[اسيرة الماضي]

المشاركة الأصلية كتبت بواسطة أملي رضى ربي يااااااااااارب يامن لا يعجزك شيء في الأرض ولا في السماء .. يامن أنت على كل شيء قدير .. يا أرحم الراحمين .. ورب العالمين .. وأرحم بعبدك من أمه ... ارحم اختنا أسيرة الماضي .. وفرج همها ونفس كربها .. وأسعد قلبها مع الزوج الذي يكون قرة عين لها ***** والله حزنتيني ... لكن بإذن الله تشوفين أيام حلوة .. وتبشرينا بأخبار تفرح ... قرييييب ..اللهم آآآآمين

- تشكرين يا قلبي على الدعوه الطيبه وعلى المرور بعد

[اسيرة الماضي]

تشكرين يا قلبي عالمرور

[اسيرة الماضي]

المشاركة الأصلية كتبت بواسطة ربيع الحلم مدام الموضوع نسائي وخاص بالمطلقات فالافضل انه يكون بقسم حواء جزاك الله كل خير .. ورزقك من كل خير ..

- تشكرين ربيع الحلم عالمرور -بخصوص القسم انا ما اعرف -جان زين الاداره تنقله لي

[من يمسح دمعي]

السلام عليكم ورحمة الله وبركاته
1- صار لج جم مطلقه؟
سنتين
2- تزوج بعدج؟
لا..
.3- رزق بأولاد منها -وأنتي عندج أولاد منه؟
لا..لان لم يتم الزواج
4- شنو سبب طلاقج؟
بسبب ناس مايخافوا الله عملوا سحر لخطيبي تم التفرق بيننا مش عارفه ليش بس الظاهر امتحان من ربي لازم اصبر ...
5- شلون معاملتج معه كانت؟
احكمه عليها اذا تم الزواج ... ولكن لم يتم
6- يصير لج؟
نعم....
7-أخطأتي بحقه أو بحق أهله أثناء فترة الخطوبه او الزواج؟
لا والله كان يحبني واهله وامه كان تحبني لاني والله ماغلط على احد
8-شنو اكثر شي فاقدتها في ؟
كل شي لانه طيب ومتدين
9- بصراحه شنو توجهين له رساااااااااااله من هالمنتدى؟
اتمنى ان الله يشفيه من السحر واقول له انا اعزك واصبر فهذا امتحان من ربي واذا لم يكتب اللقاء
انشاءالله نلتقي بالجنه ونعرف من السبب في هدم حياتنا ...حسبي الله ونعم الوكيل
10- بينكما مكالمات رسائل حاليا يعني بعد الطلاق بصراحه؟
لا ... لا ... لا...لان اضع مخافة الله قبل كل شيئ
11-شنو شعورج لما تشوفين زوجته الجديده وشنو تقيميج لها؟
ما أقول الا الله يوفقك في حياته ....هذا امر الله

12-شنو تتمنين يصير بصراحه؟
......اتمنى ان الله يرزقني بزوج صالح بس شرط ان يكون امام مسجد
13- سؤال حابه تسألين للمطلقات //؟
..... اصبروا فهذا نصيبا" .... ولن ناخذ الا ماكتبها الله لنا ......... والحمدالله

[اسيرة الماضي]

تشكرين من يمسح دمعي عالمرور- والله يرزقج بزوج الكريم الامام اللي يجفف دموعج الغاليه-توضيح انا مكالماتي ورسايلي مع طليقي ما اعتقد انها غلط لاني والحمدلله اعرف حدودي -بعدين امي تدري بهالشيء-وكل اهلي يدرون اننا نحب بعض للحين -انا ما اخبي شي عن ماماي

[توته ام سارة]

شـكــ وبارك الله فيك ـــرا لك ... لك مني أجمل تحية .
سارد على الموضوع بمنتدى حواء

[اسيرة الماضي]

المشاركة الأصلية كتبت بواسطة توته ام سارة شـكــ وبارك الله فيك ـــرا لك ... لك مني أجمل تحية . سارد على الموضوع بمنتدى حواء

-اهلين توته ام ساره اذا بتردين ردي هنا لأنو ما تم نقل الموضوع لمنتدى حواء -تشكرين عالمرور

[اسيرة الماضي]

يااااااااااااااااااااااااا ربي ليش هالبرود

[محبة الدين]

[

1- صار لج جم مطلقه؟
ابي اغلق السنتين من تطلقت
2- تزوج بعدج؟
ايوه تزوج وطلق مراته
3- رزق بأولاد منها -وأنتي عندج أولاد منه؟
منها لا ومني عندي اولاد الله يحفظهم ويخليهم
4- شنو سبب طلاقج؟
مع اني مااحب اتعمق بمشاكلي بس اسباب كثيره فما أعتقد فيه مره عاقله تطلب الطلاق الا اذا استحالت العشره
يكفي تدخل امه بحياتنا وضعف شخصيته على اهله ووووو و ووو الخ
5- شلون معاملتج معه كانت؟
من احسن مايكون مو مدح لنفسي بس اكبر دليل ماقدر يتحمل زوجته الثانيه يحسبه مثلي انا مدلعته احلا دلع بس ليته اثمر الله يسامحه
6- يصير لج؟
ايوه

7-أخطأتي بحقه أو بحق أهله أثناء فترة الخطوبه او الزواج؟
ولله الحمد ماجاء مني مايكدرهم بالعكس انا اللي تحملتهم الله على الظالم

8-شنو اكثر شي فاقدتها في ؟
الصراحه فاقده بيتي واستقراري فيه

9- بصراحه شنو توجهين له رساااااااااااله من هالمنتدى؟
اقوله الله يسامحك ويهداك وانشالله ترجع لي احسن من اول وتلم شمل عيالك وماتحرمهم من هالاحساس

10- بينكما مكالمات رسائل حاليا يعني بعد الطلاق بصراحه؟
كان فيه بخصوص الاطفال لاكن حاليا منقطعين خوفا من المشاكل

11-شنو شعورج لما تشوفين زوجته الجديده وشنو تقيميج لها؟
شفتها وحبيتها وبنفس الوقت كسرت خاطري الله يعوضها باللي احسن منه
12-شنو تتمنين يصير بصراحه؟
صراحه صراحه صراحه اتمنى نرجع لبعض ونعيش بسعاده عشان هالاطفال اللي مالهم ذنب لا ني متعذبة ياخذونهم مني ومااشوفهم بالاسبوع والاسبوعين الله حسيبهم
13- سؤال حابه تسألين للمطلقات //؟


مو سؤال قد ماهو نصيحه
اقولهن اذا فيه مجال للصلح وللرجعه لاتأخرون عشان خاطر الاطفال لانهم هم الضحيه
قبل كنت معنده ومافكرت بعيالي وماحسبت يصير معي اللي صار ويحرموني منهم بس الحين الله يرده ويسخره لي ومستعده الم الشمل واضحي بسعادتي عشان عيالي لانهم يستحقون التضحيه
ادعولي ان الله ينصرني عليهم ويرده ويسخره لي

متشكره على هالموضوع اللي قلب علينا المواجع
( اللهم أرجع كل مطلقه لازالت تحب زوجه الى عش الزوجيه وحسبي الله على من فرق بينهما)[/QUOTE]

[اسيرة الماضي]

تسلمين محبة الدين عالمرور -الله يرجعج لطليقج ويلم شمل عائلتك -عاجلا غير اجلا يا رب العالمين