[ناضجه بفكري]

أسالك بالله الي تقوله صحيح والله كني أقرا قصه خياليه سألتك بالله تقول الصحيح أرجو الرد وشكراً

[لمسة ود]

نصيحه خذها في حضنك حتى لو انت ماتحبه مثل ماقلت وشوي شوي راح تحبه لأنك من اساس تحبه ولا وش الشي الي يخليك متعلق فيه

[شايل همي لحالي]

السلام عليكم ورحمة الله وبركاته

كيف حالكم يالغالين ؟
إن شاء الله الجميع بخير ..
زوجتي حالياً حامل وفي منتصف الشهر الثامن ..
وإن شاء الله بردودي على الأعضاء بيتضح آخر أموري ..

الصابرة........
أولاً ما شاء الله عليك ِ يمكن شخصتي الوضع بشكل كبير ..
بس يا أختي أنا والله ما أذلها باللي سوته وخلاص ما أذكره نهائياً وبنفس الوقت ما أذلها بفقر أهلها بالعكس أنا كنت مريض قبل أسبوع في قلبي وطلعت من البيت وأنا تعبان وحولت لهم مبلغ لأني عرفت إن أختها مريضة وبتسوي عملية ومحتاجه اهتمام ، ولا قلت لها شيء بالعكس اتصلت على أمها وقلت لها هذا واجبي ومالي فضل على أحد ..
أنا نفسياً تغيرت معها كثير يعني الماضي ما أذكره ولا أتكلم فيه بس نفسياً ما في أي كلمة حب وهي بنفسها تكلمني على هذي النقطة بس زمان كنت أقولها انتي اللي تسببتي في الوضع الحالي وأنا ما أقدر أقول أحبك وأنا ما أحس فيها ..
مشكورة أختي ويعطيك ِِ العافية

ابن الشام 65
اللهم آمين .. جزاك الله خير

ام عبودولمو
اللهم آمين والله يجزاك ِ الخير

بسمة سعد
بصراحه أنا أحس مكسور داخلياً بشكل كبير ، وأحس ما أقدر أضحي مرة ثانية وارجع أقول لها أحبك مرة ثانية ، شيء داخلي يحسسني إن اللي صار لي كان صدمة العمر ، أنا ما بجامل نفسي لكن القريب والبعيد يشهد على إني ذكي وافهم كل شي ومثل ما يقولوا وهي طايرة إلا هذا الموقف ما توقعته ولا قدرت أستوعبه نهائياً وأثر على نفسيتي كثير وأتعبني في حياتي كثير ، لدرجة إني أحس لو قلت لها أحبك كأني أهنت نفسي ورضيت باللي سوته زمان ..
مشكورة أختي بسمة على رابط الموضوع وقرأته بالكامل ويعطيك ِ العافية

& نور قباء &
جزاك الله خير على الدعاء
نسخته وبرسله إن شاء الله لكل الموجودين عندي على الواتس أب ..

مدام سم سم
اللهم آمين وجزاك ِ الله خير

عناقيد الحلى
صعب أقول أحبك ولو من ورى قلبي ، المشكلة إني أدري لو قلتها وهي تدري إنها من ورى قلبي بتقول والله تحبني ؟! ، يعني بتحوله لحقيقة وأنا نفسياً مو متقبل أقولها وبصراحه لأني أحس في غدر صار لي وخيانه بطريقة ما توقعتها أبداً ومن انسانه أعتبرتها كل شي بالنسبة لي ..

المتفآآآئله KSA
مشكورة أختي والله يجزيك ِ الخير

ناضجه بفكري
والله يا أختي كل اللي ذكرته صحيح ومن واقع حياة شخص يعاني للان من 3 سنوات ..

لمسة ود
تصدقي إنها تبغى تجي بحضني أقول لها اجلسي هناك ( أأشر لها على أي مكان تكون بعيده عني ) ، أسولف معها عادي وأمزح وأشتري اللي تحتاجه وأوفر كل شي تتمناه لكن نفسياً مو متقبل أي شي فيه حب سواء باللمس أو بالكلام ونهائياً ما أعطيها فرصه على هذي النقطة ولو فتحت الموضوع أسكت أو أقول لها انتي جنيتي على نفسك وعلي ..

[ندووووووو]

السالفه كلها تحتاج تدريب ابدأ اكتبلها كلمات رومانسيه برسائل وبعدين قلها بمكالمه وبعدين وجها لوجه
بس انت خجول او مو متعود ع هالكلمه
وزوجتك اذا طلبتك هالكلمه فهذا شي طبيعي جدا مو مرض ومو تأثير صاحبات
المرض كتم المشاعر
اتمنى لكم التوفيق

[so0ocar]

اخي شايل

اصفح اصفح اصفح

كلنا نخطىء ومن منا لا يعرض للخطأ

كلنا مررنا بتجارب ,كثيرا ما كانت قاسية

الحياة اسهل من ان نعيش فيها ونحن نحمل الم الماضي

اخطأت وانتهت, شيء حصل, ماضي زال
لا تستطيع تغيره ولا هي تستطيع محوه او ازالته

انظر اليها كنفس بشرية كـ انثى

ربنا يغفر فلما لا نسامح ننسى , نبدأ من جديد
ليس لاجلها لكن لقولة تعالى {وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ}

نصيحة / مر وقت طويل لابد انها عرفت غظم الذنب الذي وقعت فيه
اخذت درس واكتفت
الانثى مسكينة اذا انكسرت اشبع حاجتها من جمال حديث ومبسم
فالانثى ليست كالرجل
إسال اي انثى ع هذا الكوكب اي شيء تحتاجين من الرجل
سيتفقن وإن كان قليلا ما يتفقن
ان العاطفة الحب الحنان هو ما تريد

مالفائدة اذا لم اجد عندك ما احتاج اليه ؟!
الزواج سكن ورحمه نعم هو ميثاق غليظ
ومن اهم ركائزه السكن والرحمه

زوجتك نفس تحتاج لعاطفة اذا اخفقت في ملئها لا تقسو عليها
كلنا راحلون وما نحن بهذة الدنيا سوى عابري سبيل

كلنا نخطىء نعم نحتاج للعقاب لكن ايضا نحتاج للعفو والصفح
ونسيان الماضي
فالكريم كريم الطباع يا اخي

اسعدك الله انت وزوجك
ورزقكما الذرية الصالحة

[ســـانـــدي ^_^]

لا املك لك آلا الدعاء
الله يألف بين قلوبكم ويفرجها عليكم
حاول تنسى الماضي عفا الله عما سلف وابدأ حياتك من جديد ..

[malakrouh88]

ان الله عفو كريم
اسأل الله العظيم رب العرش العظيم ان يؤلف بين قلوبكم
الله يسعد قلبك

[SUMYAH]

.
.


سَهلِ الاَمرِ علَيك وَ عليهاَ ..
وَ بخاصهِ انَ طفلِ جايَ لكمِ قَريبِ
كيفَ بتربونهَ سوا وَ كيف بعيشَ وَ يكبر و امهَ وَ ابوهَ بجهه
تراَ هذي تسبب حاله نفسيه للطفل وَ سَلوكَ خاطيَ
وَ شَسَمهِ قريبَ المواضيع الي قبل ..
وان قَبل هيَ فقيرهَ وَ اهلهاَ مرهَ قدِ حالهمِ
ويَمكنَ الخيانهَ وَ كَل هذا عشان فقر اهَلهاِ ..
وهيَ يومَ تزوجتكَ مسَتمرهَ علىَ الي قبلَ منَ لعب
و يمكن ماكانت حاسه بمسؤوليه الزواج الا بعد ماعرفت ..
.
مممَدريَ ان شاء اللهَ وصلت لك قصَديِ ..

[بلاتين]

بصراحه ثلاث سنين ماقدرت تسامح ,,, ماأظن راح تسامحها العمر كله ؟؟ ,, ومعليش على السؤال ؟؟ مو متقبلها وهي حامل في الشهر السادس ؟؟ يعني ثلاث سنين وانت ضاغط على عمرك ومو معطيها وجه (( احيانا تحتاج المرأه للعاطفه أكثر من الماده )) يعني ماتخاف إذا استمريت بهاالمعامله ومالقت من يشبع عاطفتها واحيتاجها ترجع مره ثانيه للغلط وتبرر لنفسها إنك مقصر ,, حتى لو الطفل جا وجاء بعده أخوانه راح يتربون في جو مافيه عاطفه ولا حنان ولاحتى اندماج بين الأب والأم ,, ممكن اللحين تدور رضاك لانك سترت عليها وساعدت اهلها لكن بيجي الوقت اللي بتنفجر فيه ,, مع احترامي لا أنت اللي مريحها ولا مريح نفسك ؟؟

[ليلة قمرة]

بسم الله الرحمن الرحيم
لاحول ولاقوة الابالله,,,,,,,,, يالطيف الله يعينك ماشاءالله عليك شخصيتك قوية وانت انسان كلك خير . هذا الهم لوكان بجبل كان انهد ,,,, نصيحة لا تضحي بسعادتك من اجل ان تستر عليها ,, استر عليها واحسن معاملتها لكن لازم تعيش حياتك مع انسانة تذوق معاها طعم الحب والسعادة ترا الحياة الزوجية جميلة جدا والحب والاطفال يزيد من روعتها. ليه تحرم نفسك هذا الاحساس
بالنسبة لزوجتك هي غلطت وتابت ويمكن عندالله الحين احسن منك لاتقصر معاها وبالمقابل انصحك انك تتزوج في اقرب وقت تختار ذات خلق ودين مشهود لها وتعيش معاها احلى حياة تبوح لها بعواطفك وتتأمنها على بيتك وابنائك لاااااااااااااااااااازم تتصرف الحل هذا هو اللي راح يخليك تنسى الهم الأولي