[ســـــامي العتيبي]

ياسهارى الليل قولولي متـى يبدأ الصبـاح

خيم الليل الطويل بـلا نجـوم ولاقمـر

لاقدرت اقطع مسافاته ولاحولـي مـراح

وامتنع قطرالسحاب وجفت اوراق الشجر

والنسيم العذب راحت به اعاصير الريـاح

ياليال العمر عودي للوراء عكـس الدهـر

رجعينـي للبـراءه والبهاء والانـشـراح

رجعيني للطفولـه اجمـل ايـام العمـر

يوم كنت صغيرلاهي لاجهـاد ولا كفـاح

ماعرفت فراق خل ولاحدا عينـي سهـر

ولاعرفت ان الجفاهو افتك انواع السـلاح

ياحبيبي لو بغيـت انسـاك قلبـي ماقـدر

والله اني في غرامك طير مكسور الجنـاح

لاتعـذب واحد مغليـك مـن بـد البشـر

يشهدالله ماعشقت الا انت ياظبـي البـراح

انت دم عروق قلبي وانت في العين النظر

وانته اللي لونسيتـه ذكرتنيـه الجـراح

غارق فـي بحـر حبـك اه ياكبرالبحـر

كل ماقومت حظي في عباب اليـم طـاح

لاتقـول انـك مسافر ماذبحنا الا السـفـر

الله انــه لايعيد العولـمـة والانفـتـاح

وان نويت تروح قلي راجع تال الشهـر

طمن القلـب المتيـم فيـك ياسيدالمـلاح

ياحبيبـي كـان تؤمـن بالقضا هوو القـدر

مالي الاانته حبيب ولالك بغيري صـلاح

م ن ق ول