[عبدالرحمن المقباس]

تو ما شافت غزير الزين عيني
طاحت الغدفه وشفت اللي تحتها
الجدايل فوق متنه سبحتيني
يا صباح الخير يا زين طخمتها
بس عذروب الحبيّب شارتيني
مع حمار خدودها طول رقبتها
الشاعر زيد بن غيام المطيري

[هدى وهداية]

🇸🇦💚🇸🇦

‏هنا الدوله ترفرف في سماها راية التوحيد
‏بعد عبدالعزيز اللي حماها وأعلن الدوله
‏تعالت للسماء واسترسل التكبير والتمجيد
‏تدانت كل نجمه كنّها للارض مرسوله
‏تقول ان السعوديه علت عن كل قاع وبيد
‏رفعها الله بالدين الحنيف وحكمة زحوله
ماهي بأية بلد هذي الطهاره في صباح العيد
بعد راح الجهل ووجيهنا بالطهر مغسولة
وش الجغرافيا ؟ وش هي مساحتها ؟ ايش التحديد؟
هذي ارقام ندرسها فقط ماهي بمقبولة
مساحتها القلوب اللي روت بالدم رمل و حيد
الين انبت نبات يشبع التاريخ محصولة

🇸🇦💚🇸🇦

[خلوووود الخالد]

المشاركة الأصلية كتبت بواسطة عبدالرحمن المقباس تو ما شافت غزير الزين عيني طاحت الغدفه وشفت اللي تحتها الجدايل فوق متنه سبحتيني يا صباح الخير يا زين طخمتها بس عذروب الحبيّب شارتيني مع حمار خدودها طول رقبتها الشاعر زيد بن غيام المطيري

أبيات جميلة و مشهورة لابن غيام
و هو شاعر مرهف الحس جدا و شاعر يبدع الوصف

كما احب أبياته هذه لغزارة اللغة و الشعور فيها عندما يصف مشاعره الجياشة بنزول الأمطار على دياره ديار مطير الصمان :


و انا هاضني برق تكاشف علي الصمان
وقالوا تخيله وقلت ياربع بالي له

تحدرخشوم المزن يشدي حصى حوران
لزيز الرعد ومعرقب البرق يوضي له

تمثنا النفود وصار سيله علي ساقان
وعلى ضليع مارق ضافيات ن هماليله

تملت خباري الصلب وين انت يالعطشان
ثمان الخباري تاسعته ن كحيليله

تمرجح علي اليمنا علي عقله ( الدوشان)
نقرها الشمال ونوها طايل ن طيله

مداهيل ( علوى) لابة الشيخ ( ابن سلطان)
زبون الحصان ليا تباعد زماميله

زيد بن غيام.

/

.

[هدى وهداية]

‏احب الصراحة واعشق الصادقين بزود
‏ ولا احب من يكذب وانا صادق النيه
💭💛

[هدى وهداية]

‏شعارنا واضح ولا به مروات
‏الخير له نخله وللشر سيفين 🇸🇦

[زهووور؛؛]

المشاركة الأصلية كتبت بواسطة هدى وهداية ‏احب الصراحة واعشق الصادقين بزود ‏ ولا احب من يكذب وانا صادق النيه 💭💛

اجمل بيتين 👍 صدقتي ياهدى 💖🌷

[غيوم ممطره]

م‏ن لاتقوده فعوله للمكان الرفيع
لو يرفعونه هل الأمداح ما يرتفع

يبقى بقل العزايم في مكانٍ وضيع
وتلقاه لا نافعٍ غيره ولا منتفع.

[الحالم 1]

(( اللي وراك ضلوع ومن دونك ضلوع ))
.. وممشاك بعروقي وقلبي وبالي

ماكنك الا الدم لاصار مدفوع
.. يرجف يقلبً باسمك يصيح عالي

ماتشبه الا قايد الخيل وجموع
.. يحكم بسيفه كل صدري وحالي




\

[ريـف]

أُعلّل النفس بالآمالِ أرقبها
ما أضيق العيش لولا فسحة الأملِ
للطغرائي

[الحالم 1]

عيني تشوف اللي يغنون زادو
.. فالوادي اللي وردته عطرها فاح

بافكارهم من فوق الاوراق جادو
.. وارهو عليها الحبر فالليل واصباح

وبيوتها من فوق الاشعار سادو
.. مثل القمر غطى على النجم لالاح

ياورد ياجوري علينا تهادو
.. كفتك في كل الموازين رجاح





\