[أنين الليل]

السلام عليكم ورحمة الله وبركاته

ياجماعة الخير من مدة مو بعيدة تقدم لخطبتي شاب نفس ماأتمنى والحمدالله يوم شافني أعجب فيني كثيييييييييييير وفي نفس الجلسة أعلن انه موافق وامه بصراحة مثل العسل يعني بطيبتها ما شفت أحد مثلها نفس الشي هي حبتني وكانت تقول لي وش رايك بحماتك وطبعا ماشالله طول القعدة "حقت النظرة الشرعية" كنا مستانسين مرة المهم خلص الشاب اسئلته وجا يبغى يروح عند الرجال أمه قالت ممكن ناخذ العروسة معنا لأجل يشوفها أبو العريس حنا ااستغربنا الطلب بس امي قالت مايخالف تروح تسلم وتدخل بسرعة ^^ المهم رحت وسلمت على ابو العريس اول ما شفته مت من الخوف وبصراحة انصدمت فيه " ماحبيته ابد" وبصراحة حسيت انه يبادلني نفس الشعور....... المهم يوم جوا يبغون يرحون سلم الشاب على ابوي وقاله راجعين ان شالله ...
وبصراحة حنا جلسنا ننتظر انهم يتصلوا ويقولوا رايهم عشان نحدد موقفنا مر أسبوع ماتصلوا وبهذي الفترة تقدموا جماعة يبغون يجون وابوي رفض انه يستقبلهم عشان لاتصير خطبة على خطبة المهم ابوي قرر انه يتصل على الشاب لاجل يعرف اذا يبغون يكملون الموضوع او نستقبل الجماعة الثانية... واتصل ابوي رد عليه الشاب وقال لاء ياعمي ماتستقبلهم وان شالله الايام اللي بتجي راح تتطور العلاقة بينا أكثر وقال ان شالله راح اخلي أمي تتصل عليكم هاليومين المهم مضوا اليومين ومضى أسبوع بعد وانا بصراحة احترقت اعصابي وانا أنتظر المهم بعد الاسبوع الثاني أنا بصراحة شكيت بالموضوع ونفس الجماعة الثانين اتصلوا فامي قالت راح اتصل بامه وشوف وش فيهم يمكن صار فيهم شي مايصير نترك الموضوع معلق على طول يعني الناس الثانين ينتظروا المهم امي كلمتهم وقالت امه الله يوفقهاوان شالله ترزق باللي أفضل من ابنا انا بصراحة انصدمت واستغربت جداااااااا من اللي صار يعني الولد وامه كانوا موافقين واكدوا انهم راح يكملوا الموضوع وطول الوقت مبسوطين وفرحانين انهم تعرفوا علينا ........يعني انا بصراحةأبغى أفهم وش اللي صار ... وش اللي تغير ....... مع العلم اني صليت استخارة أكثر من مرة وكل مرة احس براحة كبيرة لدرجة اني حلمت اكثر من مرة باني انا والعريس متزوجين ....... ولين اللحين مو قادرة انهي الموضوع من بالي وبصراحة حاسة اني مظلووووومة بشكل كبير

ومو عارفة وش اسوي ماعدت اشوف نفسي الا مع ذاك الشاب ....

وش الحل أو وش تفسيركم للموضوع أرجوكم ساعدوني ....

[ابو عبدالمحسن]

الله يعينك انتظري الرد ان شاء الله

[أنين الليل]

حياك الله اخوي بس انا ما أنتظر الرد

لان الرد وصلني

شاكرة لك مرورك

[أنين الليل]

شكررررررررررررررا لكم

[الزاهرة]

أختي الفاضلة لن أعلق كثيراً فالحل ليس بأيدينا وإنما هو توفيق من عند الله ..

ولكن مايدعوني للمشاركة هو سلامك على والد الخاطب !!
النظرة الشرعية للخاطب فقط لجوازها له ،، وأما والده لايحل له النظر لك فهو أجنبي عنك وليس لهم حق في ذلك وإن كان القبول معلق بنظرته هو ففضل الله أوسع ومن يتق الله يجعل له مخرجاً .. وكوني أكثر صرامة في مثل هذه الأمور .. وفقك الله ..

[مها]

وعليكم السلام ورحمة الله وبركاته

أختي الكريمة ألا تعلمين لعل الله أن يجعل في إنسحابهم خيرا لك ..

ينقل إلى المنتدى المناسب .

[أنين الليل]

المشاركة الأصلية كتبت بواسطة الزاهرة أختي الفاضلة لن أعلق كثيراً فالحل ليس بأيدينا وإنما هو توفيق من عند الله .. ولكن مايدعوني للمشاركة هو سلامك على والد الخاطب !! النظرة الشرعية للخاطب فقط لجوازها له ،، وأما والده لايحل له النظر لك فهو أجنبي عنك وليس لهم حق في ذلك وإن كان القبول معلق بنظرته هو ففضل الله أوسع ومن يتق الله يجعل له مخرجاً .. وكوني أكثر صرامة في مثل هذه الأمور .. وفقك الله ..

اي أختي هذا اللي صار خطاء وان شالله راح يتم تجاوزه في التجارب القادمة ........

الله يجزاك كل خير يالغلا

لمرورك الجميل

لك شكري

[أنين الليل]

المشاركة الأصلية كتبت بواسطة مها وعليكم السلام ورحمة الله وبركاته أختي الكريمة ألا تعلمين لعل الله أن يجعل في إنسحابهم خيرا لك .. ينقل إلى المنتدى المناسب .

الله يجزاك كل خير يالغلا

وربي يعطيك العافية

لك شكري

[strange]

السلام عليكم ورحمة الله وبركاته

أختي أنا أشوف إن الموضوع جدا عادي يعني يمكن يسبب لك حساسية شوي

لكن الحمد لله على إنها جت على كذه من البداية

إذا كان الإبن ماعنده شخصية ولا يعرف يحدد موقفه فبصراحة لاينفع يكون زوج

يعني أي واحد راح يأثر فيه وهذا ممكن يسبب لك مشاكل بعدين

ولاتحملي نفسك مسؤولية إلي صار ولاتقولي يمكني فيني عيب أو شيء مو حلو

هذا الكلام شيليه من راسك

وكلي الأمر على الله وربي يرزقك بالزوج الصالح

أخوك STRANGE

[أنين الليل]

الله يسعد قلبك اخوي لمروك الجميل والرائع

ماشالله عليك كلامك درر وربي

لكن انا حابة اوضح لك شغله ام العريس قالت ان شخصيته ابوه قوية مرررررررة يعني يوم يقول لا يعني لا

وغير كذا الشاب توه مشتغل يعني تصاريف الزواج كلها راح يكفل فيها أبوه وعاد صعبة انه يغضب أبوه عشان بنت صح ولاء

وانا بصراحة سعيدة جداااااااااااااااااااااااااا بتواجدك ومرورك الجميل

ويعلم الله انه كلامك فرحني جدااااااااااااااا

لك شكري