[الحسنى]

لاحول ولا قوة إلا بالله ... حسبي الله ونعم الوكيل

الحمد لله على سلامة زوجة أخيك ... عمموا صفاتها في نفس السوق
لدى إدارة السوق ليتم القبض عليها

إذا أنتم ماشاء الله تحصنتم هناك من غاب عن لسانة قول هذه التحرزات ...
لقله علم ومعرفه أو جهل.

[محبة الدين]

حسبي الله عليهم والله يجازيهم كثير وقعو ضحايا لهالاشكال هذي الله يصبر اهاليهم ويكون بعونهم

[ندى لؤلؤة]

اللهم احفظنا يا رحمن واستر علينا بلطفك يا كريم !

تسلمين أختي ع الخـبر والله يحفظنا جميع ..

[بشاير الرحمه]

السلام عليكم ورحمة الله
وبركاته
الحمدلله على سلامتهن
والله يحفظهن وحسبنا
الله ونعم الوكيل
هذي قصه لبنت خالي
تقول رحت لسوق معروف
في الرياض وجتني امراه
وانا واقفه عند امراه وشتري
منها هاذا السوق مخصص
لنساء تقول وجلست جنبي
وقالت لي يا اختي انا عندي
طفل مريض واريد علاج
له تقول قلت لها تعالي هنا
في هاذا السوق حرمه
تعالج الحريم والاطفال
تقول وقامت معي ومشينا
تقول قالت اجلسي انا
عندي مرض ربو وما اقدر
اطول في المشي تقول
وجلسنا تقول بدت تمتم
بكلام مافهمت تقول الي
انا اذكره انه قالت معك
فلوس تقول قلت ايه معي
قالت كم قلت الفين واعطيتها
كل مامعي حتى طقم ذهب
لزوجت اخو زوجي اخذته
علشان اصلاحه تقول
والله كانه حلم المشكله
انها تسئلني وانا اجيب
تقول وراحت وبعد ربع
ساعه فقت كاني نايمه
وبسرعه لرحت لزوجي كان
في السياره لكن بعد ويش
تقول قسم انه كانه حلم
اتذكر اني اعطيه بيدي
وهي تسئل وانا اجيب
حسبنا الله ونعم الوكيل
المعذره اختي انا طولت
عليك _جزاكي ربي الجنه
ومافيها من نعيم والدينك

[يارب أزل همي]

اللهم احفظنا واحفظ بناتنا ونساء وبنات المسلمين
اللهم من اراد بهم شرا او اذايه فاشغله في نفسه واجعل كيده في نحره
اللهم احفظنا عن يمينا وعن شمالنا واحفظنا من اما منا ومن خلفنا واحفظنا من فوقنا ونعوذ بك ان نغتال من تحتنا اللهم امين
ييييي والله خوفتيني جزااك الله ألف خيير يااارب الله يحفظنا يارب
أستودعنا الله أنفسنا يااكريم

[نواعم 14]

شي مخيف ربنا احفظنا بحفظك
عليهم من الله ما يستحقون
شكرا على التحذير

[ـ’اللولو’ـ]

ياعمرررري يا حنين حمدالله على سلامتكم وحسبنا وحسبكم الله هو نعم الوكيل000
أنامرت عمي جالسة مرة تغسل حوشها عصرية وطق الباب وفتحت بنتها ودخلت حرمة وقالت أنا جارتكم فلانة جايتك من عند جارتكم الفلانية وطلعت من إصبعها خاتم وقالت هذا شريته منها شوفيه !!!!ومدته عليها وقالت المسيه!!!بس ألمسيه وألحت على مرت عمي تلمسه بشكل غريب رفضت وقالت لها أطلعي وقامت تحاول فيها في الأخير قال مرت عمي لبنتها روحي نادي أبوك هنا طلعت الحرمة----- حسبنا الله على هالأشكال0000
واللي تاخذ فلوس وذهب قلعة المصيبة اللي تسحب البنات 00الله يسلط عليهم0000

[haneen2006]

المشاركة الأصلية كتبت بواسطة منتهى الدروب تسلم عيونك حنينو منوره باهلها.. الله يحفظنا جميعا بحفظه.. زين قلتي لي علشان ما اعتبها خخخخ والله يحفظ عباده من كيد اعداءه.. تذكرت سالفه ترويها لي وحده ثقه من صاحبة الموقف تقول انها طلعت هي وزوجها وعيالها للسوق راحت باعت ذهب لها وكانت حاطه الفلوس بالشنطه وبعدها راحوا يلعبوا العيال وكانت الالعاب في الدور اللي فوق والي تحت سوبر ماركت قالت لزوجها اطلع مع العيال وانا باجلس هنا قال اوكي.. تقول وجلست اتسوق الا وجات وحده سمراء شكلها يخوف مره تبي تسرق الشنطه ومسكتني من يدي وضاغطه باصبعها على عرق وتمتم بكلام مو مفهوم وبعدها بدأت تثقل يدي شوي شوي وقمت اقرا المعوذات سبحان اللي الهمني ايها في هاللحظه وهي تصيح فيني تقول لا وش تقولين وشافهم واحد قال وش فيكم قالت له السالفه وهي تقول كذابه بعدين خافت وانحاشت ..وربي سلمها المسكينه وحفظها بالمعوذات ..

لا اله الا الله لاحول ولاقوة الا بالله الحمد على سلامتها وزين انها تذكرت المعوذات حسبنا الله عليهم والله يحفظك ويحفظ جميع نساء المسلمين من كل شر

[haneen2006]

المشاركة الأصلية كتبت بواسطة الوعد قدام ياااااااااااااااااااااارب احفظنا ........... الله يستر والله ذكرتوني بجارة لأختي جتها وحدة وهي بالسوق وقالت لها هلا والله تقول مااعرفها وتخز عينها بعيني ...تقول وماانتبهت الا وشنطتي فاضيه من الفلوس اللي كانت فيها!! غيبتها شوي حسبي الله عليها ... ومرة خالي جتها وحدة وقالت لها انتي أم الأيتام وتحاول تحط عيونها بعيون مرة خالي وتقول طالعيني ههههه شكلها مبتدئه وتبي تتعلم بمرة خالي تقول مرة خالي ذكرت السالفه والقصه تقول وصديت عنها وانا أرفع صوتي الله يكفيني شرك ....... تقول والله ماقلت هالكلمه الا وهي تركض ركض لباب المحل ....... بسم الله والله لو انا كان طالعتها ودعيت لها بعد على نياتي وش عرفني بسوالفهم ... مشكوره حنونه ع التنبيه .

لاحول ولاقوة الابالله ,,والله ياختي ان اجد المال بسيط لو اخذ ويعوض بعون الله
لكن المصيبه لو انهم اخذوا الفتيات وعلى قولتك دائم يذكروا كلمه ركز في عيني السر في العيون كفانا الله وكفاكم فيهم يارب والحمد لله على سلامه زوجه خالك ياغاليه

[haneen2006]

المشاركة الأصلية كتبت بواسطة فسرو لي لو سمحتو يومّـــــــــــــــــــــــــــــــــــــــــــه

فسروا لي بسم الله عليك عيوني ولاتخافي انا ذكرت لكم هالموقف عشان تدعوا دعاء دخول السوق ووتتحصنوا فهناك ناس قاسيه قلوبهم