[ام يوسف المزيون]

اخي الفاضل غايتي الرضا اعتبرني كاخت كبيره،،،،اناتطلقت من 4 سنوات وولدي عمره شهرين
بعد ما شفت الامرين والمعامله اللي ماترضي يهودي حتى،واتهامات بالشرف وووووووغيره كثير
تدري ولدي الان عمره 4 سنوات اقسم بالله العظيم ان طلاقنا ماثر على نفسيته بشكل ما تتصوره
اخي الفاضل،لاتحسب انك اذا طللقت بتنتهي المشكله،لاابدا
تذكر يوجد صغير وراح تكون فيه نزاعات عليه،،،انت ذكرت انهم هداهم الله وسخرهم لك جميعا متسلطين
ويحبون السيطره فتوقع انهم راح يحرموك من شوفته...
بادر بما فيه مصلحه لصغيرك ولك
مصلحة صغيرك تتمثل في كونه بعد ارجاع امه راح يكون بينكم ويعيش حياة طبيعيه زي اي طفل
ومصلحتك تتمثل في انك راح تشوفه كل يوم وانت اللي تربيه مو غيرك حط تحت كلمة التربية 60 خط
انت اللي بتربيه مو غيرك
اخي الفاضل
اخي المحترم غايتي الرضا....
وضح لزوجتك انه الزم ما عليكم الصغيرون ،،،،واعرض عليها ترجع بعد الولادة وتجرب الوضع شهر وانت تقدر تجعلها تنسى اختها وسوالفها ،وبعدين الطفل راح يلينها حيل حيل حيل
تريث اخي الفاضل
واحتسب الاجر
اسال الله العظيم ان يردكم لبعض ردا حسنا
عاجلا لااجلا

[أسومه]

الله يعوض خير
ويسخرلكـ ربي ماتتمنى..

[قطراات الندى]

كلام أم يوسف عين الصوااب

ماشاء الله عليك ,,,

والله يعوضك خيرا منه يا رب ...

[غايتي الرضا]

المشاركة الأصلية كتبت بواسطة ام يوسف المزيون وانت تقدر تجعلها تنسى اختها وسوالفها ،وبعدين الطفل راح يلينها حيل حيل حيل

كيف اخليها تنسى اختها؟!

[ام يوسف المزيون]

اول حاجة بعد ماترجع اعتمر انت وياها،وادعي الله انه يسخرها لك،ويكفيك شر اختها ويهديها
ثاني حاجه والله اعلم زوجتك مسكينه شوي،وتتاثر بالكلام ،طيب انت استغل هالنقطة واكثر عليها من الكلام الحلو ،والمدح ومن هالسوالف
دايما حسسها انها اقرب انسانه لك وان لم تكن كذلك...اهم شي يصلح حالك وياها
طلعها وفسحها لو طلعة بر ما راح تكلف اهم شي ابعد عن اهلك واهلها يعني تفرد بها لحالها وصدقني راح تفتح قلبها لك...والنفسية تزين
اطلب منها انها تلين وتسكت اذا انت شديت وعصبت ،والعكس صحيح
وحاول من فتره لفتره تهديها لو هدايا بسيطة مره
وما يحتاج اوصيك عالدعاء والاستغفار والصدقة لو بريال
وهذا وجهي ان ما تغيرت وجت زي ماتبي

سبحان الله .....باب النجار مكسور
اكيد بعضكم يقول مطلقه وتعطي نصايح...
الله يوفقك ياغايتي الرضا

[غايتي الرضا]

كلامك عين العقل ربنا يجيب اللي فيه الخير

بس التبرج وبعض الامور مااقدر اصبر عليها

اااه

مدري ايش اكتب

[غزة الجريحة]

ما بعد الضيق الا الفرج انت انوي الخير واترك التوفيق على رب العالمين

[ام يوسف المزيون]

اخي الفاضل ذكرها ان ما يظهر من جسدها فالنار اولى به
قوللها من غيرتي عليك ما ابيك تطلعي باللبس
واذا زعلت قولها ما فيه زعل عند اهلك
اشتر لها الحجاب الكامل،،،وانصحها انها تلبسه وحاول تقنعها
انت وليها ومسؤول عنها
ابقولك شغله
وانتم بالسياره شغل شريط عن التبرج وسلبياته لاحد المشايخ والله انها راح تتاثر
وصدقني مافيه وحده تتبرج الا وهي في داخلها مو راضيه باللي تسويه
وربي يسخرها لك

[غايتي الرضا]

اااااااااااه

ام يوسف هل مر عليكي حالة وحم مثل زوجتي لهالدرجه يجعلها تتغير في حجابها وكل حياتها؟!

[كنان2]

ياااااخي هذا مو وحم .. زوجتك براسها شيء ثاني ..مافي وحم يخلي الوحده تنسى دينها