[حامد نوار]

الحياة اللي تسمي لعبـة الشاطـر خطيـة
ماتساوت في عيوني مع جناحيـن الذبابـة

أذكر اني كنت عايـش بالليالـي الأوليـة
وأذكر اني كنت عايش وقتها باحضان غابة

ماعرفت الا عبارة مثلهـا مثـل الوصيـة
عيش عمرك ذيب تسلم من مخاليب الذيابة

[حامد نوار]

أكبــر مصيبـــه بالزمن تنفــرض لك
مــوت الوفا في واحــد واثــــق فيــه

واللي يسبب حيــرتك والمـــرض لك
زود الجفـــا مــن واحــد كنت تغليــه

والثالثــه نظـــرة عيــون البعض لك
يخفـــون حقــد القلب والعين تبديــه

والـرابعه لاجيت شخص ونهض لك
ولا رحت سفه بك مع الناس تسفيه

أربــع مصايب كلــــها تعتــرض لك
والثانيــه هي سبــة الحــزن والتيـه

[حامد نوار]

ياصاحبي ون كان تسئل عن الحال = الحال قدامك وعينـك تشوفــه
حالي كـذا دايـم على كـل لحــوال = ماهمني جور الزمان او عزوفه
من فضل رب البيت ياطيب الـفـال= عايش وكل من البشر له ظروفه

[يامن يرى]

(عزيزة نفس وأطباعي على أبوي شموخي بفعلي والكلمة ماأثنيها)

[السعاده قادمه]

لا تسأله ليه ؟؟؟؟؟؟؟
لآ شِفت لِك مجروح .. حآوِل تِدآوية
دآوَه مِن بآب الإحسـآن دآوَه

وإن شِفت لِك مِن يبكِي .. فـ لآ تسألة لية ؟؟؟؟
الدَمْع مآ عُمرة نِزل مِن فَضـآآوة

[السعاده قادمه]

ياطموح الشمس والحزهـ .. غروب
... في حدود الكون والدنيا / ضياع
..
هو غباء الشوق في لحظة .. هروب
... أو طموح العشق في دمْ .. ونخاع
..
والأمور اللي بخواطرنا .. تجوب
... ماتغيّر بين .. روحهـ .. وانقطاع
..
فلسفة شاعر على صمته .. يذوب...
شمعدان البوح في لحظة / نزاع
..
يمسح العبرات في كل الدروب
... لين تصبح قصته قصة / شجاع

[السعاده قادمه]

عادت البسمة على الوجه الحزين
طبع من ضاقت عليه ومـا شكا
وش يسوّي لا انشدوه العاذلين !
و ركـزّو فيه العيون وما حكا !
ما قدر حتى يرتب كلمتين
إن سكت مفضوح وإن سولف بكا..

[السعاده قادمه]

طار الحمام و ترك عشه على غصني !
............... ولا هبت الريح .. بأغصـاني لها مده !

عشٍّ غشاه الحزن .. فوق الفرح مبني
................... ليه الهوا .. ما يمر .. اليوم و يهده ؟

و ليه الخريف ابتدى و شال الورق مني
................... و ليه الورق ما رضى يعطيني مسودّه

مسوده أكتب بها , كم خاب لي ظني .!
.................. و كم خاب لي ماضيٍ يصعب علي عدّه !

[السعاده قادمه]

ياصاحبي والحلم مايبغي نجوم !
............. لولا القمر وش كان حال الليالي ..


غصن اللقا مـ عادت طيوره تحوم
.......... وفصل الـ غياب يجفف اللي بـقا لي


ليه انتظر صبحٍ , غشا وجهه غيوم !
........... و أنا ! بـ أعيش الليل كله [ لحالي ] ..

[السعاده قادمه]

لا هنت ياقلب شكا من خويه
كم راس من طعنات الأصحاب شايب


مرات أقول إن الخبل ياهنيه
لقيتهم يشكون ظلم القرايب


ومرات أقول النذل لارحم حيه
وأثر النذل في بعض الأوقات صايب