[حامد نوار]

ماهو ضروري كل فاشل اعاديه..... وماهو ضروري كل طيب صديقي
طبع الردى والطيب يبقى لراعيه..... وانا على دربي وعارف طريقي

[حامد نوار]

ﻻ ضاق صدر الحليم وخربت اخلاقه
ادنات حااجه تجيب اقصاه ي كافي

ﻻ تقول باله وسيع و يمتلک طاقه !
الصبر له حد قبل يبين الخافي

[حامد نوار]

‏ يالله بغيثٍ من مراويح السحاب
المرهشات اللي .تلوح بروقها

وتجعله سقيا خير لاسقيا عذاب
رحمه تعم الارض واللي فوقها

[حامد نوار]

بعض الغنايم بيد ناسٍ وصلها مرالمذاق
ما ودهاتعطيك لوهو ذنبٍ من ذنوبها
قلوبها ماتندخل ياكود مع باب النفاق
يالله عساني طول عمري مادخلت قلوبها

[غلا..]

لاترجى الناس .. من قل مال ، وضعف حال
أطلب اللي لا طلبته .. يعجل بـ الفرج !

جعلني لا أحتجت ما أحتاج لأشباه الرجال
وجعلني عزيز نفسٍ .. ولا أطيح بحرج !

غايتي لو هي ورى اللاش ماهي راس مال
أستقيم بسير رجلي .. ولا أسير أعَرج !

[غلا..]

آخذ نسم لآ صرت ، محتاج لنسم
وان ضاقت صدور الاوادم ، لا ماأضيق !

الله عطى ، والله خذآ ، والله قسم
ماهو ضروري يكون لي خل وصديق !

[حامد نوار]

اللي مـن العربان مـا عنده نظـر
لايخاشر اهل الذايقه بـ أذواقها
تعبت من بعض البشر.. بعض البشر
يعذرب الـدلـه .. وھو مـا ذاقهـا

[حامد نوار]

يالله بنورٍ في الصدور وفي الوجيه
وسداد راي وراحة ورزقٍ حـلال
واغفر لمنهو في الرجا يرفع يديه
يحمل ذنـوبٍ مـاتحملها الجبال

[غلا..]

ماهوب دايم كل مطرود ملحوق
ولاهوب دايم ، لا زعلنا رضينا !

لنا مع الطيب مواجيب وحقوق
واللاش ماله حق يشره علينا !
و أنا بغيتك أخ لا أحتاجته الموق
وأثرك جرحت الجرح و سالت عليا

[حامد نوار]

لاسكر الله باب .. يفتح لنا ابواب
وأليا ظلمونا خلق سخر لنا خلق

حكمه من الرحمن واحكامه اسباب
حتى نعرف الناس .. ونميّز الخلق