[حامد نوار]

شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

[حامد نوار]

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

[حامد نوار]

لا صار قلبك مثل وضع الفنادق
تستقبل الضيفان من باب الإعجاب
ابشر برشاش وعشرة بنادق
مقتول و التهمه منافق و كذاب

[حامد نوار]

ماكل حيٍ .. حي .. ولا قالها الله
0000000000 بعض العرب ميت .. ولو قيل له حيّ

وبيت العناكب من توسد بظّله
00000000000 مات يترجى من ورى نصبته فـيّ

[حامد نوار]

انشهـد أن القلـب للقلـب شاهـد
هذا مثل له ميزتن بين الامثـال
والبل لهـا وسـم وللوسـم شاهـد
توارثه لاجيال من بعد الاجيال

[حامد نوار]

الآدمي تكشف مع الوقت خافيـه
ويبين لك طيب الرجل من خماله
لا طالت الخوه ظهر كل ما فيـه
وعرفت دقه وقتها مـن جلالـه
أما طلع خويـك اللـي تخاويـه
والا سمحت وقلت مالي ومالـه
وأنا أقول لطيـب الفعـل لبيـه
واشوم عن راع الردى والنذالـه
الطيّب أشفق له وأحبه وأراعيـه
وافخر بعرفه كل ما جـا مجالـه
وأما الردي والنذل والله ما صافيه
سلالة يـا شينهـا مـن سلالـه

[حامد نوار]

الطيب سوقه فوق راس الشواهيق
ماكل رجـال ن يحـوز المكانـه

وقلوب عطران الشوارب صناديق
سد ن بعيد وكـن فالقلـب دانـة

[حامد نوار]

يا لله عسى عمرك من الحزن خاااااالي
وحلمً رسمته تهتني به وترتاااااح

وعسى الزمن في مقبلات الليااااالي
يسقيك من كاس السعاده والافرااااح

والهم من شمسه يعود ظلاااااالي
والهم من داخل خفاياك ينزاااااح

[حامد نوار]

الحمدلله مولود على الفطرة
اصوم واقرأ كتاب الله واصلي

اتبع محمد واعرف السيرة العطرة
واعمل بهديه فـالترحال والحلي

مانيب معصوم عن ذنب يجي قدرة
لكني ارجو من المعبود يغفرلي

عن باقي الناس مافي حالتي ندرة
وش لون اغير شعور العاطفة قلي

انسان والأنسان احيان معه عذره
مانيب متغير عن الأنسان ياخلي

[هدى وهداية]

بعض الفرح ياصاحبي باطنه هم
... وبعض الهموم افراح لو هي حزينه