[الدكتور فهد بن سعود العصيمي]

لمن سأقول: يوه، يمه، الأميرة ؟ هذا الباب للجنة، الذي بوفاتها أغلق ولكن بقي لنا بابا آخر، أسأل الله أن يبارك لنا فيه وفي عمره على عمل صالح، إلى الكل أهدي الأبيات التالية ، ولا أراهم الله حزنا في عزيز لديهم ، ومن الآن سأسمي بنتي شوق يمه!!، حتى لا أحرم من هذه الكلمة ، واسمعوا مني وادعوا لوالدتي :

البارحة جتني هجوسي مسايير============== واستنكرت وش جاب خاله وعمه ؟
قلت القضا ما فيه والله تخيير================= هذا قضا ربي ولايجوز أذمه !
قالت فهمت القصد لا تزيد تفسير============ يا الله مشينا نروح ها لحين لمه
وش جاب كل الناس وش ها لطوابير؟============ جينا نعرف بقصته عند فمه !
بالحج في يوم الأحد راحت عصير=========== والظهر أنا بالمغسلة كنت أخمه
كل إلى خمك ترا القصد تقدير============= إلا القبر يا شين خمه وضمه
يا باب للجنة تسكرت تسكير============ يا مسك يا ريحان والكل شمه
وشلون أنطق يوه عقب التدابير؟============ هذا السؤال وهذي أكبر مطمه
وتبينت في خاطري بعد تفكير =========== واحبابنا قالوا على طول تمه !!
يا شوق ما اسمك شوق ودي بتغيير============= يا شوق سميناك هالحين يمه
هاذي تراها كلمة طعمها غير================ هذي تراها الكلمة اللي مهمة

ابنك : فهد بن سعود العصيمي، ويهديها إلى إخوانه وأخواته وذرياتهم .

o الرياض الخميس, 21 ذو الحجة, 1424