[نورقباء]

مادريـت أن البحـر ماقـال لأمـواجـه تــروّي !
و مادريت أن الغـرق هـو حجّـة غيـاب السفينـة

مادريت .. أو مابغيت أدري .. ولاأدري وش بسوّي
لو رجعت .. وشفت طيفك فـي الممـرات الحزينـة

وين ابنسى وانت طيفـك صاحبـي مـدري عـدوي
مارضى يتـرك لغيـره شبـر واحـد فـي المدينـة

[حامد نوار]

يتابع ( الشاشة ) ولا يضيق سآعات
وإن جاء يصلي ربع ساعة ، ( تضايق )

في عينه الدنيا . . حياة / وملذات
ليته درى ، وش تنفعه هـ الدقايق

[حامد نوار]

العقل سيرني على طيب الافعال
والوقت يجعلني حبيس اختيارين

اما رجل واعيش وان مت رجال
والا انكسر مثل انكسار السلاطين

[حامد نوار]

الله خلق لي نفس تسمو عن البوح ..
.. .. ماهيب لا ضاقت من الهم بـآحت

بعض الجروح تجيلك اشوي وتروح ..
.. .. وبعض الجروح إن جات ماعاد راحت

[نورقباء]

يامشفي ايوب النبي بعد حيني *** الرعد يسجد لك وبرق المخيله

ياشافي اقلوب البشر يامبيني *** يا واحداً كل الملا ينتحيله

تسأل باسماك عزيز ومكيني *** ندعوك يالله بالصفات الجليله

اسالك ياشافي تشافي خديني *** تجعل لباس العافيه له ضليله

اقولها اشهق وليه خنيني *** يارب تشفي صاحبي من عليله

[حامد نوار]

​​بعض الآوادم تعزک وانت ما تدري
وبعض الآوادم خسارھ يوم تعرفھا
أحفظ معزھ خوين حافظن قدري
واترک معزھ ردي الساس وجحدھا

[حامد نوار]

الناس لـ الناس .. يوم الناس كانوا نظاف
واليوم .. عقب إختلاف الوقت ( محدٍ لـ أحد )



ماهوب بس القوي يجحد .. حقوق الضعاف ؟
اليوم .. حتى : الضعيف .. إليا تقوّى ( جحد ) !

[حامد نوار]

سكه طويله والبراري قفـــــــــار
والدار تشكي من جفا الـــــــزوار
والليل عتمه والاماني قصـــــــار
يا معين اللي عينه ماتنــــــــــــام
سكه طويله ..

السهل قبه والساحل مطـــــــــــر
والمدينه ناس والمينه خطــــــــر
كتبت لك ديوان نثـــر وشعـــــــر
مافادني خطي ولا فاد الكـــــــلام
يا معين اللي عينه ماتنــــــــــــام
سكه طويله ..

خضروا عودي يبسه النـــــــــدم
والبسوني النور من ثوب الوهـم
ما يجي مني غير طيب وســـــــم
يا ولس وقتي احباب الكتـــــــــام
يا معين اللي عينه ماتنــــــــــــام
سكة طويلة

[نورقباء]

لا تشتكي للناس لوكنت مطعون
والذم من بعض الخلايق مديحه..

ولا تنحني للهم وتعيش مغبون
ترا المريح اهل العقول الصحيحه..

لاصرت صادق قالوا الناس مجنون
مايمدحون الا النفوس القبيحه..

[نورقباء]

الوداع اللي مـــلا عيني دموع
........................مارحمني من مشاريه الغرام
.............*******
يوم قفوا وإنتصف عصر الربوع
..........................نابت العبرة عن حروف الكلام ..
.............******
ليتهم كبّوا معي زين الطبوع
...........................اللي ما بدّل عباته باللثام
.............