[حامد نوار]

الله يزيل الضيق عن شـاكي الضيق
ويعوّض الضـايق .. سـرور وسـعاده

ويحـقـق الأحــلام للنـاس .. تحقيـق
ويـزوّد الصـابـر .. صـمـود وجـلاده

[حامد نوار]

احـدن ليا شاف ثقـل الحمل شالـه
.......... واحدن ليا شاف الثقل قال بعدين

واحدن قبـل ٺنخاھ يحـذف عقالـه
....... واحدن بعد نخواگ يسقط من العين"

[حامد نوار]

عشقت مـن صغـري نسيـم الهبايـب
........ الـبـر لاغـيـّم سـمـاء الخـيـر جــوّي

اغيـب ما كـنـي عــن الـنـاس غـايـب
........ واشرح معاناتي علـى جمـر ضـوّي

[حامد نوار]

ياقربهم لا قلت طلعه على تيس
ويابعدهم لا قلت محتاج حاجه

اهل اللجاجه والوجيه المفاليس
مامن وراهم غير كثر اللجاجه

ياهاجسي تكفى تعوذ من ابليس
الصقر ماياكل فروخ الدجاجه

من راح ياجعله مراح النسانيس
وكلن على ماقيل عارف خراجه

ارفع جنابي عن علوم الدنافيس
واللوم في بعض المواقف سماجه

اللي يلوم الهيس في زلته هيس
هذا الوكاد وكل شخص ومزاجه

[حامد نوار]

لايردك لا دروب ولا أماكن..
إصنع من الفكر لحدودك سحابه..

إكتب اللي يستثير العقل لكن..
رجّ عـقلك جـيداً قبل الكتـابـه

[هديل35]

النفوس انواع والدنيا مصالح
والستر مكسب ويغنيك ان كسبته

لا جبرك الوقت تشرب ماء مالح !
اشرب ولا تقول للعالم شربته

[هديل35]

مھـمـا تجمّـلـنـا . بثـوب القـنـاعـه
احوالنا مع عقرب (الساعـه )تـدور

ممكن تلاقي شخص في نص ساعه
يضحك ويبكي و متضايق و مسرور

[هديل35]

ياخاطري / ما يفيد الضيق والحسره
والحزن قتال لا هبت اعاصيره

لا تحسب اللي جرى لي بالهوى كسره
الغصن عايش ولو طارت عصافيره .. !!!

[هديل35]

بعـد التعـب عـودّت مثـل أي أنـسـان
بأنسى همومي .. مثـل ماالنـاس ناسيـن

[هديل35]

الصمت .. حڪمــہ والڪلام أڪثر من اللازم / غبا ,
مـادام في الدنيا مـواقف مايعبرها " ڪـــــلام " ..