[حامد نوار]

الأحرار أحرار ماتصبح عبيد
................ لو تشب النار زدناها حطب..!!


خير ما قاله طلال إبن الرشيد
.................. ( ياصغير مايكبرني لقب )..!!

[حامد نوار]

لله درّ القلوب اللّي على الفطره ،
يفوح منها النقا .. { لا كِثرت القاله} !

[حامد نوار]

ماني بـ سامح لأي إنسان عني يسد
................ مدامني فوق هامات الجزايل كبرت.!!

إن جيت .. جيت بفخر ماجيت أكمل عدد
............ يبقى محلي كبير إن رحت وإلاحضرت..!!

[حامد نوار]

من قبل لا تحكم علۍ شخص حاسب
واجعل مكانك في مكانه ( دقيقه )
عشان تدرك كيف الاحساس راسب
وان الظنون احيان ضد الحقيقه

[حامد نوار]

السفينه اللي مَا تشيلك .. تغرقك
والاهتمام بعد الطلب ماهو اهتمام ..!!

والصديق اللي في ضيقتك يتركك
مَايلزمك تبقى صديقه بــ التمام..!!

[حامد نوار]

نموت مـاعشنا على رزق الذليل
والنفس نجبرهاعلى حب الصبر ..!!

لو ما نطول التمر في روس النخيل
نموت ما ناكل من الطايح تمر..!!

[حامد نوار]

ياللي .. تجـس النبـض دوك الفـوايد
نبض الصراحة في خفوقي حكمني ..!!

لا اقول : ناقص لا ولا اقول زايد
انا كذا من يوم ربي خلقني ..!!

ماافبرك الأخبار مثـل الجرايد
ولااجيب العلم في حسب ظني ..!!

[حامد نوار]

بعض العرب يسوى قبيله لحاله
تعجبك وقـفاتـه ويعجبك طيبه ..!!

وبعض العرب مثل الرشا فالمحاله
هرجه تقفيبه وهرجه تجيبه ..!!

[حامد نوار]

حتي ولو ضاقت بنا كل الآفاق
الروس تقدح كبرياء وشجاعه ..!!

مانملك الا حس وشعور واخلاق،
والا من الدنيا .. ملكنا القناعه ..!!

[حامد نوار]

انا بخير وباقي الناس في خير
ولاهمني بالناس وصل وقطاعه ..!!

زعلوا علي وش ماحصل خير ياطير
الطيب حاضر والمحبه قناعه ..!!