[حامد نوار]

يالله انا طالبك في سر واجهار
وجود المعاني في لذيذ الاماني
يالله تبعد والديني عن النار
وتجعل مساكنهم بخير الجناني

[حامد نوار]

وش دخلكك بالناس ... خلك من الناس
شوف انت وش يرضي ضميرك وسوّهه
الناس لو تنزف لها ... صدق الاحساس
كلـ(ن) يبي ينقد .... علىى كيف جوّهه

[حامد نوار]

لحقنا من الايام شده ونشفت ريق
وصبرنا وواجهنا وكلٍ وماواجه

فلا بد من ساعة فرج عقب ساعة ضيق
بها يقضي المحتاج ماكان محتاجه

[حامد نوار]

ترىء التراب اللي تدوسه مصيرك
لاحول لك … من غير ربي وقوّه

لاغرتك دنياك … راجع ضميرك
دور على اللي يرضي الله وسوّه"

[حامد نوار]

كلٍ على نهجه تسـوقه مساعيـه
وكلٍ على مسعـاه بـانت نوايـاه

احدن على درب النقا في خطاويه
واحدن على درب الردى ماتعداه

[حامد نوار]

سليم النوايا ماحسب للزمان حساب
وماكان خافي عنك راح ايتبين لك

يدور الزمان وتنكشف للحقيقه باب
وتعرف منو صاحبك ومن هو عدوٍ لك

[حامد نوار]

يالله تغّفر ذنب عبدك وتعفيه
ذنبه كبير ودمّعته لك وسيله..

كثر مآحس إنه مكثر معآصيه
ما حسّ بإن المغفره مستحيله

[حامد نوار]

يطيـب لك من صفوة الكيـف فنجـال
مع مرحـبـا والنفس يكمل سعدهـا..

ولا مصيـر النفـس محتوم لـــــو طال
زرعة فنا واللي زرعــــــــــــها حصدها..

العقل حكمه والثقـة راحـة البـــــال
والله يعين اللي بنفســـــــــه فـقدها ..

[حامد نوار]

اليا جزعت روحك و ذاقت غرابيل
اعكف على القرآن يذهب جزعها
ما يهجر ( القرآن ) كود المهابيل
ناس ٍ تدس علاجها عن وجعها

[حامد نوار]

للعسر يسر , وللهموم انفرآجه
يجي لهآ من وآلي العَرش مخرآج

ارفـع .. يدينك للسمـآء ثم نآجه
يظهرك لو دونك شرآبيك وآسيآج