[ايسكادا]

الله يعطيك العافيه

[رحلة زمن]

مشكورين ماقصرتوا
وهذا
الجزء الثاني
مرت الايام عند هند مثل قبلها لاتعرف البسمه والضحكه شايله هم عيالها وهم زوجها إللي ماتدري وش حاله عايش ميت ، ليش تركهم
في صباح يوم الثلاثاء بعدما صحت هند عيالها للصلاة الفجر
ثم جهزت الفطور لهم وأفطور
ثم راح كل واحده لمدرسته
هند وتغسل صحون الفطور دق تلفون البيت
استغربت من يكلمها بالوقت هذا
هند : آلو
أم هند : هلا ببنيتي
هند : هلا وغلا بأم راشد صباح الخير
ام راشد : صباح النور
كيف حالك وحال عيالك عساكم بخير
هند: بخير يمه يسلمون عليك
وش أخبارابوي واخواني
أم راشد : ابوك واخوانك بخير
يابنيتي ترانا بنجيك أنا وأبوك الخميس وبنجلس عندكم
هند: حياكم الله باي وقت
أم راشد : وأبوك يبيك بسالفه
هند: خير يمه وش السالفه
أم راشد : أبوك بيقول لك بنفسه كله بوقته زين يمه
هند: خيرأن شاء الله
أم راشد : يالله يابنيتي بسكر الحين وبكلم جارتنا أم سيف
هند: مع السلامه يمه
سكرت هند السماعه من أمها وهي تحس بضيقه وخوف وجلست تفكر وش يبي أبوي
أمي قالت بتكلم أم سيف
لايكون لا لا مستحيل يرجعون يفتحون الموضوع معي وهم عارفين رأي
وجلست تدعي هند ربها أنه مايكون نفس الموضوع
نرجع هناك عند علي إللي هو (فيصل )
علي : أنت ماقصرت ياسامي معي ماأدري وشلون أرد معروفك
سامي : لاتقول كذا مره ثانيه أنا أخوان ومابينيا شي وبكره بداوم عند أبوي بالشركه
علي: الله يجزاك كل خير وأن شاء الله بكون عند حسن ظنكم بي
سامي : أن أحتجت شي لاتتردد
علي : ماتقصرياخوي
مرت الأيام وعلي يداوم بشركة أبو سامي ويوم وراء يوم وأبو سامي يعجب بعلي واجتهاده في الشغل وصار يثق فيه مثل سامي تمام
ابو سامي وكان جالس يتغدى
مع أم سامي وسامي و شوق
(ابو سامي ماجاء له من أم سامي إلا سامي وعمره 28 درس إدارة أعمال وأشتغل بشركة أبوه ورافض الزواج بحجة العمل وتكوين مستقبله،وشوق وعمرها24 متخرجه من الجامعه اختصاص أدب وتدرس بنفس الجامعه )
ابو سامي : ماشاء الله صديقك
نشيط ومجتهد بشغله ورجال ونعم به
سامي واستانس أنو أبوه أعجبه شغل علي عنده:ماقلت لك يبه أنه رجل مخلص
ابوسامي: صادق وأنا أبوك
أم سامي :
إلا ياوليدي هو للحين مايعرف من أهله ما تذكرشي عنه
سامي : لايمه حتى الدكتور آخر مره زرناه يقول صعب يتذكر وماعنده شي يذكره بالماضي
ام سامي : الله يشفيه يارب
هنا شوق تكلمت : هوجالس
لحاله طيب من يسوي له أكل
ويرتب له شقته
سامي : ايه جالس لوحده وأكله
عنده جيران طيبين يرسلون له غداه وعشاه كل يوم
وشقتها هو يشغل نفسه بترتيبها
ابو سامي : طيب هوليش مايتزوج نعم الرجال ومحد بيرده
سامي :تصدق مافكرت بهذا
أن شاء الله لا قابلته بطرح الفكره عليه.

نرجع لهند جا يوم الخميس وجاعندها أبوها وأمها وقررو يجلسون عند بنتهم أسبوع
وفرح خالد وغلا وأخوانها بجيت جدهم وجدتهم عندهم
وهند كانت حاطه يدها على قلبها وش الموضوع إللي عند أبوي وللحين ماقالي شي أولمح للي في بالي

ياترى أبو هند وش عنده
هند من إيش خايفه
سامي بيقول لعلي عن الزواج
وش ردة فعله
وخالد وش بتكون ردة فعله من موضوع جده
كل هذا في الجزء الثالث

[ســـانـــدي ^_^]

الجزء الثاااني روووعه تحمست معه اكثر ^_^


والله خايفه ان علي (فيصل) يتزوووج اهئ اهئ


ياترى أبو هند وش عنده اتوووقع كمااان زوااااج خخخ
هند من إيش خايفه مادري ...
سامي بيقول لعلي عن الزواج اكييييد
وش ردة فعله ممكن يتردد
وخالد وش بتكون ردة فعله من موضوع جده يزعل من جده ...


في انتظاااركـ رحوووله

[*حدكـ هنا*]

روعة اللفظ تدل على رقي العقل

[وجدااااان]

والله فعلاً حماااااااااااس (^_^)

بإنتظر التكمله يالغالية

لا إله إلا الله

[رحلة زمن]

الجزء الثالث
في العصر سوت هند قهوة وشاي وحلا وجابتها عند أمها وأبوها ونادت خالد وغلا وجت غلا ومعها خالد وتقهو وسولفوا وبعدين قال
أبو راشد: يابنيتي ياهند دام عيالك الكبار متواجدين بقولك شي
هند هنا قلبها قام يدق بسرعه
وبدت ترجف وحاولت تمسك نفسها وخاصة قدام عيالها
هند :سم يبه وش تبي تقول
أبو راشد : ولد جارنا سيف تعرفين أن زوجته جابت له بنته نوره وماتت بالخبيث الله يرحمها وهو كان يدور زوجه حنونه لبنته
وكلمت أم سيف أمك تبيك لولدها سيف
هايبنيتي وش قلتي
هنا خالد عصب على جده بس ماتكلم ينتظر أمه تتكلم
بس تكلمت غلا وقالت : جدي
مانبي أمي تتزوج وبعدين امي متزوجه ابوي كيف تزوجونها واحد ثاني
عصب جدها من كلامها وكان جدها معروف بشدة وأنه صعب يتراجع عن رايه حتي
وأن كان على حساب سعادة الأخرين قال: يابنت أنا ماسألتك
سألت أمك
وبعدين وين أبوك هذا تاركم له اكثر من سبع سنين ماندري عايش ولاميت
وأظن أنكم تعرفون أن الوحده أذا غاب عنها زوجها كل هالمده لها الحق أنها تتزوج
بس غلا ما خلت جدها يكمل وقالت : بس أبوي حي أنا متأكده أنه حي وبيرجع لنا وقامت تبكي وراحت لغرفتها
هند كانت تسمع فقط وهي حابسه دمعتها وسرحانه وماصحت إلا على كلمت أبوها يوم قال :أنا وافقت على الرجال وعطيته كلمه
انصدمت هند من أبوها وقالت: بس يبه أنا ماني موافقه وماأبي
أتزوج
أرتفع صوت أبوها وقال: ماتسمعيني قلت لك عطيت الرجال كلمه وبتتزوجين سيف وأن عصيتي أمري أنسي أني أبوك وقام المجلس معصب خالد ماتمالك نفسه وهو يشوف أمه تبكي قدامه ومايقدر يساعدها طلع بسرعه من البيت وهو ضايقه به الدنيا
أم راشد : يابنيتي هونيها وتهون وسيف مافيه شي
هند والدموع ماليه عيونها :
بس يما أنا ماأبي أتزوج بعد فيصل يمه أنا أحب فيصل ومستحيل أتزوج بعده وحتى وأن فرضنا أنه متوفي مستحيل أتزوج بعده، يمه تكفين أبوس رجولك يمه أقنعي أبوي ماأبي أتزوج
أم راشد وهي ضايق صدرها على بنتها : يابنيتي أنتي تعرفين أبوك أذا لزم على شي يسويه ومحد يرده
هند ارتمت بحظن امها وجلست تبكي بحرقه وألم وتتذكر فيصل وإيام السعاده معه وتكلم نفسها ليه يافيصل تركتني لحالي
ليه ماوفيت بعهدك لي بأنك تظل طول عمرك معي وينك يافيصل تشوف حالي وش صار فيه وتبكي دموع فراقها لزوجها
وأمها تمسح على راسها وتقول
:الله يفرجها عليك يابنيتي ويسعدك
نروح لعلي
سامي : وش قلت
علي: بس
سامي: لابس ولاشي أبوك واثق فيك وحبك ولو ماوثق فيك ماعرض عليك تتزوج بنته ( سامي وهوقرر أنه يفتح موضوع الزواج مع علي طرت على باله فكرة أنه يتزوج أخته وهو ماراح يلقى أفضل من علي زوج لأخته شوق)
علي : بس أنا ماعندي بيت والشقه إللي ساكن فيها صغيره وأنت تعرف الحال
سامي : أذا كان على البيت أنا نأجر شقق وأنت اولى من الغريب
علي : والله أحرجتوني بكرمكم وفوق كذا بتزوجوني بنتكم
سامي : أترك من هذا الكلام موافق
ابتسم علي وقال إللي تشوفه
سامي صخك وقال : هايالنسيب جهز عمرك
عند هند كان حالها مايسر لاصديق ولا عدو طول ليليها هي تبكي بحرقه وألم
خالد وهو بعده مارجع للبيت
جالس عند البحر يفكر كيف يساعد أمه وهو جالس يفكر دق جواله وماله خلق يرد ومارد
لكن دق مره ثانيه هنا شاف من المتصل
وماصدق إللي شافه
دق من يحبه ويشكي له همومه
رد خالد بلهفه: هلا وغلا بصاحب الصوت
طارق: يضحك هلا بك يالغالي
خالد : أخبارك علومك
طارق : ماني بخير دامي بعيد عنكم
خالد: الله يعينك ومتى ترجع
طارق : هانت ياخالد هذه أخر سنه وأخذ شهادة الدكتوراه وأرجع للوطن ولأهلي وربعي
خالد : يالله تقربها ذيك الساعه يوم أشوفك
طارق : هههه ، إلا أنت وش مسهرك بالليل
خالد : ضايق صدري وماجاني نوم
طارق :سلامتك وش فيك
خالد وماصدق لقى أحد يشكي له وقاله سالفة جده من أولها لأخر شي
طارق : آفى ليه أبوراشد يسوي كذا
خالد : يقول خايف على بنتي
طارق :وأمك وش رايها
خالد: أنت تعرف أمي زين مستحيل توافق وأنا ماادري وش أسوي
طارق جلس يفكر شوي ثم قال : أنا عندي حل بس يعتمد على موافقت أمك
خالد بسرعه : امي أتركها علي قل وشو الحل ......
مرت الأيام وتزوج علي شوق
وكان حيل مستانس وفرحان بشوق وتعاملها معه وحبها ومع الوقت زاد حبها لها خاصة وأنها حامل بالشهر الثاني بولده
علي: الله يخليك لي ياشوق
شوق وبحياء : ويخليك أنت بعد
علي :أحس أني عايش ألحين بعد ماصار لي عائله وبيت
شوق :الله يديم الفرح لك ويحفظك لنا أنا وولدك
ابتسم علي وقال : آمين
عند هند بعد ماحاولت مع أبوها وأقنعته يأجل سالفه زواجها بعد مايخلص خالد دراسة وخاصة هذه أخر سنه له بالثانوي وماتبي إي شي يأثر بدراسته ( وهذا كان أتفاق بينها وبين خالد تأخر السالفه حتى رجوع طارق المنتظر من برا ) وافق الجد رغم أنه ماأقتنع بس مايبي يظغط عليها وخاصة أنها وافقت على الزواج بس بعد تخرج ولدها
مضت الشهور ودخلت شوق بالشهر التاسع وتنتظر هي وعلي طفلهم بكل لهفه وشوق.
تخرج خالد وفرحت هند وجده وجدته بتخرجه وخاصة أنه جاب معدل يدخله أي قسم يبيه
وقرب رجوع طارق من برا لبلاده ومابقى إلا اسبوع على رجعته وينفذ ما خطط عليه وأتفق مع خالد وهند عليه

أنتهى هذا الجزء
من هو طارق إللي بينقذ هند من زواجها بسيف
وش علاقته بخالد وهند
وهل الجد أبو راشد يوافق هذا الحل
وعلي ترجع له الذاكره أو لا

[وجدااااان]

من هو طارق إللي بينقذ هند من زواجها بسيف
وش علاقته بخالد وهند


؟؟؟؟؟

سؤال (^_^) ان شاء الله يكون عنده الحل اللي يريح الخاطر


وهل الجد أبو راشد يوافق هذا الحل
؟؟

ان شاء الله



وعلي ترجع له الذاكره أو لا
الافضل ما ترجع له
استغفر الله العظيم
بعد ما تزوج ونكد علينا (^_^)
امزح



الله يسعدك يا رحولة



متابعة معكِـ

[رحلة زمن]

ساندي أنتي موجوده

[ســـانـــدي ^_^]

من هو طارق إللي بينقذ هند من زواجها بسيف

انا من اووول مستغرربه من هو طااارق

وش علاقته بخالد وهند

اتوووقع اخو هند او اخو زوجها


وهل الجد أبو راشد يوافق هذا الحل

لا ما يوافق


وعلي ترجع له الذاكره أو لا


ممكن

بإنتظركـ رحوووله ,,

[رحلة زمن]

ههه والله ضحكت من تعليقك وجدان
الله يسعدك يارب
ساندي مشكوره يالغلا
وصح شكي في محله