[الماس*]

بسم الله الرحمن الرحيم
السلام عليكم ورحمة الله وبركاته
عندي لك حل ان اعجبك وناسبك خذيه والا فاتركيه
1 - اغلقي باب بيتكم ولا تدعيه مفتوح للداخل والخارج
2-ردي على ابوك بلطف حتى لو لم تنفذي اوامره
مثلا لو قال اذهبي افعلي كذا ردك يكون ابشر او على عيني وراسي
وطيب من عيوني لو مانفذتي
اذا ناداك ردي بلطف وقولي مشغوله عندي شغل ،او قولي تعبانه
مره قولي له الحمدلله انهم ماهم ايتام امهم موجوده تهتم فيهم
(أأسريه بالكلام الطيب))
3-مرات اذا ابوك مو موجود عندكم اعزمي امك على مطعم ولا تطبخ فالبيت واعتذروا منه
سوو مناسبات من غير مناسبات ،عشان تريحوها من طبخ البيت
مرات خذيها معك السوق وتعشوا فالسوق ،قولوا له انكم محتاجين بعض الاغراض
مرات قولي لامك لاتطبخين راح اجيب غداء من برى
اذا جاب طفل تحطي لو غدا اعطيه شويه وقولي له روح كل في بيتكم واتركيه
اكيد امه ماراح تتركه بس هي متكله عليكم
والله يكون في عونك

[أم عبدالله 12]

كتبت رد طويل وانمسح ..
باختصر لك : مستحيل تلاقي بيت بدون مشاكل ، حبيبتي لا تورطي نفسك مع مشاكل امك وابوك بالنهابة يبقى والدك ، ولا تجبري امك ع الطلاق يمكن هي ماتبي تكون مطلقة لا تضغطون عليها هي مرتاحة وراضية وحتى لو زعلت حاولوا تخففون عنها اما الطلاق صعبة خصوصا اذا وحدة كبيرة ، بكرة تتزوجي وترتاحي بإذن الله وتبقى هي وحيدة مطلقة ؟! اعرف ناس امهم تعاني من مشاكل مع ابوهم وصابرة لمن كبروا ضغطوها ع الطلاق وانهم راح يكونوا معاها والله مافي شهر من طلاقها كلهم باعوها ورجعوا لابوهم وصارت وحدها تبكي عليهم ، ادري بتقولي لا انا مو كذا ، الحياة مليانة مشاكل محد مرتاح الكل يعاني من هموم ، حاولي تبتعدي عن المشاااااااكل قد ماتقدري ، عيشي حياتك ماعليك بأحد استانسي اتذكري ان في مشاكل اكبر تهون مشكلتك ،،

[زهووور؛؛]

. سقيا ،، ردود الاخوات والادلاء لك بحلول ونصائح ،،ورد الرياض و الماس وام عبد الله اتمنى ان تستفيدي منها وتطبيقي ولو شيء بسيط

فأقول لك شيء زياده على ما ذكرنه الاخوات

اختي سقياء ،، امك انسانه عظيمه وصبوره ووفيه تحملت كل ذالك عشان تحافظ على الحياه الزوجيه وزوجها وابنائها فحافظت على الترابط الاسري

تحملت لانها لاتريد التفكك الاسري والتشتت بينهم والضياع فهي مهما يحدث لها ففي قلبها كمية من الحب والوفاء لاسرتها

إذاً اختي سقيا ،،لاتأتي انتي وتهدمي مابنته طوال حياتها فهذي مملكتها فلا تشتتيها بمجرد ان اباك يصرخ فيك ويتحكم ويطلب ويرفض

فهذا اب له الحق ولكن عليك انتي المبادره في اصلاح الامور
فلا تجبري امك في تفكيك الاسره بطلاقها .. قلتي انها لم تستجب لكلامك ،، اكيد من اتصفت بتلك الصفات لن تستجيب امك انسانه حكيمه اذا

اختي سقيا لاتنزعي تلك الصفات الحميده من امك التي تربت عليها وترسخت فيها الله يحفظها ،، في طرق اخرى للاصلاح غير التطرق للطلاق على اخر العمر
اما عن والدك انتي اصلحي الامور لاترفضي لابيك اي طلب اسمعي كلامه وردي عليه بلطف ولين حتى وان كان ذالك الشيء لايعجبك فرضى والدك واجب
اما عن اخوانك ان خدمتيهم لاارى فيها شيء انهم في الاصل اخوتك هم يرون حبك ورعايتك بهم وبعد الكبر سترين برهم ودهم وحبهم لك

لاتحتقري اي عمل صغُرَ ام كبَُرَ سيعود لك نفعه ومردوده لك فكما تدين تدان
اما عن زوجاته يمكنك التفاهم معهم في الاهتمام بابنائهن بالين واللطف دون الجدال
الحل بيدك ياسقيا .. اولا اهتمي بالرقيه الشرعيه لك ولأمك حتى لو ترشي البيت بماء مرقي لان احيان بعض المشاكل الاسريه سببها عين او حسد والله اعلم
ثانيا ابدئي بتغيير اسلوبك وتعاملك مع ابيك وامك وجميع الاسره وحاولي تغيير بعض الاساليب في الاسره بتوجيه وتقديم كل ماهو اجابي بالقول والعمل
ثالثا احسني تعاملك مع ابيك وامك باللين واللطف والدعاء والشكر لهم والردود الجميله لهم بكلمات تلين قلوبهم
فالاصل الاب حنون إذاً والدك يحبكم ويحب والدتك ولهذا لايريد الاستغناء عنها ولكنه يغلب عليه بعض الاساليب التي لاترغبونها فهنا انتم تستطيعون تغيير كل شيء بطرق ايجابيه

اخيراً الله يحميكم ويسهل امرك وعسى انك تستفيدي شيء مماكتبناه لك وبالتوفيق لك

[سُقيا]

ام عبدالله ..ولله ان في الطلاق لرحمه لمن يعقل ...
الحياه لاتدوم لي احد ابداا ..لذا بدل الخوف من الطلاق ..
لابد من التعقل والتفكر في حال الاسره وكيف تسير ...
المرآءه الفطنه إن رأت ان الزوج لايضيف شي بس مسمى زوج !!!
مع أذى للبنات وامهم وسوء عشره تشويه سمعه تعب الابناء وسوء نفسيتهم بسبب الجو المشحون . قهر وتفرقه عنصريه ..بل يشحن الاخ على اخوه
..
فيه اشياء بالحياه نصبر عليها ونحمد وفيه اشياء ارى انها ضعف وسوء تصرف لمن يتشبت بحياه اشبه بماذا ياليت بس كلمة تجمع ما اقول يعجز اللسان عن الكلام ...نقطه من بحر هذا الذي ذكرته ..

ريماااس نرحمهم والرحمه موجوده لاخواني ..لكن اصبح الوضع ذذل واستغلال وتسلط
وتجريح ..حسبالك لجاب الولد يتكلم باادب يقول حطوله الله يرضى عليكم. .
ولله وباالله انه صراخ وستحقار حال طلب ..نسكت حتى نفذ صبرنا ..
تخيل انك تجلس في بيتك تفطر ويجي يجيب الوراعين من البيت يسحبهم ويخذ صحنك الي تاكل فيه بدون حتى كلمة لطفآ ويعطيهم ..!!)
انت تاكل يسحبه من الارض ..اي معامله وصلت ..!!قلت ان
والدي لم اجد له مثيل بين الرجال بالمعامله والتحقير والنبذ وسوء العشره لنا..

تقولين يازهور حنون الاب ..!!
لاولله ان الحنان لم اتنعم واحظى به ولامره ..ليس اسلوب بمبالغه بل اسلوب تقرير الشئ حقيقه بعيد عن الزيادات والتهاويل ...وهذا الكلام منتهي منه
كرهه لنا ...ولكم الحق باإن لاتصدقون ولايخفى عليكم الوأد الذي حصل بالجاهليه للبنت مخصوصآوقديتسأل أحدهم أين الرحمه !!.

وهو بعيد عن الفطره فكذالك مافعله ابي لم اجد رحمه في قلبه علينا ....ولله ان رحمة قلبه ووزعها بين زوجاته وأبنائه..ووالحمدلله اقتنعت ان الحب لايُطلب ..ورتحت كثيرآ وماتت بعد ذالك اليوم المشاعر اتجاهه....



ولله ان الفضفضه زادتني غبنآعلى غبن ..