[شايل همي لحالي]

المشاركة الأصلية كتبت بواسطة محبة خالقها اخوي السالفه ماهي سالفة منو لعب اكثر او خان اكثر او تمادى الفكره اللي ابي اوصلها لك انه معظم الناس لهم ماضي والكل يخطي وماحد يتعلم الا من خطاه وصدقني التعلم من ورى الخطا يكون له تاثير اكبر وانا متفهمه وضعك انك مو قادر تنسى او مو قادر تتعايش مع الوضع لكن انا بقولك شغله احب الخلق الى الله هم الخطائون التوابون واذا البنت تحسها صحيح تابت ووثقت من توبتها ليش ماتعطيها فرصه لاتخلي قلبك قاسي وانا ما اقولك حبها او اغصب نفسك انك تحبها حب الغصب مايدوم بس انت الحين حاول تنظر الى تصرفاتها الايجابيه وانظر بعد الى اللي جاي وانها راح تكون ام عيالك ولو نظرت من جانب ماضيها انا اقدر اقولك الكل له ماضي يخفيه ماحد معصوم عن الغلط ترى وحنا بشر ماحنا ملائكه واتمنى انك تستوعب كلامي لا تنظر فيه عن طريق العاطفه بس والله يوفقك اخوي واكثر من الاستغفار وتذكر انه الله يعفو فليش انت ماتعفو

والله مو قاس ولا شي والدليل إن هذا الموضوع صار له 10 أشهر وأنا صابر ووالله تعبت في قلبي ورحت أكشف وأتعالج ونفسيتي تدهورت وتأثر شغلي كثير
صدقيني حاولت أسامحها وبصراحه والله مو مقصره بأي شي وحاولت ترضيني بكل الطرق بس نفسيتي مصدومه لليوم وتعبانه لأني ما توقعت تكون كذا وكان حلمي أشوفها بريئة ووووو
ويوميا الحمد لله عندي أذكار مكونه من 27 تسلسل أقراها يومياً ..

[شايل همي لحالي]

المشاركة الأصلية كتبت بواسطة محبة خالقها وماعليش سؤال ثاني انت كيف عرفت بكل اللي سوته؟ هل اهي اللي قالت لك او انت سمعت من احد؟

بصراحه في البداية كانت تلمح لي عشان تعترف بس اللي زعلني إنها بعد الزواج تواصلت مع الكل ، تواصلت بالكل عن طريق الاتصالات ..
وبعد ما اكتشفت الاتصال الأول بدات أبحث وقدرت أوصل لواحد كان يعلمني بس بالتلميح وكنت أرجع لها البيت وكانت تعلمني بالتفصيل وبعض الأوقات هي تعلمني بكل شي بالتفصيل ..

[شايل همي لحالي]

المشاركة الأصلية كتبت بواسطة ام محمد الهاشمي لا اعرف ماذا اقول لك ولكن بحكم خبرتي المتواضعه اجد ان المستقبل مشوش فانت شخص لا تنسى بسهوله ولاتستطيع التحكم بتصرفاتك وهذا لايعني ان غلطتها كانت غير منحطة .ولكنها تابت ولا يعلم التوبه الحقيقية الا الله فلذا انصحك بصلاه الاستخارة طالما ان هناك طفل قادم وسيلهمك الله بما هو اصلح لك ولها ولطفلك.

بصراحه ما أقدر أنسى وبالذات إذا كانت فكرتي عنها جداً مميزة وحبيتها بشكل غير طبيعي وفي النهاية أنصدمت منها ..
جزاك الله خير أم محمد وكثر الله من أمثالك

[محبة خالقها]

والله اخوي الصراحه انا مادري شقولك بس الحين ليش اهي صارت حامل المفروض كان فكرت في الموضوع قبل لانه ولدك اللي جاي وش ذنبه يعيش بين ابويين متفرقين ولاكبر باجر وسئلك يبه اشحقه طلقت امي وش راح تقول له؟
اشحقه استحيت من اهلها كان تقدر تدارك الموضوع وتخلي سبب الطلاق شي ثاني لاتقول لهم انها كانت جذي وجذي قول لهم ما اتفقنا او اي شي
بس الحين يوم مرت اكثر من سنه واهي حامل انا هذا اللي كاسر قلبي الولد اللي راح يجي الله يهدي الجميع وان شاء الله ربي يريح بالك وادعي صدقني ربك مايخيب رجاك
واستخير ماخاب من استخار

[شايل همي لحالي]

المشاركة الأصلية كتبت بواسطة محبة خالقها والله اخوي الصراحه انا مادري شقولك بس الحين ليش اهي صارت حامل المفروض كان فكرت في الموضوع قبل لانه ولدك اللي جاي وش ذنبه يعيش بين ابويين متفرقين ولاكبر باجر وسئلك يبه اشحقه طلقت امي وش راح تقول له؟ اشحقه استحيت من اهلها كان تقدر تدارك الموضوع وتخلي سبب الطلاق شي ثاني لاتقول لهم انها كانت جذي وجذي قول لهم ما اتفقنا او اي شي بس الحين يوم مرت اكثر من سنه واهي حامل انا هذا اللي كاسر قلبي الولد اللي راح يجي الله يهدي الجميع وان شاء الله ربي يريح بالك وادعي صدقني ربك مايخيب رجاك واستخير ماخاب من استخار

لو سألني مو مضطر أقول له كانت تسوي كذا وكذا بقدر أقول سحر أو محسودين بس أساساً أنا ما قررت الطلاق ولا الاستمرار ..
بالنسبة لأهلها أنا قلت لهم لأنهم جداااا تعبوني يعني لا يمكن يقتنعوا ان بنتهم تغلط وتصدقي حتى لما قلت لهم بنتكم سوت كذا وكذا كانوا يدافعوا ويقولوا مسحوره ومرة يقولوا ما صار شي وأكيد أنت غلطان ولما اثبت لهم اللي صار سكتوا وهذا اللي كنت أفكر فيه يعني مستحيل يظهروا إنهم غلطانين وهذا اللي خلاني أقولهم بالموضوع عشان لو طلقت ما يتكلموا عني بالبطال ..

[شووق1]

الااخ .. شايل همي لحاالي .. عليك بالاستخار والله يرشدك الى ماايريح باالك ... واكثر من الاستغفار والحوقله ... بااارك الله فيك ..

[محبة خالقها]

الله يعينك اخوي اذا اهلها هذا ردهم وش تتوقع من البنت
وغلطتك انك تزوجت من مكان مو مكانك على قولة المثل حلاة الثوب رقعته منه وفيه
بس انت يعني ما سئلت عن اخلاق البنت قبل ماتتقدم لها؟؟
طيب انت الحين وش حاط في بالك تسوي؟ تبي تطلقها؟
انت خلاص دامك صبرت هالمده اصبر بعد شوي وشوف هل هي قد الثقه او لا
ويمكن بجية ولدك باجر تتغير مشاعرك والله يعينك و الله يلوم اللي يلومك

[شايل همي لحالي]

المشاركة الأصلية كتبت بواسطة مُهَــــآآآآجِــــرَه الااخ .. شايل همي لحاالي .. عليك بالاستخار والله يرشدك الى ماايريح باالك ... واكثر من الاستغفار والحوقله ... بااارك الله فيك ..

اللهم آمين والله يجزاك الخير

[شايل همي لحالي]

المشاركة الأصلية كتبت بواسطة محبة خالقها الله يعينك اخوي اذا اهلها هذا ردهم وش تتوقع من البنت وغلطتك انك تزوجت من مكان مو مكانك على قولة المثل حلاة الثوب رقعته منه وفيه بس انت يعني ما سئلت عن اخلاق البنت قبل ماتتقدم لها؟؟ طيب انت الحين وش حاط في بالك تسوي؟ تبي تطلقها؟ انت خلاص دامك صبرت هالمده اصبر بعد شوي وشوف هل هي قد الثقه او لا ويمكن بجية ولدك باجر تتغير مشاعرك والله يعينك و الله يلوم اللي يلومك

والله كنت بسكت وما بقول لأهلها بس هم متعبيني من زمان وحسيت انهم بيكذبوا وبيتهموني أنا بسبب الطلاق
وفعلا انا غلطت لما ما سألت واني اعتمدت على غيري بس خلاص الفاس طاح بالراس ومو وقت ندم
ومن ناحيه الطلاق فكرت وقلتلها وبنفس الوقت أقول بخليها معي وبستر عليها بس بتزوج مره ثانيه
من ناحيه الثقه أنا صرت مثل المجنون واراقب جوالها ولاب توبها وكنت بشتري كاميرا في البيت يعني خلتني أنسى كل شي وأفكر بالمراقبه مع إنها تابت وفعلا قد الثقه بس ما صرت أحس بالحب وأعاملها رحمه بس
والله رغم كل اللي سوته ما لمست شعره منها ولا ضربتها ولا أديتها لأنها أمانه عندي بس أنا مجروح منها وما قدرت أنسى

[ام عبودولمو]

ماأقول غير الله يلوم اللي يلومك

وعزالله انك ولد اجاويد متعرف الاصول

وكل اللي قلته ماتنلام فيه

والله يكتب لكم الله فيه الخير