[همس الخفوووق]

يعطيك العافيه ماقصرت أخوي

ضغطت والشاشه نفسها مو راضيه تتغير

[راغب الخير]

طيب شوفي احتمال الشاشه تجمدت او هنقت عندك فأقترح تضغطين انتر راح يدخلك على الويندوز العادي وبعدين ارجعي اعملي نفس الخطوة اعادة تشغيل واضغطي زر F8 ولما تفتح لك هالشاشه اضغطي زر F8 مره ثانيه

[همس الخفوووق]

سويتها ونفسها ماتغيرت
تعبت مع هالجهاز
الظاهر إني خلاص راح أوديه عند محلات الحاسب يصلحوونه

مشكوووووووور أخوي ماقصرت يعلم الله إني جدا جدا محرجه من كثر أسألتي

فأسأل الله أن يفتح لك جميع أبواب الرزق والسعاده والتوفيق والرضى والغفران لك ولوالديك وكل من تحب في الدنيا والأخره

شكرا من الأعماااااق

[راغب الخير]

مافي احراج يا اختي الكريمة والانسان يتعلم ويعلم وهذا ماتدور حوله الحياة

لكن انا اقترح عليك اخر محاولة بدال ال F8 جربي F12 بعد اعادة تشغيل الجهاز

المفروض انك تحصلين على هالشاشه ان جاتك خير ان ماجاتك مو مشكله سوي الفحص في الويندوز العادي مو في بيئة ال Safe Mode

http://im14.gulfup.com/DOMa1.jpg

ان زبطت معك ولك رغبة تكملين عقبي على الموضوع

تأكدي ان زر Num LK او Scr LK مو شغال قبل لاتغطين F8 وانتي بالشاشة السودا اضغطي هالزر قبله وجربي

[همس الخفوووق]

جربت ال F12 نفس قبل الشاشه ماتغيرت

طيب معليش وش زر Num LK او Scr LK ؟؟ ماعندي مثلهم
دورت لوحة المفاتيح ومالقيت شيء مكتوب عليه نفس هالكلمه

خلاص راح أسوي فحص على الويندوز العادي



سويت فحص وإجمالي الأخطار 16
الظاهر جهازي مايبي له شيء غير أرشه بموية زمزم

مشكور أخوي على جهودك ماقصرت

[راغب الخير]

Screen lock
Number lock
زر يقفل بعض الارقام والازرار بالشاشة احتمال جهازك الاتش بي قافل بعض ازرار التحكم بالشاشه هذب ببحث في المشكله واعطيك خبر واستاذن منك الان وبرجع بعدين لانهاء بعض المشاغل

[همس الخفوووق]

أسأل الله لك التوفيق في أمورك العلميه والعمليه

[راغب الخير]

السلام عليكم ورحمة الله وبركاته

أشكرك اختي على الدعاء الطيب وارجوا ان يسهل الله لك بالمثل

سنجرب طريقة اخرى ان شاء الله انها ستعمل معنا

اذهبي لإبدأ وفي خانة البحث اكتبي كما في الصورة msconfig

http://im16.gulfup.com/Pn601.jpg

راح تفتح معك شاشه مثل اللي بالصورة اسفل لكن اختاري مثل الصورة روحي لخيار Boot وحطي صح على Safe boot

http://im16.gulfup.com/5j8i2.jpg

بعدها اضغطي اوكيه راح تطلع لك رساله فيها كلمة Restart او اعادة التشغيل اختاري اعادة التشغيل او ال Restart وبعدها بإذن الله راح يدخلك على ال Safe Mode وتعملين الفحص باستخدام النورتن

واذا خلصتي الفحص في ال Safe Mode وتبين ترجعين للويندوز الطبيعي

اكتبي زي فوق msconfig في البحث ولما تفتح معك النافذه روحي boot وشيلي الصح من خيار Safe boot

[همس الخفوووق]

 "الســـــــلام عليكـــــــم"

ياأخوي الله يجزاك الجنه
واللــــه ماقدرت أطبق هالخطوات
أول ماشغلت الابتوب طلع منه صوت وهواء حار
وطفيته خفت ينفجر علي .

ماأمداني أفرح بالجهاز إلاخرب.
وتعلمت وتأكدت أن أي شيء بمصروف حافز ماااا فيه بركه .
.
.
.
.
(وياأخوي . سامحنـــــــي)
+ والله أدري إني سألت كثييييير

+ وأدري إني أخذت من وقتك

+ وأدري إني تعبتك معاي حيييييل

= بس أبيك تدري إني ماراح أنساك من الدعـــــــااااااء بظهر الغييييب والثلث الأخير من الليل

وكما أعطيتني من وقتك . أسأل الله أن يعطيـــــــك حتى يرضيـــــك .
ويوفقك في دينك ودنياك ويصلح لك النيه والذريه

وأسأل الله فارج الهم كاشف الغم أن يفرج همومك وييسر أمورك ويشرح صدرك ويعلي شأنك في الدنيا والأخره .

وأسأل الله العظيم أن يوفق والداك ويديم السكينة بقلوبهم والإبتسامة في وجوههم والسعادة في بيتهم والبركة في أهلهم
والصحة في أبدانهم والتوفيق في حياتهم والأمان في دروبهم

اللهم إنك قلت وقولك الحق أدعوني أستجب لكم
اللهم هذا دعائي لأخي الراغب بالخير
ومنك الإجابه وهذا الجهد وعليك التكلان
وصل اللهم وسلم على نبينا محمد



أختك في الله/ همس الخفوق

[راغب الخير]

السلام عليكم ورحمة الله وبركاته

أولاً: أشكر لك اختي دعائك الطيب لي ولوالدي وله محل تقدير وأسأل الله ان يعطيك مثل ما سألتي لي وأكثر

ثانياً:
بما أنك فتحتي موضوع لديك فيه مشكله فبالتأكيد انك ستسألين للحصول على المعلومه ولو كنت مكانك سأسأل مثل ما سألتي وبما اني عرضت عليك الحلول كان لزام ان اكمل معك للنهاية

بالنسبة للتعب والوقت انا اجلس كثير على النت وعلى فكرة مشاكل الكمبيوتر تحتاج واحد عنييييد يعني يحط براسه الا يحلها الا يحلها واذا كان مو من هالنوع يريح راسه من دوشة تطبيق الخطوات وياخذه لاقرب مكان تصليح


بالنسبة للهواء الحار والصوت اعتقد من مروحة الهواء اللي عندك ان استمر الصوت فيها ودي الجهاز على الضمان ويمكن بسبب هالمروحه كان يجيك البطىء لأنه اذا ارتفعت حراراة الجهاز تأثر عليه بالسلب وتأكدي الخطوات اللي عملناها فوق مالها دخل بالصوت والحراره


وبما انك استسلمتي فأسأل الله العظيم ان يعينك على حل المشكلة اللي تواجهك في اسرع وقت ويبارك لك في جهازك ويجعله لك متاع حسن من متاع الدنيا

وان كان هنالك اي استفسار فليس لدي مانع