[حامد نوار]

الطيب واضح في وجيه المطاليق
اللـي عن الزلات تكـرم لحاهـا ..!!

المرجله هضبه مثل هضبة طويق
سلم علـى اللي لابغاها رقاهـا ..!!

[حامد نوار]

دام ( النوايا ) في حشانا سليمه
ما همنا من قال فينا ومن عاب ..!!

[حامد نوار]

لا تفتخر في كسر غيرك ياعنيـــد
بكره ورآك حسآب وعقآب وحشـر

أكسر قلم أكسر شطر أكسر قصيد
بس انتبه في دنيتك تكســر بشـــر

[حامد نوار]

الناس تفنى والمباني والاملاك =والقول يبقى والخبر للتوالي
الشعر معنى حكمته بعد الادراك =وما كل يلمع على النور غالي
والشعر صورة شاعر فيه تلقاك =اما لبس لك جوخ ولا سمالي

[حامد نوار]

لباس الحيا لـ : الناس والارض خير لباس
له الناس محتاجين . والأرض محتاجه ..!!

[حامد نوار]

لوجه الله نعطي لا عطينا
ولـ : نرجي مديح المادحينا ..!!

كذا ربي خلقنا جل شانه
على روس النوايف شاهقينا ..!!

[حامد نوار]

الرفيق : ان خاب ومنه ضاق خلقي
من وفاي انسساه ، والنييه سلييمه ..!!

والله انك " عارفٍ " ماهو بـ : حقي
تجحد المعروف ( وايديني كريمه ) ..!!

[حامد نوار]

يا الله انا طالبك من خير ( هالساعه )
عطفك و لطفك و عن تقصيرنا ترضى ..!!

و تشرح لنا صدورنا بالذكر و الطاعه
و ان ترحم الموتی و تشفي المرضى ..!!

[حامد نوار]

( الوتر ) لا تنساه ياطيب الساس
تذكير : والذكرى تفيد السنافي ..!!

واقرا الفلق يالشهم ثم سورة الناس
بعْد آية الكرسي ../ ونوم العوافي ..!!

[هدى وهداية]

طلبنا الكريم اللي جزيلة عطاياه
أمان النفوس وملتجا كل من خاف !

ملاذ الغريب اللي ثقيلة خطاياه
تجيه النفوس ثقال وتعوّد خفاف !