[هديل35]

لاتذرف دموعك على كل من غاب
.................الله حفيظ وحافظٍ كل غايب

طال الغياب ولابكت عين الأحباب !!!
..............يمكن غلايه في مهب الهبايب

النفس طابت من هوى كل كذاب
..........شامت عن اللي بالوفا كان خايب

[حامد نوار]

الصدر شارع والضلوع المسارات
والهم يرسم خطة السير ،،،،،فيني

والحاجه اللي تنهش الكبد بسكات
راحت على بعض الامور اتحديني

[حامد نوار]

من طاب طبنا فوق طيبه بعد طيب
ومن تردى وش كسب وش خسرنا

دنيا العنا فيها دروس وتعاجيب
وعلى كثر صكاتها مانكسرنا

[حامد نوار]

الطيب فـ أهل الوفا طاعه وخيرٍ فضيل
وان ضاع فـ أهل الردى مايعتبر معصيه

[حامد نوار]

ﻻتصادق بخيل ، وﻻ تخاوي : زعول ،
وﻻ تجادل سفيه .. وﻻ تعاند خبل
التزم بالنزاهه واحترام العقول ،
وكان هبت عليك : الريح خلك جبل !

[حامد نوار]

ياهل النمايم ماكسبتم غنايم
خلو عباد الله وشذب العراقيب
مافيه داعي تكثرون النمايم
وتعرقلون الضيف هو المعازيب
تجار هرجٍ بين جالس وقايم
ولافيكم الي عارفٍ بالمواجيب
افعالكم ياهل النقيلي جرايم
ياهل النقيلي فيكم الشين والعيب
ولاجاك واحدهم عقب كان نايم
يذبح على المركا ويستفرس الذيب
ليته يفتش بالشوش والعمايم
من دون باق الثوب يلقى العذاريب
يالله ياحيٍ صمد فرد دايم
انت العليم وتعلم السر والغيب
إنك تلد اهل الحقد والظلايم
واهل الدعاوي والحجج والاكاذيب
يالله لاتبقى على الارض حايم
صارو على الاجواد ذنب وعواقيب

[هديل35]

هذا الفراق اللي نسولف بطاريه ؟
أمسٍ نسولف به وذا الحين شفناه .!

[هديل35]

للورد قصة بس من يفهم الورد ؟
" إنه إذا طال التجافي / تألّمْ !!!

[هديل35]

يارب أنا لا ضاقت الارض مشكاي
سجادتي والصبر والدمع والنوح ..~

أجيك وأمسح دمع عيني وانا جاي
ويالله عسى من سبب الدمع مسموح ..~

[هديل35]

كـنتــ الغريق وكـنـتـ قـارب نجاتي
أنقـذتني لـكـن على لـوح تـابوتــ