[حامد نوار]

المنتدى ماهو على خبري العام
نكتب وبعد اسبوع نلقى لنا رد

[حامد نوار]

نشكي الزمن والزمن لو كان يتكلم
يشكي من الخلق من كثرة بلاوينا

ليت البشر من قديم الناس تتعلم
أن الخطا نصنعه من فعل أيادينا

[حامد نوار]

‏انا رفيق الرفيــــق اللي يذرّي ذراه
وانا رفيق الرفيق اللي مايلقى ذرى

رفيقي الاول ادحم به ظروف الحياه
والثاني اهتم من همه وهو مادرى"

[حامد نوار]

الله ياكم من قلوب ن معاطيب
تصبح بخير والمساء حال ثاني

اهل الردى مانرتجي منهم الطيب
واهل المروة لاجلهم جيت عاني

[حامد نوار]

الكفو نعطيه حقّه واعتباره
خوتّه نتعب لأجل نكسب رضاها
والردي قدره مثل قدر الزقارة
لأنتهت من شرب راعيها وطاها

[حامد نوار]

صحنا وصحنا وإن زعلنا صبرنا
على حياة ٍ كـل ابوهـا غرابيـل
نمشي مع العالم ونقصر نظرنـا
خوف ٍ من الصدمات والقال والقيل

[حامد نوار]

نآسٍ تصير بـ سآعة الضيق مخرآج
( مثل الجبآل تذرّي اللي زبنها )

ونآسٍ مرآجلهآ سوآليف وإزعآج
( لآ فآيده فيهآ ولآ خير منها )

[حامد نوار]

يا قلب يا صبارلاتنكوي با النار
ترى المذله عار لايفرحوا العدوان

اصبر على ذا الحال ويحلها حلال
والصبر مهما طال يأتيك بالسلوان

[حامد نوار]

المبادئ لــو تـهـاوت مـا بـقــى لـلـعــز بـاب
و المصايب ان تخاوت لك تجـي متجمعـه

من لمس شمس المعزه موطنه فوق السحاب
و من غـلـب شـهـوات نـفتسـه فــ الشهامه تصنعه

[حامد نوار]

ياسائلٍ عني وعن كـيف حالي

بعطيك ياناشد عن الحال توضيح

يبقى شموخي رغم جور الليالي

مثل الجبل شامخ رغم قسوة الريح