[دحمي]

هههههههههههههه
رائع يا بو دحيم




هلا والله بفنانا الشكيلي




تصدق عجزت وانا ادور في شخابيطك ادور التشكيله الي تشكل بها وما لقيتها وينك داسها فيه


والا شكلها تشكيله اقلام خشب الي كل ما تلون بها تنكسر وترجع تبري القلم بالبرايه



]

[دحمي]

احداث الحلقه السابقه


شهر عسل ناقص بس ما بعد العسر الا اليسر

















وبعد ما صحصح العريس من الروعه الي جته وهو نايم (ياغافلين لكم الله) وعرف وش السالفه وانه ما صار عندهم زلزال (وانا اتخيل شكله متلفلف في المفرش وما طلع منه الا خشمه عشان يتنفس ومن قوه سحب المفرش شكل رقبته لفت ويمكن ان المفرش فيه خيط جاي غلط وكان ملتف على اذنه وجرحه عاد انتم تخيلو المنظر).

بعد محاولات من المعرس انها تخلي الروحه بعد العصر الان صارت الساعه حول 11 صباحا وما يمديهم على السوق اذان الظهر قريب وافقت العروس انهم يخلون الروحه بعد صلاة العصر .


شكل العروس حست انها مسويه شي غلط ......










ما كان منها والا نقزت وراحت للمطبخ تسوي القهوه والفطور , جلس عريس الغفله مع نفسه يسولف مثله مثل غيره من الرجاجيل يفكر ويخطط(خطر على باله خاطر )وقام من مكانه وراح لدولاب الملابس وفتحه وشاف شي خلى عيونه توصل عند ركيباته من المفاجأة كل الدولاب مليان ملابس جديده توها بقراطيسها وعليها ذيك مدري وش اسمها (قطعه روق مقوى مطبوع عليه المقاس والدوله المصنعه )(عاد انتم اخبر) وفتح الدرفه الثانيه ولقى اكياس ملابس (؟؟؟؟؟؟؟؟؟؟) قام وفتح كم شنطه كانت محطوطه فوق الدولاب ولقى مثل الباقي مليانه ملابس قال وهو يكلم نفسه مهبوله ذي والا وش فيها كل هالخلاقين (الملابس)وتبي تروح للسوق يالله يارب العالمين لاتسخط علينا .







قام الرجال وهو معصب (ياهيه وين انتي تعالي ) وقام يصارخ(؟؟؟؟؟؟؟؟)









وشو














وشو













جت تركض وش فيك عسى ماشر قام وفتح لها الا شياء الي فتحها من قبل الدولاب والاكياس والشناط وقال وش ذولي علميني !!!!!!!!!!!!!







قالت بسم الله عليك روعتني احسب صاير لك شي والا ماسكك الكهرب اثاري ما عندك سالفه (المعرس باقي شوي ويطق في راسه عرق )


قال طيب الحين وشو له نروح نشتري وعندك كل ذولي بس مصاريف على الفاضي .............

(يابرودها هالحرمه)

قالت وهي تصك باب الدولاب وترجع الشناط مكانها والله انك قروي وش يدريك عن الحريم وعلومهم (دردعه)المعرس استغرب ردها وقال في نفسه وش السالفه اخاف ان فيه شي وانا ما ادري عنه؟










قال لها وشو علميني .!!!!!!!!!!!!!!!!!!!!!!!!!!1









وشو وشو وشو








قالت له يابن الحلال



هدوم الاستراحه غير وهدوم العزايم غير وهدوم السهرات غير وغيره الخ الخ............











المهم المعرس(الخبل) كنه صدق كلامها .












قام افطر وصلاة الضحى وقعد عند التفلزيون وسولف مع بعض من اخوانه في التلفون .

وبعد صلاة العصر قام لبس ثوبه وطق الشماغ وقال لها يالله مشينا اله يعينا على الزحمات ومواقف السيارات.












وبعد نصف ساعه وهو واقف يالله ياحرمه تاخرنا وش تنتظرين بسرعه ,
































وشاف مفاجاءة ما خطرت له عى بال شوي وتطق الدمعه من عينه من القهر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟





















وش هذا يا بنت وش الي انتي مسويته !!!!!!!!!!!!!!!!!!


















وشو






















وشو























وشو





قالت العروس وش فيك وشو سلامات ؟؟؟؟؟؟؟؟

























وطنق































طنق

























نكمل البقيه ان شاء الله في الحلقه القادمه من يوميات




خذ وخل












عاد هالمره منيب قايل لكم شي عن الاحداث القادمه خلوها تجي بالبركه








ط











ن








ق






ط






ن







ق



















ولسالفه تكمله غدا ان شاء الله

[****وسن****]

دحميييييييييي وش ذا قاعد تنقط علينا بالقطارة ...
يعطيك الف عافية ع القصة المشوقة وننتظر البقية... بس لا تتاخر علينا ..

تحياتي..
****وسن****

[&فرح&]

طنق طنق

عاد لا تتتاخر علينا بالحلقة القادمة

من يوميات خذوخل

بس هالاسم ما ادري وين سامعته فيه وين وين؟؟؟؟؟؟

[صيته]

هههههههههههههه

دحيم الله يوووفقك حمستنااا بنشوووف وش بعد سلاااماااات وش صاااير لهم تكفى بسررعة لاهنت بنشوووف النهاايه وش تسير عليه


الله يعطيك العااااااااااااافية مااقصرت تسلم والله

[دحمي]

المشاركة الأصلية كتبت بواسطة ****وسن**** دحميييييييييي وش ذا قاعد تنقط علينا بالقطارة ... يعطيك الف عافية ع القصة المشوقة وننتظر البقية... بس لا تتاخر علينا .. تحياتي.. ****وسن****

خلاص خيتي اليوم راح تكون الحلقه الاخيره والباقي عليكم عاد لاتخلون الموضوع وخلونا نشوف مخيلتكم في الروايه .



شكرا لمتابعتك

جزاك الله خير .

[دحمي]

المشاركة الأصلية كتبت بواسطة &فرح& طنق طنق عاد لا تتتاخر علينا بالحلقة القادمة من يوميات خذوخل بس هالاسم ما ادري وين سامعته فيه وين وين؟؟؟؟؟؟

فرح عن الفضايح لاتعلمين وينك سامعه اسم الموضوع خذ وخل (مارح اقولهم انا انه من كوميديا سعوديه تعرض في التلفزيون)


مطلوب منكم انكم تتفضلون وتكتبون مثل هالموضوع او قصه صغيره .



شكرا جزيلا للمتابعه .




جزاك الله خير.

[دحمي]

المشاركة الأصلية كتبت بواسطة صيته هههههههههههههه دحيم الله يوووفقك حمستنااا بنشوووف وش بعد سلاااماااات وش صاااير لهم تكفى بسررعة لاهنت بنشوووف النهاايه وش تسير عليه الله يعطيك العااااااااااااافية مااقصرت تسلم والله

انا ما سويت شي صت صت (حمستنا .الي اعرفه ما يحمس الا القهوه) خلاص اليوم المعرس رايح فيها ومتوهق بهالعرس .


مشكوره على المتابعه

[دحمي]

العريس تفاجاء بشوفة زوجته ومنظرها ؟؟؟؟؟؟؟؟

العروس خافت وهي ما تدري وش يقصد وصارت تتلفت يمين ويسار تنظر وراها تبي تعرف وش يقصد وما عرفت وما صار من العروس الا نقزت مسرعه لغرفتها !!!!!!!!!! وجلست قدام المرايه ؟؟؟؟ وش فيه هالرجال وشو شايف وش فيني غلط صارت تدقق في شكلها !!!!!!!!!! طالعت وجهها يمكن فيه شي حبوب والا فيه شي سايح على وجهها !!!!!!!!!!!!!!!!! وقفت على حيلها تتفقد ملابسها !!!!!!!!!!!!!



ما اقتنعت راحت ووقفت عند الدولاب (مرايه الدولاب طويله) وصارت تدور على نفسها تبي تعرف وش هالمعرس شايف ووش يقصد ؟؟؟؟؟؟؟؟ (اشغلها في نفسها ) عاد العروس قعدت حول ساعه الا ربع وهي تدقق في شكلها وما لقت شي غريب !!!!!!!!







رجعت للمعرس ولقته واقف مكانه ما تحرك . وقالت له وش فيك خير !!!! اشغلتني في نفسي وما لقيت شي ؟؟؟؟؟ وش انت شايف علمني ؟ تراك بديت تعصبني وما فيني صبر علمني (العروس نست السوق ونست كل شي وراها تبي تعرف وش يقصد هالمعرس)؟ ما ابي اطول عليكم خلاص . قام المعرس من مكانه وقالها وش هالخرابيط الي انتي حاطتها ؟ قالت العروس وش تقصد ! شكت العروس في نفسها مره ثانيه وراحت للغرفه ولقت كل شي تمام . ووش هالزين كلها انتي بتروحين للسوق والا معزومه في زواج ! قالها هالمزرعه الي فوق عيونك (الظل الي حاطته على عيونها,والكحل ) ووشو هالبويه الي مصبغتها ,ووين الغطوه ما اشوفها(ناوية تدق اللثام) والخ الخ الخ .....!!!!!!!








قالت وش فيه تبيني اطلع من البيت وانا ما تزينت وش تبي يقول عني الناس! قالت انتي رايحه للسوق من بيعرفك هناك ! قالت انا ما اطلع من بيتي الا وانا كامله مكمل(الكامل وجهه سبحانه وتعالى). قالت تعوذي من ابليس وروحي غيري ملابسك و هالبويه الي انتي حاطتها . وماصار من العروس والا وتغيرت 190درجه وصار وجهها احمر وعصبت , وقالت للرجال اقووووووووووول لاتكثر كلام . انا اسكت عن كل شي الا اني ما اسمح لاحد يتدخل في شخصيتي ويمشيني على كيفه . قالها يعني وش لون ؟ قالت انا كذا ما احب احد يتدخل فيني . قالها ما فهمت ؟ قالت شف انا ما اسمح لك تتدخل فيني او في طريقه لبسي او انك تفرض على شي انا ما ابيه . وما لك شغل في هدومي او متى البسها (كلش الا ولبسي ما لك دخل).





قام المعرس وقالها اجل ما فيه روحه ,للسوق. قالت له ليه يعني ؟ قال الي يشوفك بيقول هذي تستعرض ما راحت تتسوق ! قالت يالله بس خل عنك كثر البربره وقم مشينا.



قالها طيب بس عطيني شوي وقت وارجع لك . قالت يالله بسرعه.





قام الرجال ودخل الغرفه وطلع كيس كان حاطه تحت السرير من زمان (كان ناسيه ),وطلع منه ثوب غريب منظره كله بقع زيت وعليه من التراب الظاهر طن ووالشماغ بعد ملفوف بطرقه ما خلت عليه اي دليل انه قد انغسل او مر عليه (مكوى او انه قد راح لمغسله متعفط كنه كان مخزن في فم بقره وضروسه راحه جايه عليه), ولبسهم وطلع لها . قال لها يالله مشينا .بسرعه لانتاخر قبل لا يآذن المغرب.





قالت وش فيك وش هاللبس انهبلت انت ,












قم وخل عنك المزح الشين وغير ملابسك والبس زين ولاتنسى تتعطر . قال اقوووووووووووووووووووووووووووووووول لاتكثيرن الكلام انا حر في لبسي ومااحب احد يتدخل فيني او اني اسمح لاي شخص مهما كان قربه مني يتدخل فيني .






قامت االعروس وعصبت وتخانقت معه وهو كنه ما يسمعها وش تقول صارت تبكي وتدعي عليه (ايه ناوي يفشلني الله يفشله .بيفضحني ).


























وجلست لحالها تفكر وتراجع نفسها , وقالت في نفسها وين الخطاء وليه هو سوى كذا ؟ وبعد شوي طلعت عليه من الغرفه وهي مغيره كامل ملابسها . وممسحه الالشخابيط الي حاطتها كلها في وجهها. وقالت يالله نمشي , الرجال شافها وشاف لبسها ووقام وغير ملابسه هو بعد .



وطلعو للسوق وجابو الي هم يبونه ورجعو ,







وفي البيت قالت له ليه سويت كذا .وش قصدك !
























قالها (العند) عمره ما غير شي على العكس يجيب المشاكل ويكبرها وما فيه احد مستفيد منه .

ولو طولت وانا اتعاند معك ما راح نوصل لحل على العكس بيكون فيه حزازيه بيننا على بعض.

وانت رايحه للسوق عشان تتسوقين ومنتي رايحه تستعرضين حالك وتفتنين او تنفتنين .اللبس في مثل هالاماكن لازم يكون بسيط وغير ملفت للنظر .عشان ما تحطين نفسك في موقع شبهه او مكان غير لائق لك ولي انا بعد. لاني لو شفت شي ما يرضيني ما راح اسكت , وبتدخل وبتكون مشاكل ما لها اول ولا اخر .
ويمكن تتطور الامور وكل واحد مننا يروح في طريقه انا عند اهلي وانتي عند اهلك .وما فيه احد كسبان .




انا ما ابي منك شي غير .............................................. انك تساعديني على اني احافظ على نفسي وانا بعد بساعدك على نفسك .


والستر زين الله يستر عليك وعلى كل مسلم .












وقصدي يا اخوتي من روايتي لهذه القصه هو ان الاسراف حذر من الله ورسوله اللهم صلي وسلم على نبيك محمد.

وكذلك التستر والبعد عن كل ماهو ملفت للنظر .


ومعالجت الامور برويه وعدم الاستعجال في اتخذ القرار ,مثل ما سوي خوينا المعرس عالج الموضوع بطريقه سهله وسلسه .وترك الخيار للعروس في مراجعه النفس .





ارجو اني ما اكون طولت عليكم وفي كثر البربره .






شكرا لمن ساهم معي بمشاركته لموضوعي وكذلك لمن تفضل بقوته وقراء الموضوع .










اللهم اعني على نفسي وتقويمها على طريق الحق بفضلك وكرمك ياآرحم الراحمين






















وطنق طنق

[&فرح&]

يسلموووووووووووووووووو دحمي

والله قصة من جد مو معقول خيال خصب الله يبارك لك

بس ياليت اقدر اكملها بس بحاول،،،

ننتظر الجديد منك،، دحمي باشا،،،

طنق طنق‘‘‘‘‘‘‘‘‘‘