[حامد نوار]

ياقلب لا تندم على طيب مسعاك
خل الندم للاهل الفعول الرديه

الناس مايدرون وشهي نواياك
خلك على النيه تراها مطيه

[حامد نوار]

لاصار شبحك بعيد ومحزمك فاضي
والوقت حمله .. ثقيل وعلته عله

لاتلتفت في حسايف وقتك الماضي
غامر على العز والتوفيق عند آللـه

[حامد نوار]

ما يصير تعامل الكل بـ صدود
الوفـي ( لازم تعاملـه ) بـ وفـا

والـردي لا راح جعلـه مـا يعود
الجفا ،، ثم الجفا ،، ثم الجفـا

[حامد نوار]

هي عزة النفس عندي أول وتالي
والنفس ياصاحبي بالك تحاقرها

هذي نصيحه وهذا هرجي التالي
كانك تبي القدر عند الناس قدرها

[حامد نوار]

اتوب واخطي واخذ شوي واتوب
ويبقى الندم مابين نفسي وبيني

عبدٍ ضعيف وكلي أثام وذنوب
يالله على درب الصلاح تهديني

[حامد نوار]

السحاب اللي نشى بغياب نور
مات برقه واختفى صوت ارعده
.
شامخآ يوم امس واليوم محصور
ينتظر وش غيب باكــــر وبعده
.
واللــيال تدور والـدنيا تدور
والزمن ماقرب مداه ومابعده
.
كل شخصآ له غياب وله حضوور
ومن جفاه الحظ ماقام سعده

[حامد نوار]

عشقت مـن صغـري نسيـم الهبايـب
الـبـر لاغـيـّم سـمـاء الخـيـر جــوّي




اغيـب ما كـنـي عــن الـنـاس غـايـب
واشرح معاناتي علـى جمـر ضـوّي !!

[حامد نوار]

عهدي به بـ آخر لقى قبل عامين
ذاك الصباح اللي نوى فيه قتلي !

[حامد نوار]

الناس فـ هذا الزمن صابهم شي
ماغير قال . فلان و فلان . سوى

لايسلم . الميت . ولايسلم الحي
هذا وهم ذرية ... ادم ... وحوى

[حامد نوار]

انت احتشم والناس تحشم من حشم
تراك طيرٍ مـا يطير ولا يحوم

ان كان أبوك معلمك رز الخشم
أبوي علمني على كسر الخشوم