[حامد نوار]

كانك تبي الـرزق خلك صافي النيه
لآ تجعـل الخبـث في نيتـك متخبـي

الشخص اذا نيته عوجـاء و ملـويّه
مهما يســّوي مهو بـ موفقـه ربـــي

[حامد نوار]

‏​الطّيب ماهو عزّ في كلّ الاحيان
الطيب في بعض المواقف مذلّه !

لا صرت دايم تاخذ الطيب عنوان
يجيك من هو بالردّى يستغلّـه !

[حامد نوار]

انا تغربت والمكسب من الغربه
حذفت بعض الفشق من عدة احزامي
وش حاجتي في رصاص ما يثوربه
اليا بدت حاجته يبلش به الرامي

[حامد نوار]

الله يسوق السحاب اللي يجيب المطر
اللي يغيث الغصون ويحي عروقها

من قبل عيد الضحيه بعد عيد الفطر
وسميّةٍ يدوي الرعاد ببروقها ..

[حامد نوار]

لاتكتئب وتعيش بظنون و اوهام
دامك سحابه لايوقف هطولك
وإن ضايقوك فبعض الاحيان الاقزام
مضايقتهم شي يعني: يا طولك!

[حامد نوار]

ماكل فعل ٍ تنضرب فيه الأمثال
الفعل كايد والكلام بسهوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

[حامد نوار]

الذيب لا كثرت عليه المشاعيب
أقفا بجوعه وأمرحت عقبه الشاه

والرجل دام إنه ترفّع عن العيب
لو يظلمـونه مـا يقصـوّن يمناه

[حامد نوار]

عشنا وشفنا والتجارب لها دور
وكلٍ على ماقيل يذكر ماواجه

مافي الحياة أقبح من الكذب والزور
ولا أجمل إمن الصدق في كل حاجه

[حامد نوار]

يـارب لامنك طـويت السجـلات
وآمرت روحي في موادع جسدها

خذها وانا ساجد بأحد الصلوات
وقد تبت توبه صـادقه م بعدها

[حامد نوار]

لى ذوق والعالم كذالك لها ذوق
وذوقى عن اللى ما يجوز إمتناعي
وإليا لقيت بضاعة ٍترفع السوق
فى مشتراها أبذل جميع المساعى