[ضاعت أحلامي]

لك وحشه يااروى والله فاقدينك في المنتدى لي فتره ماشفتك مدري ليش اذا شفت اسمك احس براحه .... سبحان الله

اسال الله ان يشفيك ويرفع عنك ويرزقك سعادة لاتشقين بعدها ابدا

[ضاعت أحلامي]

المشاركة الأصلية كتبت بواسطة & ترآتيــــــل الفرح & اي احد يمــــــــــــر من هنا يدعي لي بتفريج همي تكفــــــــون محتاجة دعواتكم

اسال الله العلي العظيم ان يفرج همك ويريح بالك ويفرح قلبك ويعوضك خيرا ويرزقك ماتتمنين

اللهم آآآآمين

[ضاعت أحلامي]

عسى غيابك هذا خير ان شاء الله .........

[البارقه 2009]

ررررررررررررررررررررروروووووووووووووواخبارك يالغاليه عساك مرتاحه الله يقر عينك بشفائك عاجلا غير اجل اللهم امين
مايدخل السرور على والله الابتواجدك طمنينا

[فسرو لي لو سمحتو]

المشاركة الأصلية كتبت بواسطة انمار الله يجعل لكم من كل ضيق مخرجا ومن كل هم فرجا الله يجعلها اخر الاحزان اسال الله ان يبدل احزانكم افراحاً

ياحبيبتي انتي امين يارب وانتي من قبلي يالغااليه ..

المشاركة الأصلية كتبت بواسطة & ترآتيــــــل الفرح & اروى اختي وعزيزتي وجـــــزء مني صرت اقوم واجلس واكل واشرب وافكر فيك واحاتيك بأقول لك كلمات من اعماق قلبي ماحاولت ترتيبها بقدر ما احاول ان تضئ لك قلبك الطيب وتصبره اترجــــــــــاك ياأروى لاتستلمين للحزن والتعب والالم اعرف إنه في كل يوم يزيد ويشتد اعرف إنك ماعاد تعرفين للراحــة طعم اعرف إنك صبرتـــــي ومازلتي صابــــرة لكن بأسألك هل تعرفين أن الله في كل يوم يزداد محبة لك على صبرك وثباتك هل تحبين الله وتثقين به هل تحبين اهلك ومحبيك وتتمنين لهم السعادة اذا كانت إجابتك نــــــــعم إذن لاتستلمي تكفيـــن ياأروى انا احبك والله يعلم مابداخلي لك تكفيـــن خليني افرح فيك لاتتوقفين عن الرقية والاذكــــــار والدعـــاء والاستغفار لاتخلين تعبك ينتصر عليك صدقيني ورب البيت ورب الارض والسماوات إن العارض الان يعاني اكثر منك تدرين ليه لانك اقوى منه لانك صبرتي وهو ماعنده صبـــر هو ظالم وانتي مطلومة وربي بينصرك صدقيني مازاد تعبك الا لانـــه الان غير مرتاح اذا استسلمتي وتوقفتي عن الرقية ارتــــــــاح تبغينه يرتــــاح ترضين إنه ينتصر وانتي تخسرين مااظـــن وانا ماراح اخليك تسوين كذا ربي معك ياأروى لاتستسلمين بأقول لك على موقف حصل معي قبل 5 شهور تقريبا مانسيت اي من تفاصيله لاني انصدمت مماسمعت والله إني حاضرة الموقف بنفسي كنت عند الشيخ الراقــي وكان يرقي حرمة انا ماالتفت بس كنت اسمع الكلام كان الشيخ يهدد العارض اللي معها ويقول بتخرج ولا احرقتك بالقرآن قال لا خلاص بأخرج هي اصلآ خــــــــــــــــــــــــــــــــــــــوافــــــــ ـــــة هي تخــــــــاف من الله ياشيخ تخيلي وش يقول بعد هي تخاف من الله وتبغى تدخل الجنة انا مااقدر اتحمل اكثر من كذا كل يوم تقرأ قرآن وتستغفر ذبحتني ياشيخ قرآن واستغفار كل يوم وتدرين حسبي الله ونعم الوكيل وش كان يقول يقول انا حبيتها عشان اخلاقها بس هي ذبحتني خوافـــه تخاف من الله انا رحت البيت وجلست اسبوع افكر في اللي سمعته سبحـــــــــان الله ربي ينصر عباده فلا تستعجلين ربي بيكتب لك النصر قريبا ونفرح بك إن شاءالله انا بأقولك بعد عن موقفي كان معي مس خارجي وإن شاء الله انها انتهت اعراضه بس ابغى أاكد لك عشـــــــان تعرفين إنه مهما كان ضعيف مهما يحاول يستقوي في بداية مرحلة الرقيا كنت اقول انا الحمدلله مافيني شئ ماكنت اتأثـــر بالرقية ولا ابكي ولا شئ بعد فترة صرت اتأثر واتعب لكن الحمدلله ماهو تعب شديد وفي آخر ايام مراجعتي للشيخ ماكنت اقدر اوقف على رجليني عدل بس اتحرك مره اوقف على رجلي اليمين ومره اليسار ماني قادره اثبت لانه بدأ يضعف ويستسلم وكان كل ما يقرب الشيخ عشان ينفث احس دقات قلبي سريعة كآنه بيطلع من مكانه هذا كله دليل على إنه خلاص في مرحلته الاخيرة وإنه انهزم حبيت اقول لك هالشئ واذكرك فيه عشان تتأكدين إنك لما تستمرين على الرقية ماراح يقدر يتحمل وبيضعف وبينهزم صدقيني وعادني بأذكرك وتقولين ســـاره قالت إن كنتي فعلآ تحبين ربك اولآ ثم والديك واهلك وتبغين تفرحينهم وتفرحيني اثبتي على موقفك وواصلي العلاج والا تـــــــــــرى إن كنتي بتستسلمين بهالسهولة انا اول وحــــــــــده بأتخلـــــى عنك ولا عاد اعرفك ولا تعرفيني سمعتيني خليك قويــــــــة بربــك وبإيمانـــك وسلامــــــتك

كلامك طلع من قلبك ودخل قلبي ع طول .. ياألله ياساره قد ايش كلامك لامس قلبي تدرين اني كنت احتاج مثل هالكلام اللي يجبر الخاطر ع قد ماكان في اخر جمله نوع من القسوه دمعت يوم قريته ع قد ماحنانك بباقي كتابتك غطت عليها ,, ودي اقولك رد يوفيك حق كلامك وربي ودي انسخه واحطه لكل مكروب مثلي يقراه متأكده بينفعه .. سوسو يالغاليه تأكدي أن ربي اللي فوق سبع سماوات قراه قبل ماتكتبينه بقلبك وبيعطيك عليه .. فرج - سعاده- رضا - توفيق- عوض - راحه امين ياساره امين يارب والله اتمناها لك قبلي واتمنى تنبسطين اليوم قبل بكره الله يرزقك باللي يستاهلك انتي اغلى من الذهب يارب مايروح الذهب الا للي يقدره ..
أحبك في الله واقولها بأعلى صوت ألله يحفظك اخت لي ياساره ..

المشاركة الأصلية كتبت بواسطة ضاعت أحلامي لك وحشه يااروى والله فاقدينك في المنتدى لي فتره ماشفتك مدري ليش اذا شفت اسمك احس براحه .... سبحان الله اسال الله ان يشفيك ويرفع عنك ويرزقك سعادة لاتشقين بعدها ابدا

يااااابعد قلب اروى ,, قلبي فقدك اكثر واشتاقلك ودعواتي لك هي اللي تقربني منك كل مادعيتلك احسك جنبي وارتااح ... فديت قلبك الله لايحرمني منك يارب . فديت هالقلب الطيب الله يعطيه بلاحساب رزق لين ترتاحين امين ..

المشاركة الأصلية كتبت بواسطة البارقه 2009 ررررررررررررررررررررروروووووووووووووواخبارك يالغاليه عساك مرتاحه الله يقر عينك بشفائك عاجلا غير اجل اللهم امين مايدخل السرور على والله الابتواجدك طمنينا

غااااليه غااااليه غااااليه غااااليه والله العظيم اختي البااارقه وأغلى عندي من الذهب ومن أغلى شي موجود بالدنيا .. والله سروري هو اذا شفتك تسألين عني ينجبر خاطري الله يجبر خاطرك ياأغلى البارقه ... لاتقلقين علي دامك اختي الغاليه انا بخير من عرفك مايتعب ولايشقى ...

[& ترآتيــــــل الفرح &]

المشاركة الأصلية كتبت بواسطة البارقه 2009 ررررررررررررررررررررروروووووووووووووواخبارك يالغاليه عساك مرتاحه الله يقر عينك بشفائك عاجلا غير اجل اللهم امين مايدخل السرور على والله الابتواجدك طمنينا

اي ولله مانفرح الا بشوفتك يالغالية اروى



اللهم امين الله يعجل بالفرج ويسهل كل عسير

[& ترآتيــــــل الفرح &]

اروى تكفين ادعي لي اليوم
إن ربي يكفيني شر من ارادني بسوء
الله ينتقم منه

ورب البيت لااقدر اكل ولا انام

حسبي الله ونعم الوكيل

آه يااروى دمعتي تسبق حروفي

يارب استودعك نفسي واهلي واحبتي فيك
واستودعك شرفي وسمعتي
يارب يامن لاتضيع عنده الودائع

[البارقه 2009]

تسلمين وربي اخبارك يالغاليه كنت ابسلم عليك بالمنتدى المجاني وشفت الصفحات كثيره استحيت منك وطلعت الله يحقق لك الي بالك

[البارقه 2009]

تراتيل ابعطيك وصيه اتنمى تقبليها مني
الان الساعه 11 ونصف كل ساعه من الان الى أذان المغرب ادعي بما تريدين ان الله سميع قريب
مع الدعوات التي سوف ادعوا لك بها ان الله كريم رحيم يستحي ان يرد يد عبده صفرا اذا رفعها اليه
والله مايخلى بيت من الهم والكدر تقبي مرروري

[فسرو لي لو سمحتو]

المشاركة الأصلية كتبت بواسطة & ترآتيــــــل الفرح & اروى تكفين ادعي لي اليوم إن ربي يكفيني شر من ارادني بسوء الله ينتقم منه ورب البيت لااقدر اكل ولا انام حسبي الله ونعم الوكيل آه يااروى دمعتي تسبق حروفي يارب استودعك نفسي واهلي واحبتي فيك واستودعك شرفي وسمعتي يارب يامن لاتضيع عنده الودائع

ادعي لك بدون ماتقولين .. والله ضيقتي صدري عليك والله ياساره ..
الله يرد كيده في نحره من ارادك بسوء ويشغله بنفسه يارب ..
وأسال الله الذي جل في علاه ان يحرم السعاده على كل من يحرمنا منها .. حاسه بالقهر اللي فيك ذقته هالفتره ..

المشاركة الأصلية كتبت بواسطة البارقه 2009 تسلمين وربي اخبارك يالغاليه كنت ابسلم عليك بالمنتدى المجاني وشفت الصفحات كثيره استحيت منك وطلعت الله يحقق لك الي بالك

يسلم عمرك غاليتي والله يحقق لك اللي ببالك بعد يارب ويرضى عنك ...