[سيلينا]

بسم الله الرحمن الرحيم

السلام عليكم ورحمة الله وبركاته

الاخ شايل همي بروحي سترك الله يوم الموقف العظيم ((اللهم امين ولامة محمد عليه الصلاة والسلام))

لاتجعل الشيطان يدخل اكثربوسوسته في قلبك هنيئا لك على كظم الغيظ وسترك عليها

الله غفور رحيم ويستر على امته لك الاجر والثواب سامح اخوي الله يجزيك الخير ولاتتركها انت الي عايش

معها وشايف انها تابت وهي الحين حامل الله يسامحها ويتوب عليها وانت الله يصبرك وينسيك الي صار بولادة

ابنك وافتح صفحه جديده معها والله يمكن تطلع احسن من غيرها ,وصدق اخوي ان الي صار لحكمه من الله

سبحانه لتوبة هذه الانسانه وامتحان لك والله اني ادعيلك وادعو لزوجتك الله يحنن قلوبكم على بعض

[أحساس شاعر]

يا شايل همي لحالي لاتقول لأهلك السالفه نهائي انسى الموضوع وترى الي عندك خير من ربك ياما حريم يخونون والزوج ما يدري والبنت مسكينه كانت فترة مراهقه وراحت وألحين تشوف الديا بعيونك وانت كل حياتها وبعدين هذيك كانت اول مكالمه من سنين والبنت مو مرتبه للمكالمه لانها تكلمت وانت بالبيت ولو هي مرتبه للمكالمه كان انتظرت خروجك أحمد الله انك أخذت أجر هدايتها على يدك ولا تهملها حرااام ما تستاهل منك هالقسوه تراها على نياتها دامها حكت لك كل شي كانت تسويه واذا متضايق مره روح لطبيب نفسي عشان ترتاح مو عيب والله ييسر لك امورك بس لالالالالالالالالاتدخل أهلك بخصوصياتكم ابدا والله يوفقكم مع بعض

[حلمي الوحيد]

ان لله وانا الية راجعون استر عليها اواطلق اذا كان عافتها النفس وهذة للعضة والعبرة ومن دق باب الناس دقو ابابه ومن يزنى يزنى ولو بجدارة

[جهير37]

السلام عليكم ورحمة الله وبركاته

أخوي شايل همي نسخت مشكلتك وأعطيتها أخصائيه نفسيه .
قالت لازم يروح لإخصائي نفسي .

وذكرت لي دكتور عندكم في الجنوب واسمه

د/ ماهر العربي

لاتنسوني من دعواتكم والاخصائيه .

اللهم فرج همكم وهم المهمومين .

[ختام المسك]

أخوي اريد أن أشكرك على أخلاقك الرفيعه لسترك عليها ورحمتك بها
ثانيا نحن البشر قساة لا نعفو أبدا ولا ننسى من تاب تاب الله عليه لماذا نحن لا نسامح
أرجو منك أخي الكريم أن تكثف الدعاء أن يعيد الله الوفاق بينكم والثقه والموده وان يجعلها ستر لك وان تكون ستر لها
وفقك الله

[شايل همي لحالي]

طهر الطفولة
والله أبغى أسامح بس الصدمة واحساسي بإن الخيانة كانت متعددة وحتى بعد الزواج تاعبتني ..
الله يجزيك ِ كل الخير والله يقبل دعاك ِ ..
----------------------
جوهرة ثمينة
الله يجزيك ِ الخير
كتبت موضوع بقسم الشكاوي ولكن ما في أي رد ..
إن شاء الله ببحث عن طريق 905 ..
كل الشكر والتقدير على كل شيء والله يعطيك ِ على قد نيتك ..
------------
سيلينا
الله يجزيك ِ كل الخير
أختي أنا ذكرت في رد إن ولدي توفى مباشرة بعد الولادة والحمد لله الذي لا يحمد على مكروه سواه ..
والله إني أبغى أسامحها بس نفسياً تعبااااان
-----------
أحساس شاعر
كل ما شفت لوم أهلي أكتم وأحاول أستر بس والله اللوم كبير بالذات لما يقولوا أنت ما فيك خير وتلعب ببنت الناس وتحسب البنت أو أهلها لعبة بيدك وغلطنا لما خليناك تتزوج !!
تتوقعي لما أسمع هذا الكلام وغيره أيش يكون شعوري وأنا أحس بداخلي إني بموت من القهر من تصرفها وفوق كذا أهلي واقفين معها لأنهم ما يدروا عن شي !
اللي يصبرني والله يجزيك ِ الخير على مساعدتك ومشورتك ..
---------------
جوهرة ثمينة
فعلاً محتاج دكتور نفسي لأني فعلا ً مقتنع اللي صار مستحيل يكون خروجه بدون مساعدة ..
بإذن الله أدور على عنوان الدكتور / ماهر العربي وأوصل له بأي طريقة ..
الله يعطيك ِ العافية والله يجزيك ِ الخير ووالله أدعي لك بآخر الليل إن الله يحقق مرادك لمساعدتك ومساهمتك لحل المشكلة ..
--------------
ختام المسك
اللهم آمين والله يجزيك ِ الخير على نصيحتك الغالية ..

[تاجي اولادي]

انت زوج فاظل وهي كذالك انت لانك سترت عليها وارجعتها لبيتك مرة اخرى لكنك مخطئ في معاملتك معها فهذا يجعلها تعود لما كانت عليه لانك حرمتها من كلامك المعسول وحنانك وعفوك بعد ان من الله عليها بالهدايه ولا تنسى انها في سن مراهقه وانا اقول تذكر نفسك في سنها اكنت ملاك
كل ابن ادم خطا وخير الخطاين التوابين
وهي فاظله انها عرفت خطاها واعترفت لك وتابت قبل هذا كله انسى ماحدث ارجوك ولاتذلها وتحقرها فقد قال رسولنا الكريم الذي لاينطق عن الهوى ( رفقا بالقوارير ) ولاتنسى انها تحمل طفلا سيحمل اسمك انت فلا تفضح امه فتفتضح انت ويبقى هو حامل لهذه الفضيحه وانا والله اظن فيك الخير فستمر ولا تلتفت لشيطان الذي يريد التفرقه بينكما وهي فيها خير كثير ولا لما بقيت معك وتزوجت من يحبها ويعطيها ماتمنت لكنها احبتك انت واختارك انت ولا تريد غيرك
كن عونا لها حتى تبقى عونا لك واسال الله الكريم ان يؤلف بين قلوبكم ويسعدكما معا وطفلكم القادم

[أم صفاء]

برأيي أن حالتك ما تستدعي طبيب نفساني بل إستشاري إجتماعي
لأن اللي تمر فيه طبيعي جدا من خوف وتوتر وشك وعدم توافق بينك وبينها
وبالعكس أرى أنك اذا تحملت وصبرت تزيد المأساة ما تقل لان السبب ما تعالج
هي غلطت وخانتك لازم تتحمل غلطتها وكونك عفتها وأبتعدت عاطفيا عنها هذا بحد ذاته
عقاب لها لكن أنا من راي أختنا أم البراء أنك تبعد عنها كل اجهزة الاتصال وتعاملها بشدة.
وزواج الثاني أشوفه حل علشان تهدأ نفسيتك لان الشيطان شاطر ويمكن تزل وتخطئ
في حق ربك فاذا شفت أنك عفتها وما تبي تطلقها وتبي ترحمها عندك حل هو الزواج الثاني
وفرصه علشان تعرف مدى توبتها وأخلاقها إن كان زواجك الثاني راح يخليها تخون الطلاق يكون
الحل وتنتهي من هذه المسأله وإن كانت شاريتك وتبي رضاك راح تتحمل وتصبر
والله يسهل دربك ويصبرك ويصبرها

[شايل همي لحالي]

تاجي أولادي
معاملتي لها مو بيدي ، هذا احساس داخلي أتصرف على أساسه ، يعني الدلع والحنان ما أقدر أتصنعه وأنا داخلياً مجروح وتعبان ..
وبالنسبة للطفل أنا ذكرت في رد سابق إن الطفل مات والحمد لله الذي لا يحمد على مكروه سواه ..
شكراً لك أختي والله يجزيك ِ الخير
------------
أم صفاء
بالنسبة للأجهزة أنا خليتها معها وبنفس الوقت هي عندها يقين كبير جداً إني اراقب كل اتصالاتها بس حلفت لي إنها مو خايفة لأنها واثقة إنها تابت وما عندها أي مشكلة لو أراقب اتصالاتها أو أي شي ثاني ..
أما القسوة فما أعتقد في أقسى من إني ما أقول لها كلمة وحدة عن الحب أو أدلعها وبالاضافة إني كل فترة أرسلها لأهلها وأهلها يحسوا كأني طردتها لأني عفتها وهذا الاحساس لحاله أدري كيف يسوي فيها لأنها ترجع لأهلها مكسورة وبنفس الوقت تحس إنها ما قدرت تنسيني وهذا يتعبها أكثر قدام أهلها لأنها أهلها يقولوا لها إنتي اللي حطيتي نفسك بهذا الموقف ..
أما الزواج الثاني فهذي خطوة تحتاج لدراسة لأسباب كثيرة منها مثلا إنها قالت لو تبغى تتزوج مرة ثانية طلقني قبل الزواج ما برضى أكون على ذمتك وفي وحدة ثانية بذمتك وبنفس الوقت أنا نفسيا أحس صعب أسوي الخطوتين بهذي الفترة أحس في شتات داخلي وما أبغى أظلم الزوجة الجديدة بسبب الحالة النفسية اللي دخلت فيها ، لكن خطوة الزوجة الثانية تعتبر حل من الحلول ما بغفل عنه لو حسيت إنه الأفضل ..
ألف شكر لمشاركتك ومساعدتك والله يعطيك ِ العافية

[لمار الشرقي]

الله يكون في عونك بجد حاسة فيك صدقني اخي في الله استخير في امرهاااااااااااااااا واخذ عمرة وادع ربك عند باب الكعبه الدعوة لاترد عند الكعبه
ثانيااااااا انا لااحث على الطلاق ولا احب انصح احد فيه بس صدقني بمعاملتك لك بهذا الاسلوب يخليها تغلط بعد كذا لان المرأة عاطفيه وتحب الكلام المعسول فكيف تكون محرومة منه
المرأة تصبر سنة الى خمس سنين والله ماتسكت لو ايش وانا اخاف في تلك الفترة يكون بينكم اطفال ويصبحو ضحاااااااااااااااااااااااااااااااااااااااااااااااا اااااااااااااااايا للطلاق والشتات حرااااااااام والله
اختصر الطريق ياتسامح وتعطيها حقوقه الزوجيه كامله من محبه وتوود
او كلا له طريق
وبذلك تنتهي الدوامة المؤلمة