[تخيل احبك]

اليوم لك ثاني مع راحة البال
وأنا بعد همي له اليوم ثاني..


اليوم تاركني أناظر بالأطلال
صورة ,, رساله ,, حلم ,, جرح وأماني ..


ليلي قضيته بين همٍ وغربال
وأقول في نفسي حبيبي نساني ..


غنيت أنا عقبك من الضيق موال
يومك تسمع للطرب والأغاني..


لي دمعةٍ من فوق الأوجان تختال
يومك تلاعب مترفات المباني..


وبي عبرة منها المخاليق تهتال
ياعبرتي لاتفضحيني عشاني ..


ياعبرتي خلي لك الصدر منزال
لاهوب بك داري ولا هوب عاني ..


مشغول له في ترفة حالها حال
ماهوب فاضي لعبرتي أو جناني ..


في يوم واحد نسته كل اللآمال
وش عاد لو يدري بشوق غشاني ..


ماهوب مثل أول هذاك الغلا زال
عزاه كيف الود زال بثواني ..


أربع سنينٍ طوال ياكيف تنزال
وتحط في قلبك أحد مكاني !!.


ماكنت اظنك تجحد الود لاطال
اثرك على طريف وتبيني أعاني ..


قد قالوا إن البعد والصد قتال
وأنا اشهد انه علة بالمحاني ..


يومي أشوفك لابس بشت وعقال
والشارب الأسود وزول سباني ..


وعروستك من الحيا ترخي الشال
وترسل لها بسمةٍ تزيد امتحاني ..


دمعي بلا علمي على وجنتي سال
اشتقتلك ليتك تحس بحناني ..


ليتك تشوف الحال يامتلف الحال
بس التفت لي شوف شالله بلاني ..


نصيتها تضحك لها لاهيٍ سال
وأقول ياليته حبيبي نصاني ..


الله يادنيا التعاسه والأهوال
الله يستر وش يخبي زماني ..


غلطانه اللي تعشق اليوم رجال
مهما حلف بالود يبقى أناني..


وقلب الرجال مابه من الحب مثقال
والبنت ترفه قلبها مايداني ..


حاولت أعبر والقلم في يدي مال
من هول مابي انعقد بي لساني ..

[حين تجف الدموع]

قلي على الله وابتعد عنك وارتــــاح.
...قلي على الله بس من غير تــــــجريح
من شب نار الشوق ياشوق ماصاح.
...واللي وطاها يشرح الجيب ويصــــيح
لولا الغلا ماهـــــانت النفس ياصاح
....محبتي لك ماوراها مصــــــــــــــاليح
وشلون تنسى يالغضي كل مـــاراح
....مركب غرمك سـار مع وجهت الريح
القلـــب في يمينك ياعزوتي طـــاح.
...حنا على شط الرجاء بك مــــجـــاريح
جرحتنـــــي واحسبك للقلب جــراح.
...اشوف بعــــــيونك على الصد تلــميح

[حامد نوار]

اللي يمنّ بـ جميله .. عقب مآيعطي ..!
مثل المطر ، في البحر مآيترك عذوبة ..!!

والكلمة الصـآدقة .. لو تجرح المخطي ..!
آحسن من الكذبة اللي تستر عيوبه .!!

[حامد نوار]

الصبر عن بوح الاحاسيس قتّال
والبوح في بعض المواقف فشيله ..
لو كل مايطري على البال ينقال
ماكنت أحس أن الثقيله .. ثقيله ..

[حين تجف الدموع]

يا صاحبي ما فادنا كثر الاحلام ..... واللي بخاطرنا عجزنا نقوله

ماتت امانينا على كف الأيام ..... وحكم القدر فارض علينا ميوله

نمشي ورى والوقت يمشي لقدام ..... ضعنا وضيعنا كلامـ نقوله

تعبيرنا ماضمته روس الاقلام ..... تكسرت كل الحروف بسهوله

طيف السهر في نظرة العاطفه حام .... يرمي شباكه للعيون الخجوله

نسهر وتسهرنا مقادير الأعوام .... ودروينا متفرقه ومعزوله

العمر ولى والبخت طاح ما قام ..... والحظ وقف والليالي عجوله

تصبح على هم ونمسي على أوهام ..... وظيم الدهر بالدرب نوخ ذلوله

احلام عشنا وافترقنا بالاحلام .... نحلم ونحلم من زمان الطفولـــــه

[اميره في حياه اميري]

يا ليل خبرني عن أمر المعاناة*
هي من صميم الذات ولا أجنبية*
هي هاجس ن يسهر عيوني ولا بات*
أو خفقتن تجمح ابقلبي عصية
**
أو صرختن تمردت فوق الأصوات أو ونتن وسط الضماير خفية
أو عبرتن تعلقت بين نظرات
أو الدموع اللي تسابق همية
**
ياليل خبرني عن أمر المعاناة
**
أعاني الساعة وأعاني مسافات وأعاني رياح الزمان العتية*
وأصور المعاناتي أحروف وأبيات يلقى بها راعي الوله جاذبية
***
ياليل خبرني عن أمر المعاناة
**

ولاني بندمانن على كل ما فات أخذت من حلو الزمان ورديه
هاذي حياتي عشتها كيف ما جات
آخذ من أيامي وأرد العطيّة
**

[حامد نوار]

الأدمي ، مآ يرفعه غير :عقله. .
و يبآن قدره من : ( كلامٍ يقوله ) ،
الكل يمشي حسب [ ذوقه و أصله ] . .
والشخص يظهر معدنه من : فعوله !

[حامد نوار]

عَلَّمني الوَقت كيف آقسَى عَلَى عمري
و " الله يرحَم " من آهدآني عذآريبي
آدري إن كلِّي عيوب و طيبتي عذري
و آكبَر عيوبي مع العآلَم : كثر طيبي

[حامد نوار]

النفس كرّمها كرم حاتم الطيّ
لو تحرمك في وقت بعض العلاقات
والآدمي دون الكرامه ما هو حيّ
لو كان ماهو ميّتٍ ضمن الاموات
ولو ساومك وقتك على بيعها عيّ
خسارتك قدّام نفسك خسارات
ومن لايشوفك شي شوفه ولا شي
واقرا عليه الفاتحه والتحيات

[حين تجف الدموع]

سلام يالصاحب يالي بالبال طاريك ** زولك ماغاب عن خيالي دقيقه

اسهر الليالي المظلمات اهوجس فيك ** اصبرواصابروارتجي قول الحقيقه

ودقات قلبي ترتبك لاجبت طاريك ** من حبي لك روحي لمصاحبك شفيقه

ولامريت بجنبي اطالع واقز فيك ** واقول خلو الذيب يمشي بطرقه

بوصفلك ملامحك واقول فيك ** بقول قول الصدق وقول الحقيقه

عيونك مثل عيون المها الحريك ** ومشيتك كنها مشيت الخيول الطليقه

في شكلك كشخه ولاتلومني فيك ** ترى القلب تعب والنفس رقيقه

ارجوك قلي كلمه ترد من يحتريك ** ترى حبك ولع بقلبي حريقه

يابو ( )ابغى اكلمك واحاكيك ** بقولك كلام مدفون بالبحور العميقه

واقولك ابطلب منك حبك وارتجيك ** ترى القلب تعب من انتظار رفيقه