[حامد نوار]

احدن اله مبدأ ونظرته فوق
واحدن كما الثلج(ن)على القاع مايع
الطيب وهل الطيب عاشق ومعشوق
والطيب له مبدأ وحكم وشرايع
والمرجله وهبه من الله و وفوق
والدين راس المرجله والطمايع

[حامد نوار]

اصبر على ماجاك من وقتك الاش
واستوا على الشدات راعي عزام
والمرجله لوهي على الهون تنحاش
حاشوا لها حتى العفون الخمايم
اختر مقام العز لوكنت قراش
ولا غناة اللي بها الذل دايم

[حامد نوار]

العاقل الي يعرف العدل والميل
يحسب حسابه قبل يطلع (كلامه )
للخيل خيّاله ولـ هالوزن كيـل
والمحترم يفرض عليك إحترامـه
ماتزعل العاقل هروج المهابيل
عن ناقصين العقل يرفع مقامه

[حامد نوار]

أسوي المعروف من طيب ذاتي
ما همني من هو جحد ما فعلته
رفيقي الطيب عطيته حياتي
حتى الردي لا حام حولي كرمته

[حامد نوار]

الله و لا عِشرة عديمين الاحساس
جحّـادة الطـيّب و تبّـاعة الإفْك
اذا تبي تعيش بسلامه مع الناس
قلّل صـداقـاتك و كثّر معـارفْك !

[حامد نوار]

أمشي آلسآلفه من طيب نيـاتي
لو هـي على وجهها و الا مقفـاها
مدامنـي صح لا افكـر ولا احاتـي
واللي نوا لي بـ نيـة سـوء يلقاها

[حامد نوار]

وش ترتجي من جاحدين المعاريف*
اهـل الردى و اهـل النفوس الرديّه*
ما يكشف الرجال غير المواقيف*
ولا الرخـا ستر الخوي من خويـه

[حامد نوار]

لاتنخدع في بعض الأبيات والبوح
مرات .. كل اللي نقوله خيالــــي
نكتب فرح .. والقلب مرات مجروح
ونكتب حزن مرات والبال خالـــي

[حامد نوار]

صف النوايا واذكر الله وترتاح*
واللي تشوفه قابله بـ ابتسامه
خلك وسيع البال طيب و مزاح*
ترى الزمن ما يستحق الملامه

[حامد نوار]

ودك لبعض الناس ريموت كنترول
لا طال حسه وازعجك تضغط ميوت

ولا صار بالمجلس مقاريد وخبول
تضغط على Delete وتشوتهم شوت