[حامد نوار]

احدً يجي عرفه يسرك وينفعك
واحدً يجي عرفه .. بليا مسره

واحدً ليا مَنٍّ طحت ياقف ويرفعك
واحدً ياليته بس .. يكفيك شره

[حامد نوار]

تدريَ وش اللي من غيآبكَ تعلمت ؟؟

[ إن القدر لآ صآر مآ أحدٍ يرده ]

و تدريَ وش اللي حدنيْ مآتكلمت ؟

[ شموخ قلبٍ مآ خلقَ من يهده ]

[حامد نوار]

العيش والملح يعرفك بنفوس ... الناس
باعو المبادى والقيم ... بالفلوس الأنجاس

الناس أجناس ... بيض وسود ... بلامقياس
فالصو ... وفضه ... ذهب ... وآآآآآلماااس

ناس توقف وناس ترميك وقت ... الافلاس
ذا يرحمك وذا يكرهك ... وذاك ... هلاس

[حامد نوار]

أن كنت رايق قالو الناس فاضي
وإن كنت ضايق قالو الناس حساس

أحيان ودك تترك الناس ماضي
وأحيان تجبرك المصايب على الناس

[حامد نوار]

بالله ياصبري عسى رضاك مكتوب

لوكـــان مالي بالكــلام استـجــابه

بنعدي الشــطين والبــعد مطـلوب

يمكن على شاطيك تمطر سحابه

[حامد نوار]

هذا الزمان يبغاله لسان دلال
من يستحي هالوقت واعزتي له
وقت(ن) به الراعي غدى راعي دلال ...
كل(ن) على طاريه ينفض شليله
من كان ساسه للردى مضرب امثال ..
.اليوم يحسب من كبار القبيله
المال يا ابن حنيف ملعون ابو المال ...
ذل العزيز وعز ناس(ن) ذليله

[حامد نوار]

( طبع الحقيقه ) دايم تكون بشعه !
وماني على فرقا المقفين نادم ..!

وش عاد لو طاحت من العين دمعه ..؟
طاحت من عيون الأوادم | أوادم !

[حامد نوار]

ظلم الغريب آهون ، ولا ظلم الاقراب
لأن الظليمه من قريبك مصيبـه

وعيب القريب اصعب من عيوب الاغراب
لأن القريب ( يعيبك اللي يعيبـه )

[حامد نوار]

الطير ماهو قيمته بالدننير ..

.. الطير ياخذ قيمته من وقاره

كنه يقول ادرس عن الطير تقرير ..

.. حنا الطيور النادره من حراره

[حامد نوار]

ومن لا خذا من درس الاسلاف نبراس
تمضـي حياته بالرجى والـتمني