[ربي أسألك العفو والعافية]

يـــــــــــ طيرـــــــــا

حزين من الشتاء والاحزين من الظما ياطير

دخيل الريشتين اللي تضفك حل عن عيني

دخيل الما ..وملح الما..وحزن الما قبل ماتطير

تهيا للهبوب اللي تصافق في شراييني

دخيل الغصن والظل والهزيل وهفهفات إعصير

دخيلك لاتشح بنجمتي والليل ممسيني

ترفرف يافقير الريش ضيقه والنهار قصير

علامك كل ماليل جناحك جيت ساريني

انا ماني بخير وجيت يمي وانت مانت بخير

وانا ياطير في من الهجاد اللي مكفيني

ترى لو شفت لي ظل ومهابه في عيون الغير

ترى كل الزهاب اللي معي جرحي وسكيني

الشاعر
مساعد الرشيدي

[Ŝђǿǿq Ťąbσύĸ]

:: الــطــريــق الـمـهـجـور :: تخوفني مشاوير الطريق المظلم المهجور =واليامني ذكرتك قلت طولي يامشاويري عزاي إنك رجاي العذب لو كل الدروب عثور =وصلت أوماوصلت أعرفك ما إنته منتظر غيري حبيبي .. وكل الله لاتحسب إني بليد شعور =لو إنت المستحيل الصعب .. ماأبدي لك معاذيري أحبك .. رغم تجريح الليالي لقلبي المقهور =أشوف الجرح يكبر وإنت تكبر وسط تفكيري أحبك .. لو يموت الحب وتصير القلوب قبور =أحبك كلمة لو حرموها .. حل تفكيري أحبك من هنا حتى طلوع الفجر .. حد النور =صحيح إنك قدر محتوم بس أجمل مقاديري بعذر اللي يحبك لو يصير الشاعر المشهور =لأنك تنهمر حلو القصيده في تعابيري أحد ربي يحطك له حبيب .. ومايجيه غرور ؟ =أنا ليه ألتفت للناس وعيونك جماهيري هلا بك من قدمك ... لغرتك لي شعرك المنثور =هلا في كل شي فيك وإنت أغلي مساييري أثر صدق الغلا يجبر حطام الخاطر المكسور =وأنا مهما منحتك من غلاي أشعر بتقصيري ولو طالت مشاوير الطريق المظلم المهجور =أنا لامن ذكرتك قلت .. أحبك يامشاويري الـــرائــع / مـسـاعــد الـرشــيــدي

[Ŝђǿǿq Ťąbσύĸ]

أوراقـ بالذكرى : : كلك تعــــــــالي غلا ولا إرجعي كلك =بعـــض الغلا منك ما يستاهل الجيه طالت وأنــا في رجــــا ليتك ويا علك =أوراق بالـــــذكرى و أوراق منسيه ما بــل ثوبك مـــطر شـوقي ولا بلك =لو علتك من سحاب الـروح وسميه ليه أمشي الدرب دامـه ما يوصل لك =تخاف رمضا الضياع أقـــدام رجليه يا بنت تو الهـــوى ما صرت أنا خلك =للحين ما زالت الصـــــــوره رماديه ومازال بعض الغموض الشره يحتلك =وشلون أنا أعشقــك على الــــــــنيه أشـــوفك هنــــاك قدامـــــي ولا أدلك =صعب الكتابه ليــا صــار الورق ميه إن كان شـــمسك تساومني على ظلك =ما عــــاد أبي منك لا شمسٍ ولا فيه أمـــا تـــــعالي لــقلبٍ فـــــزلـك كــلك =ولا إتركيني ما أبـي لك بالهوى جيه : : الــرائــع / مـسـاعـد الـرشـيـدي

[شمس نجد]

.. .. .. ..كبوة حصان


لا عــاد تـــنشد ما بـقى عـــــندي علوم
............... كـــــل العلوم المبـــــطيات تــخبرها

ما جــــــــيتك اشكي ميلة الوقت مزحوم
............... نفســي ليا ضاق المدى ما اخسرها

ياصاحبي كنت امس كنت امس محشوم
............... واليــــــوم هــج بجيتك واختصرها

خـلــك بعيد ابعد من العــــــــــام للــيوم
............... وادنى من احـــلام النجوم وقمـرها

بعــض الكــلام اللي تحــليه مســـــموم
............... وما كــل كـــف صافحتك تغــــدرها

كــــم طــيب ســــــاقـته الاقــدر لرخوم
............... ويا كــثر ناس تــنخدع في صورها

والحــر ما يشــــره على خـــنعة البـوم
............... الله رفع شـــانه ووطا قـــــــــدرها

لــــــو جــيتني كنك على الوجه ملطوم
............... بعــض الخـطايا عذرها مـا غــفرها

عنـــدي تساوت هرجــة العــذر واللوم
............... هــــذيك ما ابغاها وذيـــك احتقرها

زلــه وعـــدت ما حدتــني عــــن النوم
............... مرت ســلام وبـعد الله كـــــــدرها

انــا اعتبرها كبـــوة حصـــــــان ويقوم
............... وانت اعــتبرها زي مــا تـعتــبرها


مساعد الرشيدي

[ربي أسألك العفو والعافية]

تبدين مثل المستحيل

آخر عباراتي وداع ..وآخر مشاويري رحيل

جيتك وبي لفحة ضما واقفيت كبدي ناشفه

اصعب كلام أصعب خبر صرخه عقب صمت طويل

مثل الهدوء اللي سبق لحظة هبوب العاصفه

وأنتي بمتناول يدي ... تبدين مثل المستحيل

في عشرتك صوت العقل يقتل طموح العاصفه

الحب ماهو كل شي إليا وقف حظٍ بخيل

قلوبنا مثل العسل بس الظروف مخالفه

لاللندم ..لاللعتب .. أوشي من هذا القبيل

وانتي ماجا منك خطا حتى تقولي اسفه

من غير ليه .. استسلمي ..واستلهمي صبرٍجميل

ولاتسأليني وش جرى مالك بطول السالفه

قولي لهم ياعزوتي ماعابنا موت النخيل

اللي يوافيها الأجل وتموت لكن واقفه

آخر عباراتي وداع آخر مشاويري رحيل

جيتك وكبدي ناشفه واقفيت كبدي ناشفه

مساعد الرشيدي

[Ŝђǿǿq Ťąbσύĸ]

ســـيـــف الـــعــشــق / \ / كيف أطفي الريح بثيابك وكيف أشعلك=كيف أتنثر على جمـرك وكيـف أحتويك نقضت ليل الحرير وجيت ماإنت لهلك=سمّيت باللي فتني بـك وقلت أبتديـك هذا أول الدرب أو هذا الطــريق أولك=جيت آتوقّا عذابات المدى 00وأهتديك شوقـي مسافـة وهمساتـك مـدار وفلك=إن ماظميتك غلى 00ياعلني ماأرتويك إية أعرفك وأعرف إني من غلاك أجهلك=مرات أضمـك وأخـاف إني مشبة عليك مـرات أشوفـك بنفس الوقت وأتخيـلك=وأنشد كفـوفي عن أخر سالفة من يديك أعـنّ لك لـو تصّـب المـوت 000وأتهيّلك=ماتشوفني حي قدامك وأنا أمـوت فيك إشتقت لك قبل أجيك وجيت وإشتقت لك=البارحة طول ليلي بين هذي 00وذيـك مليت جمـر إنتظارك وإستحيت أسألـك=واحسبتني ما بعد جيتك وفكرت أجيـك إثرك بقلبي من البارح وأنا أستعجلك=وأثري نسيتك من الفرحة وقمت أحتريك / \ / الــرائــع / مـسـاعــد الـرشـيـدي

[وفااا]

:
:
صباح مـذهـل

إعتنقتـه قصائدكـن وإختياراتـكن العـذبــه

كـل الــود لقلـوبكــن


:
:

[ربي أسألك العفو والعافية]

وش بيبقالي

صوتك اللي بقالي من ليالينا

عاد لو غاب صوتك ويش يبقالي

صوتك الموج والمجداف والمينا

صوتك الناس لوني في خلا خالي

صوتك الذكريات اللي اتدفينا

كل ماهل شفت العيد يبدالي

صوتك بعيد مثل البعد يطوينا

صوتك اغليه ... صوتك يابعد حالي

من غروب الكلام لشرق اسامينا

ياحبيبه وصوتك عندي الغالي

سولفي ... لعنبو هــمٍ يبكينا

انت اقصى مدى الهقوات والتالي

مالها حد شرهتنا وامانينا

والمسافات قشرى مالها والي

يقبل الليل لامرفأ ولامينا

عاد لو غاب صوتك ويش يبقالي


الشاعر / مساعد الرشيدي

[Ŝђǿǿq Ťąbσύĸ]

اللــه يـسـلـمـك وفـااا

وإن كـنـت أتـمـنـى مـُـشـاركــتـكِ بـهـذا الـمـتـصـفـح

[Ŝђǿǿq Ťąbσύĸ]

/ \ عـــزة الــنــفــس ينجرح قلب.. لكن ترتفع هامه = والله إني لأموت ولاأنحنى راسي لو رماني زماني وسط دوامه = العواصف شديده .. والجبل راسي أنقل الحزن وأمشي منتصب قامه =قاسي الوقت .. لكني بعد قاسي وأسمع الحلم يصرخ لحظه إعدامه =رابط الجاش ... ماهز الخبر باسي عزتي غـالـيـه والناس سوامه =قلت ماأبيع حتى تقطع أنفاسي زانت أيام عمري شانت أيامه= مارجيت العزى من رحمة الناسي من عجز لايدوس الهم بأقدامه =لازم إنــــه مع الأيــــام ينــــداسي يندمل جرح القلب ..ماتت أحلامه= بس ما أظن يبرى جرح الإحساسي يوم صارت مابين القلب والهامه =وش أبي بالحياة اليا أنحنى راسي / \ الــرائــع / مــســاعــد الــرشــيــدي