌿 .

[Ŝђǿǿq Ťąbσύĸ]

ياسلآم ..~
أحس ريحة القهوه واصلتني من كثر ماتخيلتها
:
:
خلطة القصيم مانتخلى عنها .. ماشاء الله لها محبين كثير ^_^
تسلمين يالغلا

[مدمنة شوكولاتة]

آآآآآآآآآآآآخخخخخخخخخخ خوووخه يا حلوه ليش كذا لعابي ساآال

وااااااااااو ع هالقهووووه الكييييييفة بقووووووووووه

تدخلين جو معاها غصب عنك


يا فديت القهوة وراااعيتها



لا اله الا الله

[روح الشرق]

بااااااين عليها مذاقها رايق
أنا خلاص ماعدت أقدر
قهوتك ياخلود يايبيلها جلسة حلوة معكم ونسمع السوالف الطيبة
أنا من عشاااااق القهوة بس الحلى الله لايهينك >>تتشرط بعد ههههه