[حامد نوار]

يارب ترحمني ليا قيل (من راق)..
لاصرت ماعاد استطيع ابلع الريق ..

لاجاء الوعد والتفت الساق بالساق ..
واتلى الكلام الغرغره والتشاهيق..

يالله عسانا يوم نشفات الأرياق ..
أنا وقارئ هـ الرساله معاتيق ..

[حامد نوار]

كمُ وْاحٌد .. مْا وٌدهْ يٌنآمْ " وْ ينْامُ " !
وْكمٌ وٌاحْد .. ماٌناُمْ لوٌ كآنْ / وْدهٌـ !

مٌتىْ " يزيٌنْ " الحٌظْ وتزٌينْ .. الأيآمْ !
وأرُمْي " عمٌامْه " حزٌنْ قلبٌيْ .. وْ آهٌدهْـ

وأعيشٌ .. حْلمٌ }~ قدْ حلٌمتْه منْ / أعوٌآمْ |~
. . أنآمٌ منٌ يْومٌ انسٌدحْ علٌىْ { المخٌدْه } !

[حامد نوار]

ناس تعيش وناس تحرم من العيش
...............وناسً عليها صعب طرد المعيشه
وناس تـدور رزقـهـا بالبخاشيش
..............وناسً تدور عند الأنـذال عيشه

[االوردة االحالمة]

لا تنتـظرمن احد يجي . . يواسيك
كل البشر ماتحـس إلا ب .. وجعها !

[ابوسهم]

don,t say allh and akbr because that mean we have two god allh and the second akbr
والله ماأريد التنطع بالانجليزي ولكن لرغبتي في التنبيه وتميز المشاركه لكونها تنبيه مهم وهي على النحوا التالى:
من الخطاء ان تقول او تكتب الله و أكبر وذلك لكونه يعني ان هناك (الله) عز وجل وهناك (اكبر) والصحيح الله أكبر والواو الذي تضن هو عباره عن ضمه .
والله أعلم

[السعاده قادمه]

جزيتي خير يا بعض المواقف
عطيتي ني معايير الحقيقة
كشفت اللي في الفزعات واقف
صديق ما تخلا عن صديقه
شعاره بين لصحاب التكاتف
تميّز بالمواعيد الدقيقة
مع لجواد بالنخوة تحالف
وهزات النوائب ما تعيقه
فهذا صحبته فخر التعارف
يقف صفك لو إنك في حريقه

[حامد نوار]

شخص أنطوائي مايحب المعاذيـر
صريـح واراءه بعينـه سـديـده
يهوى البساطه فالحكي والتعابيـر
ويكره فلاسفـة العقـول البليـده
عالم ولاكن بإختـلاف المعاييـر
جاهل ولابه غير صمتـه يجيـده
وحيد لو خلفه ألـووف الطوابيـر
حزين لـو أن الملامـح سعيـده
حكيم لو سنّه بعـد تـوّه صغيـر
حليم وبوقت الغضب كسـر قيـده
يعيش يومـه ماقـرب للمحاذيـر
يخاف ربـه فالحسـاب ل.عبيـده
مايحسب ارباح الزمن والمخاسير
ولا نشد دنياه كـم هـو رصيـده
في داخله برق ورعود ومعاصيـر
سماه تمطر والعواصـف شديـده
والصدر لأسراره مثل قاعة البيـر
ماباحها إلا نزفهـا مـن وريـده

[حامد نوار]

المجلس اللي مايقدرك راعيه ** خلك عزيز النفس مالك وماله

لاصار ماحطت لجنبك مراكيه ** تلقى من خيار المجالس بداله

مغنيك ربك عن قهوته وشاهيه ** دام المعزب مايسرك قباله

دور على مجلس(ن) لاجيت ناصيه ** حصلت خمسه من شروط الرجاله

تقدير في قلبه وترحيب يبديه ** عقل(ن) وادب ومبهراتن دلاله

مجلس رجال العرف كل الفخر فيه ** عنه الرخوم يقدمون استقاله

بعض المجالس محكم العقل توذيه ** يلقى بها شخص(ن) كثير(ن)جداله

يفضح لسانه مايكنه بخافيه ** زود(ن) على جهله سريع انفعاله

في رايه ان العلم عنده وحاويه ** لوكان غرق في محيط الجهاله

وفي رايه ان الناس لازم تباريه ** ولوفيه فرصه كان كبه ضلاله

شخصاً بليا دين لاتعتزي فيه ** واسمع كلام مجرب الوقت قاله

كتاب حالات الرياجيل قاريه ** وحصل بها اكثر من ثلاثين حاله

وصور بعضها ماتطرق لباقيه ** ولو يشرح الحالات طول مجاله

[حامد نوار]

اذا تحـدآك ( الزمن ) لا تسلٌم للظـروف
أعتبر نفسك " جبل " و " الجبل " محـدن قـواه
وكان لك عقلٍ مع الناس وعيونٍ تشـوف
أعرف أن " الطيب " في الناس مايلحق مداه

[حامد نوار]

إعلان للي ما بعد جرب الحب
يترك طريق الحب قدر استطاعه

فيه الهنا ياتيك ساعه ويذهب
وفيه العنا ياتيك في كل ساعــه