[غيوم ممطره]

يسومون العطآ . . بِ اسم الخطآ في كفة التبذير
خطآي ..! ولآ صوآبٍ مآ يوصّلني على بآبك !

أنآ فيني تعب ، فيني عتب ، فيني جروووح كْثْير
ولآ فيني أكمّل مآ بقى فيني . . . / من غيآبك !

[حامد نوار]

الضماير بسعر اسواقها مـن يشيـل "
" مثل فعل المؤشر في طلوع ونـزول
والوجع لوعروقك دون حـده تسيـل "
" سالت الناس دم وطاح صدرك حمول
راح كد الليالي فـي يديـن الدخيـل "
" بين بعض الروابع والهـوا والميـول
ياكفوف الجماله ويـن رد الجميـل ؟ "
" النفوس البريره في الجفاء وش تقول؟
القناعـه تعـز اصحابهـا بالقلـيـل "
" والجشع ذل نفس .. ولايهون الفضول
بالصبر والتروي تصنـع المستحيـل "
" وبالفكر واللباقه تملك أدهى العقـول

[حامد نوار]

أسألك يا الله العفو عن خطاياي
................. ما أعلمه منها ومالا علمته

انا قوي برحمتك ثم تقواي
................والعبد من يرحمه لو مارحمته

[حامد نوار]

إنتبه تطوي شراعك قبل توصل للأمآن ,
لا خذلك الوقت قل له الأمل بالله كبير !

ابتسم رغم الظروف ورغم عن أنف الزمآن ,
ماخلق ربي عسير الا خلق بعده يسير !

[حامد نوار]

أضيق .. لا هبّــت علـي الهبايب
واقول هذا الوقــت .. ربي حسـيبه


وإن شفت غيري وش له مْن المصايب !
أسكت ، وتصغر فـ/ العيون .. المصيبه

[حامد نوار]

بنت ليا منك وقعت تشيلك من القاع شيـل
ابرك من وجيه الرجال اللي ليا طحت جفلت

[حامد نوار]

شكيت جرحي للبحر قال .. تكبر
وتشوف منهم في حياتك .. غرابة !!






نطقت له .. تكفى .. إذا .. كنت تقدر ..
عندي سؤال بس ..؟؟ .. ناقص .. إجابة !!







ليه القلوب اللي نبي دوم تغدر ؟؟
وليه الحزن يفرض علينا .. ثيابه ؟؟






قال .. الكسر .. ما ظنتي يوم يجبر
إلا إذا .. اللي راح أعلن إيابه ..!!






قلت .. الوفا بين البشر .. ليه يندر ..؟؟
ليه الغلا بالناس سهل إنقلابه .؟؟





قال .. البشر .. طبعه غدر بس أصبر .
وأعرف .. ترى نصف الوجيه .. تشابه .!!





دنياك .. لو تصفي .. فلابد . تكدر
وتشوف شيب العمر .. بعد الصبابه .!!





وإن كان .. تبغى الحل .. من قبل يصدر
خلك حريص تعيش .. كلك . مهابه ..!!

[حامد نوار]

أنا لولا العقل فيني وشي بداخلي مستور
لذل الراس لعيونه وأجي له يوم خلاني..!

بلاي إني عزيز النفس ما أتبع قفا وظهور
أجازي بالفراق فراق لو إن العمر فاني..!

[حامد نوار]

خَلّك ثِقِيل وكِل كَلامِك بمِقيَاسْ
. . . مَاكِل مِن يِسمَع هُمُومِك فِزعْلِك

بَعض البِشَر مِن حبّها تقُول لابَاسْ
. . . وبَعض البِشَر مِن حِقدَهَا تِبتِسِم لِك

[حامد نوار]

احبابنا قفّى بهم موت وفراق
واخواننا نادى قدرهم وراحوا

واصحابنا اللي كنهم مثل الأوراق
هزّتهم ايام الشدايد وطاحوا