[المــــوعــــود]

جزاك الله خير

[**نسائم**]

المشاركة الأصلية كتبت بواسطة تسـواهـــن نسااااااااااااااااااااااااائم توني خلصت منها كلام ضحكني وكلام بكاني وفي شوووق للبقيه تسلم يدك حبيبتيييييي

يسلمك ربي اختي مشكوره ع المرور

[**نسائم**]

المشاركة الأصلية كتبت بواسطة مها ما شاء الله قصة رااائعه ان شاء الله يستفدن منها الفتيااات بعد زواجهن .... الف شكر لك على السرد الجميل ...

ومشكوره يامها على مرورك

[**نسائم**]

المشاركة الأصلية كتبت بواسطة هدى الله أنتظر معك البقية على أحر من الجمر

ابشري اختي بنزلها لكم الحين

[**نسائم**]

المشاركة الأصلية كتبت بواسطة بسـمه يسعد قلبك يانســـائم00 تكفين ننتظر الباقي على أحر أحر من الجمـــر00

ابشري يابسمه راح انزلها الحين

[**نسائم**]

المشاركة الأصلية كتبت بواسطة المــــوعــــود جزاك الله خير

مشكور ع المرور

[**نسائم**]

قالت انتي وعدتيني انك تسامحيني قلت لها وعدتك قالت احلفي قلت بتتكلمين ولا لا قالت احلفي قلت ماراح احلف بكت وترجتني قلت يابنت الناس حيرتيني معك شو سالفتك بالله عليك ...قالت تعرفين انه سبب مشاكلك مع عمتي انا السبب فيها قلت ادري انصدمة من ردي قالت تدرين قلت ايوه ادري وادري انك كنتي تزنين على راسها علشان تزوج زوجي وانتي الي تخليها تهاوشني وانه منع الخدامات بامر منك وحتى عزومة العروس للبيت كانت من تدبيرك علشان انقهر وقالت ليش ماكنتي تتكلمين قلت ماله داعي ادري انه ربي بينصرني على من ظلمني وليش انا ادافع عن نفسي وعندي ربي ماراح ينساني ...قالت بخبرك شئ ولازم تعرفيه عمتي حاطه براس زوجك انك انسانه مو مريحته قلت ومن مريحه قالت هي كانت يوميا تقول له زوجتك مو بنت ولو تبي تتاكد تزوج بنت وبتكتشف انها كانت مو عذراء ابتسمت لها وقلت جزاء الله الف خير وانتي انا مسامحتك دنيا واخره وماكنت اتمنى ابدا انه زوجك يتزوج عليك ولكن قولي قدر الله وماشاء فعل ...وام زوجي كل افعالها مسموحه فيها الا هذي الكلمه ابيها تتحمل وزرها علشان تعرف ترمي المحصنات الغافلات الحافظات لفروجهن ورحت توضيت وصليت ركعتين استخاره ورحت لزوجي لقيته منسدح بغرفة التلفزيون تحت سكرت التلفزيون وقلت له فلان قال نعم قلت كم جبت لك عيال قال هاتي من الاخر قالت من الاخر هذولا مو عيالك مادري كيف وقف انا شفته طب واقف وسكر الباب بقوه وسحبني من يدي لعنده شو تقولين فكيت يده منه بقوه قلت الي سمعته وقال تقولينها بكل وقاحه قلت ايوه اقولها بكل وقاحه هالعيال عيال امك مو عيالك لاني يوم تزوجة الظاهر والله اعلم انه امك كانت داخله علي مو انت سكت تجمد وجهه من قوة الفشيله قلت الظاهر انك يا اهبل ولا تستهبل انت ماخذ ثنتين مو وحده لو ماكنت انا العذراء فاكيد الثانيه كانت العذراء الشريفه واكيد كنت بتعرف من فينا الطاهر ياطاهر عموما الكلام واقف ولنا وقفه عند ابوي وللاسف راح ابوي قبل لااخبره هالموضوع مات الله يرحمه في نفس اليوم المساء الله يغفر له ويرحمه

[**نسائم**]

ورحت لبيت اهلي جلست مع امي فترة الحداد كامله وماكان بيننا اي نوع من انواع الاتصال كان يجي يزور امي وكنت اطلع لما يجي يزورها ...طيلة هذيك الفتره كنت افكر ارجع له ولا اطلب الطلاق واريح نفسي جيت جلست عند امي خبرتها بالموضوع بعد ماخلصت عدتها قالت امي ماعليك منها يابنتي بيتك عيالك لاتنسين عنك خمس عيال ومحتاجينك قلت وانا والاهانه والجرح قالت ربي بيعوض صبرك خير صدقيني قلت امي تعبت صدقيني من كل يوم يبي حرمه وانا لليوم ادور معنى كلمة حرمه ومافهمتها قلت وانتي شو مو حرمه وهي تضحك قلت والله هذا الي اعرفه قالت انتي من قال لك انه زوجك يبي حرمه قلت ابوي الله يرحمه وجهه امي صار بهذا الشكل وقالت وانتي جلستي تدورين المعنى قلت ايوه قلت المعنى الرجال يبي يحس بوجود زوجته بفراشه يبي يحس انه الي عنده حرمه قلت اهاااا قلت زين الحين فهمت ورحت لغرفة اخواتي لقيت اخواتي المتزوجات وقلت لها ممكن سؤال كيف الرجال يبي يحس بزوجته انها عنده بالفراش جلسن يضحكن علي وقالوا اني لليوم ماعرفتي قلت لو كنت اعرف ماكان زوجي كل يوم يركض يبي زواج ...واخذت درس محترم من اخواتي وفهمت المطلوب ...وجا زوجي وقال يلا بنروح للبيت قلت زين ركبت انا وعيالي للسياره وانا اشوف الطريق مو هو طريق بيت اهله قلت لوين رايحين قال للبيت قلت اي بيت قال البيت سكتت عنه قال هذا للحين يستهبل ...وقفت سيارتنا قدام بيت غير بيت اهله قلت بيت من هذا قال بيتك الي ابوك الله يرحمه شرطه علي وهذا انا جبته لك وهنيه اكتفي بهذا القدر عن حياتي واقولكم انا الحمد لله سعيده ومرتاحه اللهم لك الحمد ...

.
.
.

[**نسائم**]

اخواتي الزوج لما يتزوج ماكان يبي ديكور اضافي لبيته ولا شغاله ولا غساله كان يبي انثى بكل ماتحمله هذه الكلمه من معان ...
انا ماكنت اعرف امور كثيره وتعلمتها لانه لازم اتعلمها مااقول امي قصرت لكن امي جعلها مع خوفي كمل الموضوع زين ...
تعلمت فنون كثيره نفعتي بحياتي الزوجيه صح جات متاخره لكن لعل هذه حكمة من ربي علشان نعيش حياتنا اكثر سعاده ...
الحياه الزوجيه بتشوفين فيها كثير واول نصيحه واهم نصيحه لاتتركين بيتك لاي سبب اجلسي واصبري وتحملي مادام زوجك مو مسبب لك اذيه باليد اوشرب المنكرات ...
الثانيه اهتمي بصحتك بتنفعك بصحتك بتكونين حرمه بكل قوتها بصحتك بتنفعين عيالك وبصحتك بتقومين لعبادتك...
الثالثه اقري وتثقفي بامور الحياه الزوجيه ولاتتوانين تستشيرين احد من المختصين لانه هذا زواج ويبي ناس فاهمه تساعد لاتتخبطين يمين يسار...
الرابعه الزوج انسان له احساسه ومشاعره مو تقومين تجيبين لك درزن عيال ولا نص درزن وبعدين تقولين يالله اقوم اربي عيالي الحين وهو براحته انا بفضى له ولا لعياله ...العيال بيكبرون وبيتزوجون وبينسونك مثل مانسينا اهلنا وعشنا ببيوتنا ومانذكرهم الا بالاتصال او الزياره ...اما هو رفيق الدرب وانيس الوحده تقربي منه بالاسلوب اللطيف والكلمات الرائعه لاتدخري اي كلمه تعرفينها اغرقيه بحنان وحبه وبتشوفين كيف بيذوب بين يدينك وان حسيت في احد يبي يخطفه منك كثفي الحنان جرعه زياده وشغلي مكر النساء لاتنسين تفكرين بعقل ولاتخطين اي خطوه الا وانتي دارسه نتائجها...
الخامسه سامحيه سامحيه سامحيه على كل زلاته ولا اتركيه وروحي لبيت اهلك مادام قلبك مملوء بالبغضاء عليه ...
السادسه حبي زوجك بشكله وطباعه ولونه هذا نصيبك وارضي به مادام هو قايم بمايرضي الله ماعليك من الباقي واعتبري الباقي ابتلاء من ربك واصبري...

السابعه وهذي سر قربن بقولها لكن تدرين انه ملامح وجهك تبين له اذا كنتي تحبينه ولا لا من نظرت عيونك واشراقة ابتسامتك وصوتك وحتى بضحكتك

وفي الاخير سامحوني وان شاء الله لما ارجع اكتب لكم الي اختي كاتبته في دفترها والي انا لقطته من هنا وهناك

نشوفكم على خير

[**نسائم**]

وهذا آخر القصة كمل والسموحة يا خواتي على التاخير لان اتصالي تعطل ولا بعد صارت سالفة في هالمنتدى اللي انا كنت انقل لكم منه جالسه واياكم نتحرى القصة تخلص وهي موجوده بعالم حواء للكاتبه الاصليه وهاللي ناقلتها ماعلمت انها مش لها الا بعد ماتكلموا البنات الله يجزاهم خير وحطوا رابط القصه في عالم حواء ولطشتها لكم بلا سفر بلا خرابيط خخخخ.
واذا كان فيه مستجدات من الكاتبه بنقلها لكم
والمهم هو الفايده والله يجزاها خير اللي نقلتها بعد ماقصرت