[حامد نوار]

من زارني في صفحتي مرحبابه
بتنوّر الصفحة شرف في وجوده
ومن كبّها الله يوجهـه ركابـه
مـع أن ودي أستفيـد بـردوده

[حامد نوار]

الرجل في دنياه يحفـظ سلومـه
ويصد عن دربٍ يجي منه حقران
يصبر على جور الزمان وسمومه
ويقابل السيّه من الناس باحسـان

[هديل35]

عــش في بساطة مهما علا شأنك

وتوقّــع خيرًا مهمــا كثــر البــلاء

[حامد نوار]

الوقت غربة وآخر الدرب عنوان
والعمر رحلة والتجارب رحايــــل }
وعلى كثر مالي من الناس خـلان }
اللي صفولي بالشدايد قلايــــــــل }
مرات ربك يرزقك خوّة انســــــان }
واحد ويسوى في عيونك قبــــائل }

[حامد نوار]

هذي هي الدنيا حظوظ وتوافيـق
......... أمّـا وطـاك الحـظ والاّ وطيتـه

تعيش في غيبوبة الوقـت وتفيـق
.......... شـيٍ تذكرتـه وشـيٍ نسيـتـه

بس الوكاد انه بعد نشفت الريـق
....... مالك سـوى بنيانـك الـلي بنيتـه

[حامد نوار]

الأمعّه .. والشايب الكذاب ؟ وضعيف العزوم !
........... ناسٍ مع العالم .. بلا هيبه , ( تدربي روسها )

[حامد نوار]

مهما كتبت من الخواطر والأشعار
ومهما اصغت الحرف ياكيف مايكون

ورغم إن حرفي قد سلب كل الانظار
يبقى خيال وداخل الصدر مكنووون

[حامد نوار]

ما كل من تعرفه ترتاح ل أطباعه
الناس ف القلب من قيمة مواقفها

تقابل انسان وعيونك على الساعة
وانسان لا قابلك … ودك توقفها

[حامد نوار]

المنخنق لآ قال مانى بـ مخنوق
تشهد عليه العين لآ هل مآهآ

لآ تبدى اسرارك على كل مخلوق
الناس ماتدري وش اللي ورآهاا

[حامد نوار]

أخذت من الدنيا تجاريب و دروس
وعرفت فيها صاحبي من عدوي
لا صرت طيب بس ما عندك فلوس
ما ينحسب لك طيب مهما تسوي