[خلوووود الخالد]

المشاركة الأصلية كتبت بواسطة الحالم 1 يا حظ من لا عرف منهو و لا شيف ان طاب يحمد و ان تردّى بكيفه .. بدر بن عبدالمحسن

هذا البيت هو ( بيت القصيد ) في هذه القصيدة الشجيّة الموشّاه بخيوط متناسلة من فم الشمس المندلقة على كثبان الرمال المتوهجة بحرارة الوجدان البدوي المنبعث من تكاليف الحياة الشاقة بظروفها و أعرافها التي تشكلّت و حفرت في الوجدان و الضمير الاجتماعي فلا مناص من التهرب منها.
و حقًا ارددها دوما :


يا حظ من لا عرف منهو و لا شيف
ان طاب يحمد و ان تردى بكيفه


/

[خلوووود الخالد]

يا دارة دوري فينا ضلي دوري فينا
تاينسوا أساميهن و ننسى أسامينا

🦋 🦋 🦋

دوري بنا يادارة الشعر جينا
من ( مفرق الوادي ) نبي نبعة المي

خلي اسامينا تِدوّر علينا
واحلامنا يا ( ضيعة ) الورد و الضي

تشرين قمرا و القمر يحتوينا
لو كان ما نملك من احلامنا شي ..!


خلووود الخالد
/

[الحالم 1]

احلامنا صارت تشره علينا
.. الشمس تخنقها ولا شافت الفي

كن السحاب اللي سقاها نسينا
.. هو شح في وصله وانا يبست يدي

ياداره دوري لو بعضنا يجينا
.. ننسى اسامي البعد نفرح به شوي

من مفرق الوادي تشابك يدينا
.. ألين نبعه والجبل ناصل الحي





\

[غيوم ممطره]

‏نطوي سنه مرت بها هموم وآفراح
‏ونبدا السنه هذي عساها سعيده

‏جعل الهموم اللي من العام تنزاح
ونلقى السعاده في سنتنا الجديده.

[غيوم ممطره]

ورأيتُ حلماً أنني ودعتهم
فبكيتُ من ألم الحنينِ وهم معي

مرٌ عليّ بأن أودّع زائرًا
كيف الذين حملتهم في أضلعي؟.

"محمد المقرن"

[الحالم 1]

على مهل قذلتك لاتبعثر ايديّه
.. لين اتهيالها ولا تهيّالي

الليل توّ ابتدى والصبح يابنيّة
.. لولا سنا غرّتك ماهو على بالي

يابنيّة الضي والجدران والفيّة
.. والمرقب اللي رباه الماكر العالي

ميعادنا ظلّ غصن وحسّ قمريّة
.. توالفوا والهوى شدّاد نزّالي

جيتي وانا والله اني مغلي الجيّة
.. أغلى من الربع عند الطيّب الجالي

واحلى من الشوق بعيون الهواويّة
.. من غيبة الشمس لين المذّن التالي

وألذّ من تلّة الطاروق عصريّة
.. في عثعثٍ من غثيثين النبا خالي




..
مساعد الرشيدي

[غيوم ممطره]

هَلْ تذكُرونَ غريباً عادَهُ شَـجَنُ
مِنْ ذِكْرِكُمْ و جفَا أجْفانَه الوَسَنُ ؟

يُخْفِي لواعِجَهُ والشَّوقُ يَفْضَحُهُ
فقـدْ تسـاوَى لدَيْه السِّرُّ والعَلَنُ

يا وَيلَتاهُ ، أيبْـقَى في جوانِحِه
فـؤادُه وهُو بالأطْلالِ مُرْتَهَنُ ؟.

[الحالم 1]

صاد قناص الجوازي طرف جازي
..قبل قناص الجوازي يمد شوفه

مادريت الاوهو بالقلب وازي
.. غفلةً ماهي على قلبي حسوفه

ماأحسب ان الرمش غادر وانتهازي
.. لين وردني مضاميه وحتوفه

قلت: ياعذب المها ثقل المرازي
.. يابعد من داعبت كفي كفوفه

لاتعزويني وانا ماني بعازي
.. ريض المسيار لو فيها كلوفه

قال (يابويه ) وهو ماهو حجازي
.. قلت : وابوياه من قلبً تلوفه

قلبي اللي ماتطيح إلا متوازي
.. جوضتك بين السراجيف مخلوفه

جوض وأرعد وانكسر كسر القزازي
.. الغلا ماينقص الرجال نوفه

بس لاتجرح وقاري واعتزازي
.. من بغى فرقاي عيني لاتشوفه








..
مساعد الرشيدي

[خلوووود الخالد]

المشاركة الأصلية كتبت بواسطة الحالم 1 احلامنا صارت تشره علينا .. الشمس تخنقها ولا شافت الفي كن السحاب اللي سقاها نسينا .. هو شح في وصله وانا يبست يدي ياداره دوري لو بعضنا يجينا .. ننسى اسامي البعد نفرح به شوي من مفرق الوادي تشابك يدينا .. ألين نبعه والجبل ناصل الحي \

مجاراة مميزة جدا و أبيات رائعة.
صح لسانك .

[غيوم ممطره]

اشره علينا صدق فاليوم العسير
إن كان ما جينا و جاء لك مدّنا

لا تعدّنا لا صارت الدنيا بخير
لا ضاقت الدنيا بوجهك، عدّنا.