[حامد نوار]

الله كتب .. و القـوس فـي كـف باريـه
...........و اللي تشوفه يا أبيض الوجـه .. سـوه

[اسماء التميمي]

ماعلموك ان الاماني
روح وانفاس ومدى ؟
وان الحنين اكبر من انك تجمعة !
حتى لو انك فالشوارع
وفالمباني تسمعة
يبقى الحنين
شي صعب تشرحه

[حامد نوار]

من يخاوي الناس على زين اشكالها
والله ليذوق المذله لو زانت احواله

ومن يخاوي الناس على فعل إيمانها
يعيش مرفوع الراس لو محدن وفاله

[حامد نوار]

مادام يدك تمد الطيب لا تندم
خل الندم للي انكر طيب مدتها
الرابح اللي يسوق الطيب ويقدم
جزل العطايا وينساها بحزتها

[حامد نوار]

ترى التواضع والأدب طبع الإنسان
والإنسان ما يحليه غير طبعه
ما يهم الزين في بعض الأحيان
والزين زين الروح والصدق نبعه

[حامد نوار]

عن الردى نفسي رفعتها وأنا فوق
ودرب المصالح ما مشيته بصغري
ماني من اللي حاجته عند مخلوق
عز الله إني ما أحتاج إلا لربي

[حامد نوار]

صل الفروض الخمس وأكثر دعاويك
وأدرك بأن الله إذا ابتلاك حبك
وان البشر لو تجتمع لجل تأذيك
ما راح يصيبك غير ما شاء ربك

[اسماء التميمي]

لا تشغل الخاطر ترى العبد مكفول
عادات ربي في عباده جميله
حكمة عزيزٍ جاعل الغيب مجهول
والله جعل في كل قلبٍ دليله

[حامد نوار]

يا حظ منهو بصلاته معتني فيها
ما يترك الفرض والاسلام منهاجه
ما فيه ليلة بدون الذكر يقضيها
عينه من الخشية لوجه الله لجاجه

[حامد نوار]

الوقت دوار والاقدار مقسومه
واللوح محفوظ والارزاق منقاده
والناس نوعين معطية ومحرومه
وقناعة العبد تجلب غاية مراده
واخلاقها بأربع الأحكام محكومه
الدين ، والعقل ، والماجوب ، والعاده